Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 8058
  • Click on a sentence to show its analysis
  • Keep the mouse pointer over a lemma to show its meanings.
kaṇva uvāca / (1.1) Par.?
garuḍastat tu śuśrāva yathāvṛttaṃ mahābalaḥ / (1.2) Par.?
āyuḥpradānaṃ śakreṇa kṛtaṃ nāgasya bhārata // (1.3) Par.?
pakṣavātena mahatā ruddhvā tribhuvanaṃ khagaḥ / (2.1) Par.?
suparṇaḥ paramakruddho vāsavaṃ samupādravat // (2.2) Par.?
garuḍa uvāca / (3.1) Par.?
bhagavan kim avajñānāt kṣudhāṃ prati bhaye mama / (3.2) Par.?
kāmakāravaraṃ dattvā punaś calitavān asi // (3.3) Par.?
nisargāt sarvabhūtānāṃ sarvabhūteśvareṇa me / (4.1) Par.?
āhāro vihito dhātrā kimarthaṃ vāryate tvayā // (4.2) Par.?
vṛtaścaiṣa mahānāgaḥ sthāpitaḥ samayaśca me / (5.1) Par.?
anena ca mayā deva bhartavyaḥ prasavo mahān // (5.2) Par.?
etasmiṃstvanyathābhūte nānyaṃ hiṃsitum utsahe / (6.1) Par.?
krīḍase kāmakāreṇa devarāja yathecchakam // (6.2) Par.?
so 'haṃ prāṇān vimokṣyāmi tathā parijano mama / (7.1) Par.?
ye ca bhṛtyā mama gṛhe prītimān bhava vāsava // (7.2) Par.?
etaccaivāham arhāmi bhūyaśca balavṛtrahan / (8.1) Par.?
trailokyasyeśvaro yo 'haṃ parabhṛtyatvam āgataḥ // (8.2) Par.?
tvayi tiṣṭhati deveśa na viṣṇuḥ kāraṇaṃ mama / (9.1) Par.?
trailokyarāja rājyaṃ hi tvayi vāsava śāśvatam // (9.2) Par.?
mamāpi dakṣasya sutā jananī kaśyapaḥ pitā / (10.1) Par.?
aham apyutsahe lokān samastān voḍhum añjasā // (10.2) Par.?
asahyaṃ sarvabhūtānāṃ mamāpi vipulaṃ balam / (11.1) Par.?
mayāpi sumahat karma kṛtaṃ daiteyavigrahe // (11.2) Par.?
śrutaśrīḥ śrutasenaśca vivasvān rocanāmukhaḥ / (12.1) Par.?
prasabhaḥ kālakākṣaśca mayāpi ditijā hatāḥ // (12.2) Par.?
yat tu dhvajasthānagato yatnāt paricarāmyaham / (13.1) Par.?
vahāmi caivānujaṃ te tena mām avamanyase // (13.2) Par.?
ko 'nyo bhārasaho hyasti ko 'nyo 'sti balavattaraḥ / (14.1) Par.?
mayā yo 'haṃ viśiṣṭaḥ san vahāmīmaṃ sabāndhavam // (14.2) Par.?
avajñāya tu yat te 'haṃ bhojanād vyaparopitaḥ / (15.1) Par.?
tena me gauravaṃ naṣṭaṃ tvattaścāsmācca vāsava // (15.2) Par.?
adityāṃ ya ime jātā balavikramaśālinaḥ / (16.1) Par.?
tvam eṣāṃ kila sarveṣāṃ viśeṣād balavattaraḥ // (16.2) Par.?
so 'haṃ pakṣaikadeśena vahāmi tvāṃ gataklamaḥ / (17.1) Par.?
vimṛśa tvaṃ śanaistāta ko nvatra balavān iti // (17.2) Par.?
kaṇva uvāca / (18.1) Par.?
tasya tad vacanaṃ śrutvā khagasyodarkadāruṇam / (18.2) Par.?
akṣobhyaṃ kṣobhayaṃstārkṣyam uvāca rathacakrabhṛt // (18.3) Par.?
garutmanmanyase ''tmānaṃ balavantaṃ sudurbalam / (19.1) Par.?
alam asmatsamakṣaṃ te stotum ātmānam aṇḍaja // (19.2) Par.?
