Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 8080
  • Click on a sentence to show its analysis
  • Keep the mouse pointer over a lemma to show its meanings.
vaiśaṃpāyana uvāca / (1.1) Par.?
śrutvā duryodhano vākyam apriyaṃ kurusaṃsadi / (1.2) Par.?
pratyuvāca mahābāhuṃ vāsudevaṃ yaśasvinam // (1.3) Par.?
prasamīkṣya bhavān etad vaktum arhati keśava / (2.1) Par.?
mām eva hi viśeṣeṇa vibhāṣya parigarhase // (2.2) Par.?
bhaktivādena pārthānām akasmānmadhusūdana / (3.1) Par.?
bhavān garhayate nityaṃ kiṃ samīkṣya balābalam // (3.2) Par.?
bhavān kṣattā ca rājā ca ācāryo vā pitāmahaḥ / (4.1) Par.?
mām eva parigarhante nānyaṃ kaṃcana pārthivam // (4.2) Par.?
na cāhaṃ lakṣaye kaṃcid vyabhicāram ihātmanaḥ / (5.1) Par.?
atha sarve bhavanto māṃ vidviṣanti sarājakāḥ // (5.2) Par.?
na cāhaṃ kaṃcid atyartham aparādham ariṃdama / (6.1) Par.?
vicintayan prapaśyāmi susūkṣmam api keśava // (6.2) Par.?
priyābhyupagate dyūte pāṇḍavā madhusūdana / (7.1) Par.?
jitāḥ śakuninā rājyaṃ tatra kiṃ mama duṣkṛtam // (7.2) Par.?
yat punar draviṇaṃ kiṃcit tatrājīyanta pāṇḍavāḥ / (8.1) Par.?
tebhya evābhyanujñātaṃ tat tadā madhusūdana // (8.2) Par.?
aparādho na cāsmākaṃ yat te hyakṣaparājitāḥ / (9.1) Par.?
ajeyā jayatāṃ śreṣṭha pārthāḥ pravrājitā vanam // (9.2) Par.?
kena cāpyapavādena virudhyante 'ribhiḥ saha / (10.1) Par.?
aśaktāḥ pāṇḍavāḥ kṛṣṇa prahṛṣṭāḥ pratyamitravat // (10.2) Par.?
kim asmābhiḥ kṛtaṃ teṣāṃ kasmin vā punar āgasi / (11.1) Par.?
dhārtarāṣṭrāñ jighāṃsanti pāṇḍavāḥ sṛñjayaiḥ saha // (11.2) Par.?
na cāpi vayam ugreṇa karmaṇā vacanena vā / (12.1) Par.?
vitrastāḥ praṇamāmeha bhayād api śatakratoḥ // (12.2) Par.?
na ca taṃ kṛṣṇa paśyāmi kṣatradharmam anuṣṭhitam / (13.1) Par.?
utsaheta yudhā jetuṃ yo naḥ śatrunibarhaṇa // (13.2) Par.?
na hi bhīṣmakṛpadroṇāḥ sagaṇā madhusūdana / (14.1) Par.?
devair api yudhā jetuṃ śakyāḥ kimuta pāṇḍavaiḥ // (14.2) Par.?
svadharmam anutiṣṭhanto yadi mādhava saṃyuge / (15.1) Par.?
śastreṇa nidhanaṃ kāle prāpsyāmaḥ svargam eva tat // (15.2) Par.?
mukhyaścaivaiṣa no dharmaḥ kṣatriyāṇāṃ janārdana / (16.1) Par.?
yacchayīmahi saṃgrāme śaratalpagatā vayam // (16.2) Par.?
te vayaṃ vīraśayanaṃ prāpsyāmo yadi saṃyuge / (17.1) Par.?
apraṇamyaiva śatrūṇāṃ na nastapsyati mādhava // (17.2) Par.?
kaśca jātu kule jātaḥ kṣatradharmeṇa vartayan / (18.1) Par.?
bhayād vṛttiṃ samīkṣyaivaṃ praṇamed iha kasyacit // (18.2) Par.?
udyacched eva na named udyamo hyeva pauruṣam / (19.1) Par.?
apyaparvaṇi bhajyeta na named iha kasyacit // (19.2) Par.?
iti mātaṅgavacanaṃ parīpsanti hitepsavaḥ / (20.1) Par.?
dharmāya caiva praṇamed brāhmaṇebhyaśca madvidhaḥ // (20.2) Par.?
acintayan kaṃcid anyaṃ yāvajjīvaṃ tathācaret / (21.1) Par.?
eṣa dharmaḥ kṣatriyāṇāṃ matam etacca me sadā // (21.2) Par.?
rājyāṃśaścābhyanujñāto yo me pitrā purābhavat / (22.1) Par.?
na sa labhyaḥ punar jātu mayi jīvati keśava // (22.2) Par.?
yāvacca rājā dhriyate dhṛtarāṣṭro janārdana / (23.1) Par.?
nyastaśastrā vayaṃ te vāpyupajīvāma mādhava // (23.2) Par.?
yadyadeyaṃ purā dattaṃ rājyaṃ paravato mama / (24.1) Par.?
ajñānād vā bhayād vāpi mayi bāle janārdana // (24.2) Par.?
na tad adya punar labhyaṃ pāṇḍavair vṛṣṇinandana / (25.1) Par.?
dhriyamāṇe mahābāho mayi saṃprati keśava // (25.2) Par.?
yāvaddhi sūcyāstīkṣṇāyā vidhyed agreṇa mādhava / (26.1) Par.?
tāvad apyaparityājyaṃ bhūmer naḥ pāṇḍavān prati // (26.2) Par.?
Duration=0.08881688117981 secs.