Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 8067

Click on a sentence to show its analysis
Keep the mouse pointer over a lemma to show its meanings.

nārada uvāca / (1.1) Par.?

athāha gālavaṃ dīnaṃ suparṇaḥ patatāṃ varaḥ / (1.2) Par.?

nirmitaṃ vahninā bhūmau vāyunā vaidhitaṃ tathā / (1.3) Par.?

yasmāddhiraṇmayaṃ sarvaṃ hiraṇyaṃ tena cocyate // (1.4) Par.?

dhatte dhārayate cedam etasmāt kāraṇād dhanam / (2.1) Par.?

tad etat triṣu lokeṣu dhanaṃ tiṣṭhati śāśvatam // (2.2) Par.?

nityaṃ proṣṭhapadābhyāṃ ca śukre dhanapatau tathā / (3.1) Par.?

manuṣyebhyaḥ samādatte śukraścittārjitaṃ dhanam // (3.2) Par.?

ajaikapādahirbudhnyai rakṣyate dhanadena ca / (4.1) Par.?

evaṃ na śakyate labdhum alabdhavyaṃ dvijarṣabha // (4.2) Par.?

ṛte ca dhanam aśvānāṃ nāvāptir vidyate tava / (5.1) Par.?

arthaṃ yācātra rājānaṃ kaṃcid rājarṣivaṃśajam / (5.2) Par.?

apīḍya rājā paurān hi yo nau kuryāt kṛtārthinau // (5.3) Par.?

asti somānvavāye me jātaḥ kaścinnṛpaḥ sakhā / (6.1) Par.?

abhigacchāvahe taṃ vai tasyāsti vibhavo bhuvi // (6.2) Par.?

yayātir nāma rājarṣir nāhuṣaḥ satyavikramaḥ / (7.1) Par.?

sa dāsyati mayā cokto bhavatā cārthitaḥ svayam // (7.2) Par.?

vibhavaścāsya sumahān āsīd dhanapater iva / (8.1) Par.?

evaṃ sa tu dhanaṃ vidvān dānenaiva vyaśodhayat // (8.2) Par.?

tathā tau kathayantau ca cintayantau ca yat kṣamam / (9.1) Par.?

pratiṣṭhāne narapatiṃ yayātiṃ pratyupasthitau // (9.2) Par.?

pratigṛhya ca satkāram arghādiṃ bhojanaṃ varam / (10.1) Par.?

pṛṣṭaścāgamane hetum uvāca vinatāsutaḥ // (10.2) Par.?

ayaṃ me nāhuṣa sakhā gālavastapaso nidhiḥ / (11.1) Par.?

viśvāmitrasya śiṣyo 'bhūd varṣāṇyayutaśo nṛpa // (11.2) Par.?

so 'yaṃ tenābhyanujñāta upakārepsayā dvijaḥ / (12.1) Par.?

tam āha bhagavān kāṃ te dadāni gurudakṣiṇām // (12.2) Par.?

asakṛt tena coktena kiṃcid āgatamanyunā / (13.1) Par.?

ayam uktaḥ prayaccheti jānatā vibhavaṃ laghu // (13.2) Par.?

ekataḥ śyāmakarṇānāṃ śubhrāṇāṃ śuddhajanmanām / (14.1) Par.?

aṣṭau śatāni me dehi hayānāṃ candravarcasām // (14.2) Par.?

gurvartho dīyatām eṣa yadi gālava manyase / (15.1) Par.?

ityevam āha sakrodho viśvāmitrastapodhanaḥ // (15.2) Par.?

so 'yaṃ śokena mahatā tapyamāno dvijarṣabhaḥ / (16.1) Par.?

aśaktaḥ pratikartuṃ tad bhavantaṃ śaraṇaṃ gataḥ // (16.2) Par.?

pratigṛhya naravyāghra tvatto bhikṣāṃ gatavyathaḥ / (17.1) Par.?

kṛtvāpavargaṃ gurave cariṣyati mahat tapaḥ // (17.2) Par.?

tapasaḥ saṃvibhāgena bhavantam api yokṣyate / (18.1) Par.?

svena rājarṣitapasā pūrṇaṃ tvāṃ pūrayiṣyati // (18.2) Par.?

yāvanti romāṇi haye bhavanti hi nareśvara / (19.1) Par.?

tāvato vājidā lokān prāpnuvanti mahīpate // (19.2) Par.?

pātraṃ pratigrahasyāyaṃ dātuṃ pātraṃ tathā bhavān / (20.1) Par.?

śaṅkhe kṣīram ivāsaktaṃ bhavatvetat tathopamam // (20.2) Par.?

Duration=0.11823892593384 secs.