UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 8035
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
rājñastu vacanaṃ śrutvā dharmārthasahitaṃ hitam / (1.2)
Par.?
kṛṣṇā dāśārham āsīnam abravīcchokakarṣitā // (1.3)
Par.?
sutā drupadarājasya svasitāyatamūrdhajā / (2.1)
Par.?
sampūjya sahadevaṃ ca sātyakiṃ ca mahāratham // (2.2)
Par.?
bhīmasenaṃ ca saṃśāntaṃ dṛṣṭvā paramadurmanāḥ / (3.1) Par.?
aśrupūrṇekṣaṇā vākyam uvācedaṃ manasvinī // (3.2)
Par.?
viditaṃ te mahābāho dharmajña madhusūdana / (4.1)
Par.?
yathā nikṛtim āsthāya bhraṃśitāḥ pāṇḍavāḥ sukhāt // (4.2)
Par.?
dhṛtarāṣṭrasya putreṇa sāmātyena janārdana / (5.1)
Par.?
yathā ca saṃjayo rājñā mantraṃ rahasi śrāvitaḥ // (5.2)
Par.?
yudhiṣṭhireṇa dāśārha taccāpi viditaṃ tava / (6.1)
Par.?
yathoktaḥ saṃjayaścaiva tacca sarvaṃ śrutaṃ tvayā // (6.2)
Par.?
pañca nastāta dīyantāṃ grāmā iti mahādyute / (7.1)
Par.?
kuśasthalaṃ vṛkasthalam āsandī vāraṇāvatam // (7.2)
Par.?
avasānaṃ mahābāho kiṃcid eva tu pañcamam / (8.1)
Par.?
iti duryodhano vācyaḥ suhṛdaścāsya keśava // (8.2)
Par.?
taccāpi nākarod vākyaṃ śrutvā kṛṣṇa suyodhanaḥ / (9.1)
Par.?
yudhiṣṭhirasya dāśārha hrīmataḥ saṃdhim icchataḥ // (9.2)
Par.?
apradānena rājyasya yadi kṛṣṇa suyodhanaḥ / (10.1)
Par.?
saṃdhim icchenna kartavyastatra gatvā kathaṃcana // (10.2)
Par.?
śakṣyanti hi mahābāho pāṇḍavāḥ sṛñjayaiḥ saha / (11.1)
Par.?
dhārtarāṣṭrabalaṃ ghoraṃ kruddhaṃ pratisamāsitum // (11.2)
Par.?
na hi sāmnā na dānena śakyo 'rthasteṣu kaścana / (12.1)
Par.?
tasmāt teṣu na kartavyā kṛpā te madhusūdana // (12.2)
Par.?
sāmnā dānena vā kṛṣṇa ye na śāmyanti śatravaḥ / (13.1)
Par.?
moktavyasteṣu daṇḍaḥ syājjīvitaṃ parirakṣatā // (13.2)
Par.?
tasmāt teṣu mahādaṇḍaḥ kṣeptavyaḥ kṣipram acyuta / (14.1)
Par.?
tvayā caiva mahābāho pāṇḍavaiḥ saha sṛñjayaiḥ // (14.2)
Par.?
etat samarthaṃ pārthānāṃ tava caiva yaśaskaram / (15.1)
Par.?
kriyamāṇaṃ bhavet kṛṣṇa kṣatrasya ca sukhāvaham // (15.2)
Par.?
kṣatriyeṇa hi hantavyaḥ kṣatriyo lobham āsthitaḥ / (16.1)
Par.?
akṣatriyo vā dāśārha svadharmam anutiṣṭhatā // (16.2)
Par.?
anyatra brāhmaṇāt tāta sarvapāpeṣvavasthitāt / (17.1)
Par.?
gurur hi sarvavarṇānāṃ brāhmaṇaḥ prasṛtāgrabhuk // (17.2)
Par.?
yathāvadhye bhaved doṣo vadhyamāne janārdana / (18.1)
Par.?
sa vadhyasyāvadhe dṛṣṭa iti dharmavido viduḥ // (18.2)
Par.?
yathā tvāṃ na spṛśed eṣa doṣaḥ kṛṣṇa tathā kuru / (19.1)
Par.?
pāṇḍavaiḥ saha dāśārha sṛñjayaiśca sasainikaiḥ // (19.2)
Par.?
punar uktaṃ ca vakṣyāmi viśrambheṇa janārdana / (20.1)
Par.?
kā nu sīmantinī mādṛk pṛthivyām asti keśava // (20.2)
Par.?
sutā drupadarājasya vedimadhyāt samutthitā / (21.1)
Par.?
dhṛṣṭadyumnasya bhaginī tava kṛṣṇa priyā sakhī // (21.2)
Par.?
