Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 8071

Click on a sentence to show its analysis
Keep the mouse pointer over a lemma to show its meanings.

nārada uvāca / (1.1) Par.?

tathaiva sā śriyaṃ tyaktvā kanyā bhūtvā yaśasvinī / (1.2) Par.?

mādhavī gālavaṃ vipram anvayāt satyasaṃgarā // (1.3) Par.?

gālavo vimṛśann eva svakāryagatamānasaḥ / (2.1) Par.?

jagāma bhojanagaraṃ draṣṭum auśīnaraṃ nṛpam // (2.2) Par.?

tam uvācātha gatvā sa nṛpatiṃ satyavikramam / (3.1) Par.?

iyaṃ kanyā sutau dvau te janayiṣyati pārthivau // (3.2) Par.?

asyāṃ bhavān avāptārtho bhavitā pretya ceha ca / (4.1) Par.?

somārkapratisaṃkāśau janayitvā sutau nṛpa // (4.2) Par.?

śulkaṃ tu sarvadharmajña hayānāṃ candravarcasām / (5.1) Par.?

ekataḥ śyāmakarṇānāṃ deyaṃ mahyaṃ catuḥśatam // (5.2) Par.?

gurvartho 'yaṃ samārambho na hayaiḥ kṛtyam asti me / (6.1) Par.?

yadi śakyaṃ mahārāja kriyatāṃ mā vicāryatām // (6.2) Par.?

anapatyo 'si rājarṣe putrau janaya pārthiva / (7.1) Par.?

pitṝn putraplavena tvam ātmānaṃ caiva tāraya // (7.2) Par.?

na putraphalabhoktā hi rājarṣe pātyate divaḥ / (8.1) Par.?

na yāti narakaṃ ghoraṃ yatra gacchantyanātmajāḥ // (8.2) Par.?

etaccānyacca vividhaṃ śrutvā gālavabhāṣitam / (9.1) Par.?

uśīnaraḥ prativaco dadau tasya narādhipaḥ // (9.2) Par.?

śrutavān asmi te vākyaṃ yathā vadasi gālava / (10.1) Par.?

vidhistu balavān brahman pravaṇaṃ hi mano mama // (10.2) Par.?

śate dve tu mamāśvānām īdṛśānāṃ dvijottama / (11.1) Par.?

itareṣāṃ sahasrāṇi subahūni caranti me // (11.2) Par.?

aham apyekam evāsyāṃ janayiṣyāmi gālava / (12.1) Par.?

putraṃ dvija gataṃ mārgaṃ gamiṣyāmi parair aham // (12.2) Par.?

mūlyenāpi samaṃ kuryāṃ tavāhaṃ dvijasattama / (13.1) Par.?

paurajānapadārthaṃ tu mamārtho nātmabhogataḥ // (13.2) Par.?

kāmato hi dhanaṃ rājā pārakyaṃ yaḥ prayacchati / (14.1) Par.?

na sa dharmeṇa dharmātman yujyate yaśasā na ca // (14.2) Par.?

so 'haṃ pratigrahīṣyāmi dadātvetāṃ bhavānmama / (15.1) Par.?

kumārīṃ devagarbhābhām ekaputrabhavāya me // (15.2) Par.?

tathā tu bahukalyāṇam uktavantaṃ narādhipam / (16.1) Par.?

uśīnaraṃ dvijaśreṣṭho gālavaḥ pratyapūjayat // (16.2) Par.?

uśīnaraṃ pratigrāhya gālavaḥ prayayau vanam / (17.1) Par.?

reme sa tāṃ samāsādya kṛtapuṇya iva śriyam // (17.2) Par.?

kandareṣu ca śailānāṃ nadīnāṃ nirjhareṣu ca / (18.1) Par.?

udyāneṣu vicitreṣu vaneṣūpavaneṣu ca // (18.2) Par.?

harmyeṣu ramaṇīyeṣu prāsādaśikhareṣu ca / (19.1) Par.?

vātāyanavimāneṣu tathā garbhagṛheṣu ca // (19.2) Par.?

tato 'sya samaye jajñe putro bālaraviprabhaḥ / (20.1) Par.?

śibir nāmnābhivikhyāto yaḥ sa pārthivasattamaḥ // (20.2) Par.?

upasthāya sa taṃ vipro gālavaḥ pratigṛhya ca / (21.1) Par.?

kanyāṃ prayātastāṃ rājan dṛṣṭavān vinatātmajam // (21.2) Par.?

Duration=0.071954965591431 secs.