UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2905
- Click on a sentence to show its analysis
- Keep the mouse pointer over a lemma to show its meanings.
athāto viparītāviparītasvapnanidarśanīyamadhyāyaṃ vyākhyāsyāmaḥ // (1.1)
Par.?
yathovāca bhagavān dhanvantariḥ // (2.1)
Par.?
dūtadarśanasambhāṣā veṣāśceṣṭitam eva ca / (3.1)
Par.?
ṛkṣaṃ velā tithiś caiva nimittaṃ śakuno 'nilaḥ // (3.2)
Par.?
deśo vaidyasya vāgdehamanasāṃ ca viceṣṭitam / (4.1)
Par.?
kathayantyāturagataṃ śubhaṃ vā yadi vāśubham // (4.2)
Par.?
pākhaṇḍāśramavarṇānāṃ sapakṣāḥ karmasiddhaye / (5.1)
Par.?
ta eva viparītāḥ syurdūtāḥ karmavipattaye // (5.2)
Par.?
napuṃsakaṃ strī bahavo naikakāryā asūyakāḥ / (6.1)
Par.?
gardabhoṣṭrarathaprāptāḥ prāptā vā syuḥ paramparāḥ // (6.2)
Par.?
vaidyaṃ ya upasarpanti dūtāste cāpi garhitāḥ / (7.1)
Par.?
pāśadaṇḍāyudhadharāḥ pāṇḍuretaravāsasaḥ // (7.2)
Par.?
ārdrajīrṇāpasavyaikamalinoddhvastavāsasaḥ / (8.1)
Par.?
nyūnādhikāṅgā udvignā vikṛtā raudrarūpiṇaḥ // (8.2)
Par.?
rūkṣaniṣṭhuravādāś cāpyamaṅgalyābhidhāyinaḥ / (9.1)
Par.?
chindantastṛṇakāṣṭhāni spṛśanto nāsikāṃ stanam // (9.2)
Par.?
vastrāntānāmikākeśanakharomadaśāspṛśaḥ / (10.1)
Par.?
sroto'varodhahṛdgaṇḍamūrdhoraḥkukṣipāṇayaḥ // (10.2)
Par.?
kapālopalabhasmāsthituṣāṅgārakarāś ca ye / (11.1)
Par.?
vilikhanto mahīṃ kiṃcinmuñcanto loṣṭabhedinaḥ // (11.2)
Par.?
tailakardamadigdhāṅgā raktasraganulepanāḥ / (12.1)
Par.?
phalaṃ pakvamasāraṃ vā gṛhītvānyac ca tadvidham // (12.2)
Par.?
nakhair nakhāntaraṃ vāpi kareṇa caraṇaṃ tathā / (13.1)
Par.?
upānaccarmahastā vā vikṛtavyādhipīḍitāḥ // (13.2)
Par.?
vāmācārā rudantaś ca śvāsino vikṛtekṣaṇāḥ / (14.1)
Par.?
yāmyāṃ diśaṃ prāñjalayo viṣamaikapade sthitāḥ // (14.2)
Par.?
vaidyaṃ ya upasarpanti dūtāste cāpi garhitāḥ / (15.1)
Par.?
dakṣiṇābhimukhaṃ deśe tvaśucau vā hutāśanam / (15.2)
Par.?
jvalayantaṃ pacantaṃ vā krūrakarmaṇi codyatam // (15.3)
Par.?
nagnaṃ bhūmau śayānaṃ vā vegotsargeṣu vāśucim / (16.1)
Par.?
prakīrṇakeśam abhyaktaṃ svinnaṃ viklavam eva vā // (16.2)
Par.?
vaidyaṃ ya upasarpanti dūtāste cāpi garhitāḥ / (17.1)
Par.?
vaidyasya paitrye daive vā kārye cotpātadarśane // (17.2)
Par.?
madhyāhne cārdharātre vā sandhyayoḥ kṛttikāsu ca / (18.1)
Par.?
ārdrāśleṣāmaghāmūlapūrvāsu bharaṇīṣu ca // (18.2)
Par.?
caturthyāṃ vā navamyāṃ vā ṣaṣṭhyāṃ sandhidineṣu ca / (19.1)
Par.?
vaidyaṃ ya upasarpanti dūtāste cāpi garhitāḥ // (19.2)
Par.?
svinnābhitaptā madhyāhne jvalanasya samīpataḥ / (20.1)
Par.?
garhitāḥ pittarogeṣu dūtā vaidyamupāgatāḥ // (20.2)
Par.?
ta eva kapharogeṣu karmasiddhikarāḥ smṛtāḥ / (21.1)
Par.?
etena śeṣaṃ vyākhyātaṃ buddhvā saṃvibhajettu tat // (21.2)
Par.?
raktapittātisāreṣu prameheṣu tathaiva ca / (22.1)
Par.?
praśasto jalarodheṣu dūtavaidyasamāgamaḥ // (22.2)
Par.?
vijñāyaivaṃ vibhāgaṃ tu śeṣaṃ budhyeta paṇḍitaḥ / (23.1)
Par.?
