Texts

bhīṣma uvāca / (1.1) Par.?

evam uktasya dūtena drupadasya tadā nṛpa / (1.2) Par.?

corasyeva gṛhītasya na prāvartata bhāratī // (1.3) Par.?

sa yatnam akarot tīvraṃ saṃbandhair anusāntvanaiḥ / (2.1) Par.?

dūtair madhurasaṃbhāṣair naitad astīti saṃdiśan // (2.2) Par.?

sa rājā bhūya evātha kṛtvā tattvata āgamam / (3.1) Par.?

kanyeti pāñcālasutāṃ tvaramāṇo 'bhiniryayau // (3.2) Par.?

tataḥ saṃpreṣayāmāsa mitrāṇām amitaujasām / (4.1) Par.?

duhitur vipralambhaṃ taṃ dhātrīṇāṃ vacanāt tadā // (4.2) Par.?

tataḥ samudayaṃ kṛtvā balānāṃ rājasattamaḥ / (5.1) Par.?

abhiyāne matiṃ cakre drupadaṃ prati bhārata // (5.2) Par.?

tataḥ saṃmantrayāmāsa mitraiḥ saha mahīpatiḥ / (6.1) Par.?

hiraṇyavarmā rājendra pāñcālyaṃ pārthivaṃ prati // (6.2) Par.?

tatra vai niścitaṃ teṣām abhūd rājñāṃ mahātmanām / (7.1) Par.?

tathyaṃ ced bhavati hyetat kanyā rājañ śikhaṇḍinī / (7.2) Par.?

baddhvā pāñcālarājānam ānayiṣyāmahe gṛhān // (7.3) Par.?

anyaṃ rājānam ādhāya pāñcāleṣu nareśvaram / (8.1) Par.?

ghātayiṣyāma nṛpatiṃ drupadaṃ saśikhaṇḍinam // (8.2) Par.?

sa tadā dūtam ājñāya punaḥ kṣattāram īśvaraḥ / (9.1) Par.?

prāsthāpayat pārṣatāya hanmīti tvāṃ sthiro bhava // (9.2) Par.?

sa prakṛtyā ca vai bhīruḥ kilbiṣī ca narādhipaḥ / (10.1) Par.?

bhayaṃ tīvram anuprāpto drupadaḥ pṛthivīpatiḥ // (10.2) Par.?

visṛjya dūtaṃ dāśārṇaṃ drupadaḥ śokakarśitaḥ / (11.1) Par.?

sametya bhāryāṃ rahite vākyam āha narādhipaḥ // (11.2) Par.?

bhayena mahatāviṣṭo hṛdi śokena cāhataḥ / (12.1) Par.?

pāñcālarājo dayitāṃ mātaraṃ vai śikhaṇḍinaḥ // (12.2) Par.?

abhiyāsyati māṃ kopāt saṃbandhī sumahābalaḥ / (13.1) Par.?

hiraṇyavarmā nṛpatiḥ karṣamāṇo varūthinīm // (13.2) Par.?

kim idānīṃ kariṣyāmi mūḍhaḥ kanyām imāṃ prati / (14.1) Par.?

śikhaṇḍī kila putraste kanyeti pariśaṅkitaḥ // (14.2) Par.?

iti niścitya tattvena samitraḥ sabalānugaḥ / (15.1) Par.?

vañcito 'smīti manvāno māṃ kiloddhartum icchati // (15.2) Par.?

kim atra tathyaṃ suśroṇi kiṃ mithyā brūhi śobhane / (16.1) Par.?

śrutvā tvattaḥ śubhe vākyaṃ saṃvidhāsyāmyahaṃ tathā // (16.2) Par.?

ahaṃ hi saṃśayaṃ prāpto bālā ceyaṃ śikhaṇḍinī / (17.1) Par.?

tvaṃ ca rājñi mahat kṛcchraṃ samprāptā varavarṇini // (17.2) Par.?

sā tvaṃ sarvavimokṣāya tattvam ākhyāhi pṛcchataḥ / (18.1) Par.?

tathā vidadhyāṃ suśroṇi kṛtyasyāsya śucismite / (18.2) Par.?

śikhaṇḍini ca mā bhaistvaṃ vidhāsye tatra tattvataḥ // (18.3) Par.?

kriyayāhaṃ varārohe vañcitaḥ putradharmataḥ / (19.1) Par.?

mayā dāśārṇako rājā vañcitaśca mahīpatiḥ / (19.2) Par.?

tad ācakṣva mahābhāge vidhāsye tatra yaddhitam // (19.3) Par.?

jānatāpi narendreṇa khyāpanārthaṃ parasya vai / (20.1) Par.?

prakāśaṃ coditā devī pratyuvāca mahīpatim // (20.2) Par.?