trailokyam api me kṛtsnam aśaktaṃ dehadhāraṇe / (20.1) Par.?
aham evātmanātmānaṃ vahāmi tvāṃ ca dhāraye // (20.2) Par.?
imaṃ tāvanmamaikaṃ tvaṃ bāhuṃ savyetaraṃ vaha / (21.1) Par.?
yadyenaṃ dhārayasyekaṃ saphalaṃ te vikatthitam // (21.2) Par.?
tataḥ sa bhagavāṃstasya skandhe bāhuṃ samāsajat / (22.1) Par.?
nipapāta sa bhārārto vihvalo naṣṭacetanaḥ // (22.2) Par.?
yāvān hi bhāraḥ kṛtsnāyāḥ pṛthivyāḥ parvataiḥ saha / (23.1) Par.?
ekasyā dehaśākhāyāstāvad bhāram amanyata // (23.2) Par.?
na tvenaṃ pīḍayāmāsa balena balavattaraḥ / (24.1) Par.?
tato hi jīvitaṃ tasya na vyanīnaśad acyutaḥ // (24.2) Par.?
vipakṣaḥ srastakāyaśca vicetā vihvalaḥ khagaḥ / (25.1) Par.?
mumoca patrāṇi tadā gurubhāraprapīḍitaḥ // (25.2) Par.?
sa viṣṇuṃ śirasā pakṣī praṇamya vinatāsutaḥ / (26.1) Par.?
vicetā vihvalo dīnaḥ kiṃcid vacanam abravīt // (26.2) Par.?
bhagavaṃl lokasārasya sadṛśena vapuṣmatā / (27.1) Par.?
bhujena svairamuktena niṣpiṣṭo 'smi mahītale // (27.2) Par.?
kṣantum arhasi me deva vihvalasyālpacetasaḥ / (28.1) Par.?
baladāhavidagdhasya pakṣiṇo dhvajavāsinaḥ // (28.2) Par.?
na vijñātaṃ balaṃ deva mayā te paramaṃ vibho / (29.1) Par.?
tena manyāmyahaṃ vīryam ātmano 'sadṛśaṃ paraiḥ // (29.2) Par.?
tataścakre sa bhagavān prasādaṃ vai garutmataḥ / (30.1) Par.?
maivaṃ bhūya iti snehāt tadā cainam uvāca ha // (30.2) Par.?
tathā tvam api gāndhāre yāvat pāṇḍusutān raṇe / (31.1) Par.?
nāsādayasi tān vīrāṃstāvajjīvasi putraka // (31.2) Par.?
bhīmaḥ praharatāṃ śreṣṭho vāyuputro mahābalaḥ / (32.1) Par.?
dhanaṃjayaścendrasuto na hanyātāṃ tu kaṃ raṇe // (32.2) Par.?
viṣṇur vāyuśca śakraśca dharmastau cāśvināvubhau / (33.1) Par.?
ete devāstvayā kena hetunā śakyam īkṣitum // (33.2) Par.?
tad alaṃ te virodhena śamaṃ gaccha nṛpātmaja / (34.1) Par.?
vāsudevena tīrthena kulaṃ rakṣitum arhasi // (34.2) Par.?
pratyakṣo hyasya sarvasya nārado 'yaṃ mahātapāḥ / (35.1) Par.?
māhātmyaṃ yat tadā viṣṇor yo 'yaṃ cakragadādharaḥ // (35.2) Par.?
vaiśaṃpāyana uvāca / (36.1) Par.?
duryodhanastu tacchrutvā niḥśvasan bhṛkuṭīmukhaḥ / (36.2) Par.?
rādheyam abhisamprekṣya jahāsa svanavat tadā // (36.3) Par.?
kadarthīkṛtya tad vākyam ṛṣeḥ kaṇvasya durmatiḥ / (37.1) Par.?
ūruṃ gajakarākāraṃ tāḍayann idam abravīt // (37.2) Par.?
yathaiveśvarasṛṣṭo 'smi yad bhāvi yā ca me gatiḥ / (38.1) Par.?
tathā maharṣe vartāmi kiṃ pralāpaḥ kariṣyati // (38.2) Par.?
Duration=0.16141104698181 secs.