śuklavāsāḥ śucirgauraḥ śyāmo vā priyadarśanaḥ // (23.2)
Par.?
svasyām jātau svagotro vā dūtaḥ kāryakaraḥ smṛtaḥ / (24.1)
Par.?
goyānenāgatastuṣṭaḥ pādābhyāṃ śubhaceṣṭitaḥ // (24.2)
Par.?
smṛtimān vidhikālajñaḥ svatantraḥ pratipattimān / (25.1)
Par.?
alaṃkṛto maṅgalavān dūtaḥ kāryakaraḥ smṛtaḥ // (25.2)
Par.?
svasthaṃ prāṅmukham āsīnaṃ same deśe śucau śucim / (26.1)
Par.?
upasarpati yo vaidyaṃ sa ca kāryakaraḥ smṛtaḥ // (26.2)
Par.?
gute Objekte bei Aufbruch des Arztes
māṃsodakumbhātapatravipravāraṇagovṛṣāḥ / (27.1)
Par.?
śuklavarṇāś ca pūjyante prasthāne darśanaṃ gatāḥ // (27.2)
Par.?
strī putriṇī savatsā gaur vardhamānam alaṃkṛtā / (28.1)
Par.?
kanyā matsyāḥ phalaṃ cāmaṃ svastikaṃ modakā dadhi // (28.2)
Par.?
hiraṇyākṣatapātraṃ vā ratnāni sumano nṛpaḥ / (29.1)
Par.?
apraśānto 'nalo vājī haṃsaścāṣaḥ śikhī tathā // (29.2)
Par.?
brahmadundubhijīmūtaśaṅkhaveṇurathasvanāḥ / (30.1)
Par.?
siṃhagovṛṣanādāś ca hreṣitaṃ gajabṛṃhitam // (30.2)
Par.?
śastaṃ haṃsarutaṃ nṛṇāṃ kauśikaṃ caiva vāmataḥ / (31.1)
Par.?
prasthāne yāyinaḥ śreṣṭhā vācaś ca hṛdayaṅgamāḥ // (31.2)
Par.?
patrapuṣpaphalopetān sakṣīrān nīrujo drumān / (32.1)
Par.?
āśritā vā nabhoveśmadhvajatoraṇavedikāḥ // (32.2)
Par.?
dikṣu śāntāsu vaktāro madhuraṃ pṛṣṭhato 'nugāḥ / (33.1)
Par.?
vāmā vā dakṣiṇā vāpi śakunāḥ karmasiddhaye // (33.2)
Par.?
śuṣke 'śanihate 'pattre vallīnaddhe sakaṇṭake / (34.1)
Par.?
vṛkṣe 'thavāśmabhasmāsthiviṭtuṣāṅgārapāṃśuṣu // (34.2)
Par.?
caityavalmīkaviṣamasthitā dīptakharasvarāḥ / (35.1)
Par.?
purato dikṣu dīptāsu vaktāro nārthasādhakāḥ // (35.2)
Par.?
punnāmānaḥ khagā vāmāḥ strīsaṃjñā dakṣiṇāḥ śubhāḥ / (36.1)
Par.?
dakṣiṇādvāmagamanaṃ praśastaṃ śvaśṛgālayoḥ / (36.2)
Par.?
vāmaṃ nakulacāṣāṇāṃ nobhayaṃ śaśasarpayoḥ // (36.3)
Par.?
bhāsakauśikayoś caiva na praśastaṃ kilobhayam / (37.1)
Par.?
darśanaṃ vā rutaṃ cāpi na godhākṛkalāsayoḥ // (37.2)
Par.?
dūtair aniṣṭaistulyānāmaśastaṃ darśanaṃ nṛṇām / (38.1)
Par.?
kulatthatilakārpāsatuṣapāṣāṇabhasmanām // (38.2)
Par.?
pātraṃ neṣṭaṃ tathāṅgāratailakardamapūritam / (39.1)
Par.?
prasannetaramadyānāṃ pūrṇaṃ vā raktasarṣapaiḥ // (39.2)
Par.?
