UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 8093
- Click on a sentence to show its analysis
- Keep the mouse pointer over a lemma to show its meanings.
dhṛtarāṣṭra uvāca / (1.1)
Par.?
rājaputraiḥ parivṛtastathāmātyaiśca saṃjaya / (1.2)
Par.?
upāropya rathe karṇaṃ niryāto madhusūdanaḥ // (1.3)
Par.?
kim abravīd rathopasthe rādheyaṃ paravīrahā / (2.1)
Par.?
kāni sāntvāni govindaḥ sūtaputre prayuktavān // (2.2)
Par.?
oghameghasvanaḥ kāle yat kṛṣṇaḥ karṇam abravīt / (3.1)
Par.?
mṛdu vā yadi vā tīkṣṇaṃ tanmamācakṣva saṃjaya // (3.2)
Par.?
saṃjaya uvāca / (4.1)
Par.?
ānupūrvyeṇa vākyāni ślakṣṇāni ca mṛdūni ca / (4.2)
Par.?
priyāṇi dharmayuktāni satyāni ca hitāni ca // (4.3)
Par.?
hṛdayagrahaṇīyāni rādheyaṃ madhusūdanaḥ / (5.1)
Par.?
yānyabravīd ameyātmā tāni me śṛṇu bhārata // (5.2)
Par.?
vāsudeva uvāca / (6.1)
Par.?
upāsitāste rādheya brāhmaṇā vedapāragāḥ / (6.2)
Par.?
tattvārthaṃ paripṛṣṭāśca niyatenānasūyayā // (6.3)
Par.?
tvam eva karṇa jānāsi vedavādān sanātanān / (7.1)
Par.?
tvaṃ hyeva dharmaśāstreṣu sūkṣmeṣu pariniṣṭhitaḥ // (7.2)
Par.?
kānīnaśca sahoḍhaśca kanyāyāṃ yaśca jāyate / (8.1)
Par.?
voḍhāraṃ pitaraṃ tasya prāhuḥ śāstravido janāḥ // (8.2)
Par.?
so 'si karṇa tathā jātaḥ pāṇḍoḥ putro 'si dharmataḥ / (9.1)
Par.?
nigrahād dharmaśāstrāṇām ehi rājā bhaviṣyasi // (9.2)
Par.?
pitṛpakṣe hi te pārthā mātṛpakṣe ca vṛṣṇayaḥ / (10.1)
Par.?
dvau pakṣāvabhijānīhi tvam etau puruṣarṣabha // (10.2)
Par.?
mayā sārdham ito yātam adya tvāṃ tāta pāṇḍavāḥ / (11.1)
Par.?
abhijānantu kaunteyaṃ pūrvajātaṃ yudhiṣṭhirāt // (11.2)
Par.?
pādau tava grahīṣyanti bhrātaraḥ pañca pāṇḍavāḥ / (12.1)
Par.?
draupadeyāstathā pañca saubhadraścāparājitaḥ // (12.2)
Par.?
rājāno rājaputrāśca pāṇḍavārthe samāgatāḥ / (13.1)
Par.?
pādau tava grahīṣyanti sarve cāndhakavṛṣṇayaḥ // (13.2)
Par.?
hiraṇmayāṃśca te kumbhān rājatān pārthivāṃstathā / (14.1)
Par.?
oṣadhyaḥ sarvabījāni sarvaratnāni vīrudhaḥ // (14.2)
Par.?
rājanyā rājakanyāś cāpy ānayantvabhiṣecanam / (15.1)
Par.?
ṣaṣṭhe ca tvāṃ tathā kāle draupadyupagamiṣyati // (15.2)
Par.?
adya tvām abhiṣiñcantu cāturvaidyā dvijātayaḥ / (16.1)
Par.?
purohitaḥ pāṇḍavānāṃ vyāghracarmaṇyavasthitam // (16.2)
Par.?
tathaiva bhrātaraḥ pañca pāṇḍavāḥ puruṣarṣabhāḥ / (17.1)
Par.?
draupadeyāstathā pañca pāñcālāścedayastathā // (17.2)
Par.?
ahaṃ ca tvābhiṣekṣyāmi rājānaṃ pṛthivīpatim / (18.1)
Par.?
yuvarājo 'stu te rājā kuntīputro yudhiṣṭhiraḥ // (18.2)
Par.?
gṛhītvā vyajanaṃ śvetaṃ dharmātmā saṃśitavrataḥ / (19.1)
Par.?
upānvārohatu rathaṃ kuntīputro yudhiṣṭhiraḥ // (19.2)
Par.?
chatraṃ ca te mahacchvetaṃ bhīmaseno mahābalaḥ / (20.1)
Par.?
abhiṣiktasya kaunteya kaunteyo dhārayiṣyati // (20.2)
Par.?
kiṅkiṇīśatanirghoṣaṃ vaiyāghraparivāraṇam / (21.1)
Par.?
rathaṃ śvetahayair yuktam arjuno vāhayiṣyati // (21.2)
Par.?
abhimanyuśca te nityaṃ pratyāsanno bhaviṣyati / (22.1)
Par.?
nakulaḥ sahadevaśca draupadeyāśca pañca ye // (22.2)
Par.?
pāñcālāstvānuyāsyanti śikhaṇḍī ca mahārathaḥ / (23.1)
Par.?
ahaṃ ca tvānuyāsyāmi sarve cāndhakavṛṣṇayaḥ / (23.2)
Par.?
dāśārhāḥ parivārāste dāśārṇāśca viśāṃ pate // (23.3)
Par.?
bhuṅkṣva rājyaṃ mahābāho bhrātṛbhiḥ saha pāṇḍavaiḥ / (24.1)
Par.?
japair homaiśca saṃyukto maṅgalaiśca pṛthagvidhaiḥ // (24.2)
Par.?
purogamāśca te santu draviḍāḥ saha kuntalaiḥ / (25.1)
Par.?
āndhrāstālacarāścaiva cūcupā veṇupāstathā // (25.2)
Par.?
stuvantu tvādya bahuśaḥ stutibhiḥ sūtamāgadhāḥ / (26.1)
Par.?
vijayaṃ vasuṣeṇasya ghoṣayantu ca pāṇḍavāḥ // (26.2)
Par.?
sa tvaṃ parivṛtaḥ pārthair nakṣatrair iva candramāḥ / (27.1)
Par.?
praśādhi rājyaṃ kaunteya kuntīṃ ca pratinandaya // (27.2)
Par.?
mitrāṇi te prahṛṣyantu vyathantu ripavastathā / (28.1) Par.?
saubhrātraṃ caiva te 'dyāstu bhrātṛbhiḥ saha pāṇḍavaiḥ // (28.2)
Par.?
Duration=0.14188313484192 secs.