Texts

vaiśaṃpāyana uvāca / (1.1) Par.?

tathā dūtaiḥ samājñāya āyāntaṃ madhusūdanam / (1.2) Par.?

dhṛtarāṣṭro 'bravīd bhīṣmam arcayitvā mahābhujam // (1.3) Par.?

droṇaṃ ca saṃjayaṃ caiva viduraṃ ca mahāmatim / (2.1) Par.?

duryodhanaṃ ca sāmātyaṃ hṛṣṭaromābravīd idam // (2.2) Par.?

adbhutaṃ mahad āścaryaṃ śrūyate kurunandana / (3.1) Par.?

striyo bālāśca vṛddhāśca kathayanti gṛhe gṛhe // (3.2) Par.?

satkṛtyācakṣate cānye tathaivānye samāgatāḥ / (4.1) Par.?

pṛthagvādāśca vartante catvareṣu sabhāsu ca // (4.2) Par.?

upayāsyati dāśārhaḥ pāṇḍavārthe parākramī / (5.1) Par.?

sa no mānyaśca pūjyaśca sarvathā madhusūdanaḥ // (5.2) Par.?

tasmin hi yātrā lokasya bhūtānām īśvaro hi saḥ / (6.1) Par.?

tasmin dhṛtiśca vīryaṃ ca prajñā caujaśca mādhave // (6.2) Par.?

sa mānyatāṃ naraśreṣṭhaḥ sa hi dharmaḥ sanātanaḥ / (7.1) Par.?

pūjito hi sukhāya syād asukhaḥ syād apūjitaḥ // (7.2) Par.?

sa cet tuṣyati dāśārha upacārair ariṃdamaḥ / (8.1) Par.?

kṛtsnān sarvān abhiprāyān prāpsyāmaḥ sarvarājasu // (8.2) Par.?

tasya pūjārtham adyaiva saṃvidhatsva paraṃtapa / (9.1) Par.?

sabhāḥ pathi vidhīyantāṃ sarvakāmasamāhitāḥ // (9.2) Par.?

yathā prītir mahābāho tvayi jāyeta tasya vai / (10.1) Par.?

tathā kuruṣva gāndhāre kathaṃ vā bhīṣma manyase // (10.2) Par.?

tato bhīṣmādayaḥ sarve dhṛtarāṣṭraṃ janādhipam / (11.1) Par.?

ūcuḥ paramam ityevaṃ pūjayanto 'sya tad vacaḥ // (11.2) Par.?

teṣām anumataṃ jñātvā rājā duryodhanastadā / (12.1) Par.?

sabhāvāstūni ramyāṇi pradeṣṭum upacakrame // (12.2) Par.?

tato deśeṣu deśeṣu ramaṇīyeṣu bhāgaśaḥ / (13.1) Par.?

sarvaratnasamākīrṇāḥ sabhāścakrur anekaśaḥ // (13.2) Par.?

āsanāni vicitrāṇi yuktāni vividhair guṇaiḥ / (14.1) Par.?

striyo gandhān alaṃkārān sūkṣmāṇi vasanāni ca // (14.2) Par.?

guṇavantyannapānāni bhojyāni vividhāni ca / (15.1) Par.?

mālyāni ca sugandhīni tāni rājā dadau tataḥ // (15.2) Par.?

viśeṣataśca vāsārthaṃ sabhāṃ grāme vṛkasthale / (16.1) Par.?

vidadhe kauravo rājā bahuratnāṃ manoramām // (16.2) Par.?

etad vidhāya vai sarvaṃ devārham atimānuṣam / (17.1) Par.?

ācakhyau dhṛtarāṣṭrāya rājā duryodhanastadā // (17.2) Par.?

tāḥ sabhāḥ keśavaḥ sarvā ratnāni vividhāni ca / (18.1) Par.?

asamīkṣyaiva dāśārha upāyāt kurusadma tat // (18.2) Par.?