śavakāṣṭhapalāśānāṃ śuṣkāṇāṃ pathi saṅgamāḥ / (40.1)
Par.?
neṣyante patitāntasthadīnāndharipavastathā // (40.2)
Par.?
mṛduḥ śīto 'nukūlaś ca sugandhiścānilaḥ śubhaḥ / (41.1)
Par.?
kharoṣṇo 'niṣṭagandhaś ca pratilomaś ca garhitaḥ // (41.2)
Par.?
gute Wrter bei best. Krankheiten
granthyarbudādiṣu sadā chedaśabdastu pūjitaḥ / (42.1)
Par.?
vidradhyudaragulmeṣu bhedaśabdastathaiva ca // (42.2)
Par.?
raktapittātisāreṣu ruddhaśabdaḥ praśasyate / (43.1)
Par.?
evaṃ vyādhiviśeṣeṇa nimittam upadhārayet // (43.2)
Par.?
Ger¦usche
tathaivākruṣṭahākaṣṭam ākrandaruditasvanāḥ / (44.1)
Par.?
chardyāṃ vātapurīṣāṇāṃ śabdo vai gardabhoṣṭrayoḥ // (44.2)
Par.?
pratiṣiddhaṃ tathā bhagnaṃ kṣutaṃ skhalitamāhatam / (45.1)
Par.?
daurmanasyaṃ ca vaidyasya yātrāyāṃ na praśasyate // (45.2)
Par.?
Eintritt ins Haus des Kranken
praveśe 'pyetaduddeśādavekṣyaṃ ca tathāture / (46.1)
Par.?
pratidvāraṃ gṛhe vāsya punaretanna gaṇyate // (46.2)
Par.?
keśabhasmāsthikāṣṭhāśmatuṣakārpāsakaṇṭakāḥ / (47.1)
Par.?
khaṭvordhvapādā madyāpo vasā tailaṃ tilāstṛṇam // (47.2)
Par.?
napuṃsakavyaṅgabhagnanagnamuṇḍāsitāmbarāḥ / (48.1)
Par.?
prasthāne vā praveśe vā neṣyante darśanaṃ gatāḥ // (48.2)
Par.?
bhāṇḍānāṃ saṃkarasthānāṃ sthānāt saṃcaraṇaṃ tathā / (49.1)
Par.?
nikhātotpāṭanaṃ bhaṅgaḥ patanaṃ nirgamastathā // (49.2)
Par.?
vaidyāsanāvasādo vā rogī vā syādadhomukhaḥ / (50.1)
Par.?
vaidyaṃ sambhāṣamāṇo 'ṅgaṃ kuḍyamāstaraṇāni vā // (50.2)
Par.?
pramṛjyādvā dhunīyādvā karau pṛṣṭhaṃ śirastathā / (51.1)
Par.?
hastaṃ cākṛṣya vaidyasya nyasecchirasi corasi // (51.2)
Par.?
yo vaidyamunmukhaḥ pṛcchedunmārṣṭi svāṅgamāturaḥ / (52.1)
Par.?
na sa sidhyati vaidyo vā gṛhe yasya na pūjyate // (52.2)
Par.?
bhavane pūjyate vāpi yasya vaidyaḥ sa sidhyati / (53.1)
Par.?
śubhaṃ śubheṣu dūtādiṣvaśubhaṃ hy aśubheṣu ca // (53.2)
Par.?
āturasya dhruvaṃ tasmād dūtādīn lakṣayedbhiṣak / (54.1) Par.?
Dreams as presigns
svapnānataḥ pravakṣyāmi maraṇāya śubhāya ca // (54.2)
Par.?
suhṛdo yāṃśca paśyanti vyādhito vā svayaṃ tathā / (55.1)
Par.?
snehābhyaktaśarīrastu karabhavyālagardabhaiḥ // (55.2)
Par.?
varāhair mahiṣair vāpi yo yāyād dakṣiṇāmukhaḥ / (56.1)
Par.?
raktāmbaradharā kṛṣṇā hasantī muktamūrdhajā // (56.2)
Par.?
yaṃ vā karṣati baddhvā strī nṛtyantī dakṣiṇāmukham / (57.1)
Par.?
antāvasāyibhir yo vākṛṣyate dakṣiṇāmukhaḥ // (57.2)
Par.?
pariṣvajeran yaṃ vāpi pretāḥ pravrajitāstathā / (58.1)
Par.?
muhurāghrāyate yastu śvāpadair vikṛtānanaiḥ // (58.2)
Par.?
pibenmadhu ca tailaṃ ca yo vā paṅke 'vasīdati / (59.1)
Par.?
paṅkapradigdhagātro vā pranṛtyet prahasettathā // (59.2)
Par.?
nirambaraś ca yo raktāṃ dhārayecchirasi srajam / (60.1)
Par.?
yasya vaṃśo nalo vāpi tālo vorasi jāyate // (60.2)
Par.?
yaṃ vā matsyo grasedyo vā jananīṃ praviśennaraḥ / (61.1)
Par.?
parvatāgrāt patedyo vā śvabhre vā tamasāvṛte // (61.2)
Par.?
hriyate srotasā yo vā yo vā mauṇḍyamavāpnuyāt / (62.1)
Par.?
parājīyeta badhyeta kākādyair vābhibhūyate // (62.2)
Par.?
patanaṃ tārakādīnāṃ praṇāśaṃ dīpacakṣuṣoḥ / (63.1)
Par.?
yaḥ paśyeddevatānāṃ ca prakampamavanestathā // (63.2)
Par.?
yasya chardirvireko vā daśanāḥ prapatanti vā / (64.1)
Par.?