ājamīḍhakulaṃ prāptā snuṣā pāṇḍor mahātmanaḥ / (22.1)
Par.?
mahiṣī pāṇḍuputrāṇāṃ pañcendrasamavarcasām // (22.2)
Par.?
sutā me pañcabhir vīraiḥ pañca jātā mahārathāḥ / (23.1)
Par.?
abhimanyur yathā kṛṣṇa tathā te tava dharmataḥ // (23.2)
Par.?
sāhaṃ keśagrahaṃ prāptā parikliṣṭā sabhāṃ gatā / (24.1)
Par.?
paśyatāṃ pāṇḍuputrāṇāṃ tvayi jīvati keśava // (24.2)
Par.?
jīvatsu kauraveyeṣu pāñcāleṣvatha vṛṣṇiṣu / (25.1)
Par.?
dāsībhūtāsmi pāpānāṃ sabhāmadhye vyavasthitā // (25.2)
Par.?
nirāmarṣeṣvaceṣṭeṣu prekṣamāṇeṣu pāṇḍuṣu / (26.1)
Par.?
trāhi mām iti govinda manasā kāṅkṣito 'si me // (26.2)
Par.?
yatra māṃ bhagavān rājā śvaśuro vākyam abravīt / (27.1)
Par.?
varaṃ vṛṇīṣva pāñcāli varārhāsi matāsi me // (27.2)
Par.?
adāsāḥ pāṇḍavāḥ santu sarathāḥ sāyudhā iti / (28.1)
Par.?
mayokte yatra nirmuktā vanavāsāya keśava // (28.2)
Par.?
evaṃvidhānāṃ duḥkhānām abhijño 'si janārdana / (29.1)
Par.?
trāhi māṃ puṇḍarīkākṣa sabhartṛjñātibāndhavām // (29.2)
Par.?
nanvahaṃ kṛṣṇa bhīṣmasya dhṛtarāṣṭrasya cobhayoḥ / (30.1)
Par.?
snuṣā bhavāmi dharmeṇa sāhaṃ dāsīkṛtābhavam // (30.2)
Par.?
dhig balaṃ bhīmasenasya dhik pārthasya dhanuṣmatām / (31.1)
Par.?
yatra duryodhanaḥ kṛṣṇa muhūrtam api jīvati // (31.2)
Par.?
yadi te 'ham anugrāhyā yadi te 'sti kṛpā mayi / (32.1)
Par.?
dhārtarāṣṭreṣu vai kopaḥ sarvaḥ kṛṣṇa vidhīyatām // (32.2)
Par.?
ityuktvā mṛdusaṃhāraṃ vṛjināgraṃ sudarśanam / (33.1)
Par.?
sunīlam asitāpāṅgī puṇyagandhādhivāsitam // (33.2)
Par.?
sarvalakṣaṇasampannaṃ mahābhujagavarcasam / (34.1)
Par.?
keśapakṣaṃ varārohā gṛhya savyena pāṇinā // (34.2)
Par.?
padmākṣī puṇḍarīkākṣam upetya gajagāminī / (35.1)
Par.?
aśrupūrṇekṣaṇā kṛṣṇā kṛṣṇaṃ vacanam abravīt // (35.2)
Par.?
ayaṃ te puṇḍarīkākṣa duḥśāsanakaroddhṛtaḥ / (36.1)
Par.?
smartavyaḥ sarvakāleṣu pareṣāṃ saṃdhim icchatā // (36.2)
Par.?
yadi bhīmārjunau kṛṣṇa kṛpaṇau saṃdhikāmukau / (37.1)
Par.?
pitā me yotsyate vṛddhaḥ saha putrair mahārathaiḥ // (37.2)
Par.?
pañca caiva mahāvīryāḥ putrā me madhusūdana / (38.1)
Par.?
abhimanyuṃ puraskṛtya yotsyanti kurubhiḥ saha // (38.2)
Par.?
duḥśāsanabhujaṃ śyāmaṃ saṃchinnaṃ pāṃsuguṇṭhitam / (39.1)
Par.?
yadyahaṃ taṃ na paśyāmi kā śāntir hṛdayasya me // (39.2)
Par.?
trayodaśa hi varṣāṇi pratīkṣantyā gatāni me / (40.1)
Par.?
nidhāya hṛdaye manyuṃ pradīptam iva pāvakam // (40.2)
Par.?
vidīryate me hṛdayaṃ bhīmavākśalyapīḍitam / (41.1)
Par.?
yo 'yam adya mahābāhur dharmaṃ samanupaśyati // (41.2)
Par.?
ityuktvā bāṣpasannena kaṇṭhenāyatalocanā / (42.1)
Par.?
ruroda kṛṣṇā sotkampaṃ sasvaraṃ bāṣpagadgadam // (42.2)
Par.?
stanau pīnāyataśroṇī sahitāvabhivarṣatī / (43.1)
Par.?
dravībhūtam ivātyuṣṇam utsṛjad vāri netrajam // (43.2)
Par.?
tām uvāca mahābāhuḥ keśavaḥ parisāntvayan / (44.1)
Par.?
acirād drakṣyase kṛṣṇe rudatīr bharatastriyaḥ // (44.2)
Par.?
evaṃ tā bhīru rotsyanti nihatajñātibāndhavāḥ / (45.1)
Par.?
hatamitrā hatabalā yeṣāṃ kruddhāsi bhāmini // (45.2)
Par.?
ahaṃ ca tat kariṣyāmi bhīmārjunayamaiḥ saha / (46.1)
Par.?
yudhiṣṭhiraniyogena daivācca vidhinirmitāt // (46.2)
Par.?
dhārtarāṣṭrāḥ kālapakvā na cecchṛṇvanti me vacaḥ / (47.1)
Par.?
śeṣyante nihatā bhūmau śvaśṛgālādanīkṛtāḥ // (47.2)
Par.?
caleddhi himavāñ śailo medinī śatadhā bhavet / (48.1)
Par.?
dyauḥ patecca sanakṣatrā na me moghaṃ vaco bhavet // (48.2)
Par.?
satyaṃ te pratijānāmi kṛṣṇe bāṣpo nigṛhyatām / (49.1)
Par.?
hatāmitrāñ śriyā yuktān acirād drakṣyase patīn // (49.2)
Par.?
Duration=0.27211999893188 secs.