Texts

saṃjaya uvāca / (1.1) Par.?

arjuno vāsudevaśca dhanvinau paramārcitau / (1.2) Par.?

kāmād anyatra sambhūtau sarvābhāvāya saṃmitau // (1.3) Par.?

dyām antaraṃ samāsthāya yathāyuktaṃ manasvinaḥ / (2.1) Par.?

cakraṃ tad vāsudevasya māyayā vartate vibho // (2.2) Par.?

sāpahnavaṃ pāṇḍaveṣu pāṇḍavānāṃ susaṃmatam / (3.1) Par.?

sārāsārabalaṃ jñātvā tat samāsena me śṛṇu // (3.2) Par.?

narakaṃ śambaraṃ caiva kaṃsaṃ caidyaṃ ca mādhavaḥ / (4.1) Par.?

jitavān ghorasaṃkāśān krīḍann iva janārdanaḥ // (4.2) Par.?

pṛthivīṃ cāntarikṣaṃ ca dyāṃ caiva puruṣottamaḥ / (5.1) Par.?

manasaiva viśiṣṭātmā nayatyātmavaśaṃ vaśī // (5.2) Par.?

bhūyo bhūyo hi yad rājan pṛcchase pāṇḍavān prati / (6.1) Par.?

sārāsārabalaṃ jñātuṃ tanme nigadataḥ śṛṇu // (6.2) Par.?

ekato vā jagat kṛtsnam ekato vā janārdanaḥ / (7.1) Par.?

sārato jagataḥ kṛtsnād atirikto janārdanaḥ // (7.2) Par.?

bhasma kuryājjagad idaṃ manasaiva janārdanaḥ / (8.1) Par.?

na tu kṛtsnaṃ jagacchaktaṃ bhasma kartuṃ janārdanam // (8.2) Par.?

yataḥ satyaṃ yato dharmo yato hrīr ārjavaṃ yataḥ / (9.1) Par.?

tato bhavati govindo yataḥ kṛṣṇastato jayaḥ // (9.2) Par.?

pṛthivīṃ cāntarikṣaṃ ca divaṃ ca puruṣottamaḥ / (10.1) Par.?

viceṣṭayati bhūtātmā krīḍann iva janārdanaḥ // (10.2) Par.?

sa kṛtvā pāṇḍavān satraṃ lokaṃ saṃmohayann iva / (11.1) Par.?

adharmaniratānmūḍhān dagdhum icchati te sutān // (11.2) Par.?

kālacakraṃ jagaccakraṃ yugacakraṃ ca keśavaḥ / (12.1) Par.?

ātmayogena bhagavān parivartayate 'niśam // (12.2) Par.?

kālasya ca hi mṛtyośca jaṅgamasthāvarasya ca / (13.1) Par.?

īśate bhagavān ekaḥ satyam etad bravīmi te // (13.2) Par.?

īśan api mahāyogī sarvasya jagato hariḥ / (14.1) Par.?

karmāṇyārabhate kartuṃ kīnāśa iva durbalaḥ // (14.2) Par.?

tena vañcayate lokānmāyāyogena keśavaḥ / (15.1) Par.?

ye tam eva prapadyante na te muhyanti mānavāḥ // (15.2) Par.?