śālmalīṃ kiṃśukaṃ yūpaṃ valmīkaṃ pāribhadrakam // (64.2)
Par.?
puṣpāḍhyaṃ kovidāraṃ vā citāṃ vā yo 'dhirohati / (65.1)
Par.?
kārpāsatailapiṇyākalohāni lavaṇaṃ tilān // (65.2)
Par.?
labhetāśnīta vā pakvamannaṃ yaś ca pibet surām / (66.1)
Par.?
svasthaḥ sa labhate vyādhiṃ vyādhito mṛtyumṛcchati // (66.2)
Par.?
yathāsvaṃ prakṛtisvapno vismṛto vihatastathā / (67.1)
Par.?
Daydreams
cintākṛto divā dṛṣṭo bhavantyaphaladāstu te // (67.2)
Par.?
jvaritānāṃ śunā sakhyaṃ kapisakhyaṃ tu śoṣiṇām / (68.1)
Par.?
unmāde rākṣasaiḥ pretair apasmāre pravartanam // (68.2)
Par.?
mehātisāriṇāṃ toyapānaṃ snehasya kuṣṭhinām / (69.1)
Par.?
gulmeṣu sthāvarotpattiḥ koṣṭhe mūrdhni śiroruji // (69.2)
Par.?
śaṣkulībhakṣaṇaṃ chardyāmadhvā śvāsapipāsayoḥ / (70.1)
Par.?
hāridraṃ bhojanaṃ vāpi yasya syāt pāṇḍurogiṇaḥ // (70.2)
Par.?
raktapittī pibedyastu śoṇitaṃ sa vinaśyati / (71.1)
Par.?
svapnānevaṃvidhān dṛṣṭvā prātarutthāya yatnavān // (71.2)
Par.?
dadyānmāṣāṃstilāṃllohaṃ viprebhyaḥ kāñcanaṃ tathā / (72.1)
Par.?
japeccāpi śubhān mantrān gāyatrīṃ tripadāṃ tathā // (72.2)
Par.?
dṛṣṭvā tu prathame yāme svapyād dhyātvā punaḥ śubham / (73.1)
Par.?
japedvānyatamaṃ vede brahmacārī samāhitaḥ // (73.2)
Par.?
na cācakṣīta kasmaicid dṛṣṭvā svapnam aśobhanam / (74.1)
Par.?
devatāyatane caiva vasedrātritrayaṃ tathā / (74.2)
Par.?
viprāṃś ca pūjayennityaṃ duḥsvapnāt pravimucyate // (74.3)
Par.?
gute Tr¦ume
ata ūrdhvaṃ pravakṣyāmi praśastaṃ svapnadarśanam / (75.1)
Par.?
devān dvijāngovṛṣabhān jīvataḥ suhṛdo nṛpān // (75.2)
Par.?
samiddhamagniṃ sādhūṃśca nirmalāni jalāni ca / (76.1)
Par.?
paśyet kalyāṇalābhāya vyādherapagamāya ca // (76.2)
Par.?
māṃsaṃ matsyān srajaḥ śvetā vāsāṃsi ca phalāni ca / (77.1)
Par.?
labhante dhanalābhāya vyādherapagamāya ca // (77.2)
Par.?
mahāprāsādasaphalavṛkṣavāraṇaparvatān / (78.1)
Par.?
āroheddravyalābhāya vyādherapagamāya ca // (78.2)
Par.?
nadīnadasamudrāṃś ca kṣubhitān kaluṣodakān / (79.1)
Par.?
taret kalyāṇalābhāya vyādherapagamāya ca // (79.2)
Par.?
urago vā jalauko vā bhramaro vāpi yaṃ daśet / (80.1)
Par.?
ārogyaṃ nirdiśettasya dhanalābhaṃ ca buddhimān // (80.2)
Par.?
evaṃrūpān śubhān svapnān yaḥ paśyedvyādhito naraḥ / (81.1)
Par.?
sa dīrghāyuriti jñeyastasmai karma samācaret // (81.2)
Par.?
Duration=0.40762495994568 secs.