Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 7888

Click on a sentence to show its analysis
Keep the mouse pointer over a lemma to show its meanings.

vāsudeva uvāca / (1.1) Par.?

suyodhanam atikrāntam enaṃ paśya dhanaṃjaya / (1.2) Par.?

āpadgatam imaṃ manye nāstyasya sadṛśo rathaḥ // (1.3) Par.?

dūrapātī maheṣvāsaḥ kṛtāstro yuddhadurmadaḥ / (2.1) Par.?

dṛḍhāstraścitrayodhī ca dhārtarāṣṭro mahābalaḥ // (2.2) Par.?

atyantasukhasaṃvṛddho mānitaśca mahārathaiḥ / (3.1) Par.?

kṛtī ca satataṃ pārtha nityaṃ dveṣṭi ca pāṇḍavān // (3.2) Par.?

tena yuddham ahaṃ manye prāptakālaṃ tavānagha / (4.1) Par.?

atra vo dyūtam āyātaṃ vijayāyetarāya vā // (4.2) Par.?

atra krodhaviṣaṃ pārtha vimuñca cirasaṃbhṛtam / (5.1) Par.?

eṣa mūlam anarthānāṃ pāṇḍavānāṃ mahārathaḥ // (5.2) Par.?

so 'yaṃ prāptastavākṣepaṃ paśya sāphalyam ātmanaḥ / (6.1) Par.?

kathaṃ hi rājā rājyārthī tvayā gaccheta saṃyugam // (6.2) Par.?

diṣṭyā tvidānīṃ samprāpta eṣa te bāṇagocaram / (7.1) Par.?

sa yathā jīvitaṃ jahyāt tathā kuru dhanaṃjaya // (7.2) Par.?

aiśvaryamadasaṃmūḍho naiṣa duḥkham upeyivān / (8.1) Par.?

na ca te saṃyuge vīryaṃ jānāti puruṣarṣabha // (8.2) Par.?

tvāṃ hi lokāstrayaḥ pārtha sasurāsuramānuṣāḥ / (9.1) Par.?

notsahante raṇe jetuṃ kim utaikaḥ suyodhanaḥ // (9.2) Par.?

sa diṣṭyā samanuprāptastava pārtha rathāntikam / (10.1) Par.?

jahyenaṃ vai mahābāho yathā vṛtraṃ puraṃdaraḥ // (10.2) Par.?

eṣa hyanarthe satataṃ parākrāntastavānagha / (11.1) Par.?

nikṛtyā dharmarājaṃ ca dyūte vañcitavān ayam // (11.2) Par.?

bahūni sunṛśaṃsāni kṛtānyetena mānada / (12.1) Par.?

yuṣmāsu pāpamatinā apāpeṣveva nityadā // (12.2) Par.?

tam anāryaṃ sadā kṣudraṃ puruṣaṃ kāmacāriṇam / (13.1) Par.?

āryāṃ yuddhe matiṃ kṛtvā jahi pārthāvicārayan // (13.2) Par.?

nikṛtyā rājyaharaṇaṃ vanavāsaṃ ca pāṇḍava / (14.1) Par.?

parikleśaṃ ca kṛṣṇāyā hṛdi kṛtvā parākrama // (14.2) Par.?

diṣṭyaiṣa tava bāṇānāṃ gocare parivartate / (15.1) Par.?

pratighātāya kāryasya diṣṭyā ca yatate 'grataḥ // (15.2) Par.?

diṣṭyā jānāti saṃgrāme yoddhavyaṃ hi tvayā saha / (16.1) Par.?

diṣṭyā ca saphalāḥ pārtha sarve kāmā hi kāmitāḥ // (16.2) Par.?

tasmājjahi raṇe pārtha dhārtarāṣṭraṃ kulādhamam / (17.1) Par.?

yathendreṇa hataḥ pūrvaṃ jambho devāsure mṛdhe // (17.2) Par.?

asmin hate tvayā sainyam anāthaṃ bhidyatām idam / (18.1) Par.?

vairasyāsyāstvavabhṛtho mūlaṃ chinddhi durātmanām // (18.2) Par.?

saṃjaya uvāca / (19.1) Par.?

taṃ tathetyabravīt pārthaḥ kṛtyarūpam idaṃ mama / (19.2) Par.?

sarvam anyad anādṛtya gaccha yatra suyodhanaḥ // (19.3) Par.?

yenaitad dīrghakālaṃ no bhuktaṃ rājyam akaṇṭakam / (20.1) Par.?

apyasya yudhi vikramya chindyāṃ mūrdhānam āhave // (20.2) Par.?

api tasyā anarhāyāḥ parikleśasya mādhava / (21.1) Par.?

kṛṣṇāyāḥ śaknuyāṃ gantuṃ padaṃ keśapradharṣaṇe // (21.2) Par.?

ityevaṃ vādinau hṛṣṭau kṛṣṇau śvetān hayottamān / (22.1) Par.?

preṣayāmāsatuḥ saṃkhye prepsantau taṃ narādhipam // (22.2) Par.?

tayoḥ samīpaṃ samprāpya putraste bharatarṣabha / (23.1) Par.?

na cakāra bhayaṃ prāpte bhaye mahati māriṣa // (23.2) Par.?

tad asya kṣatriyāstatra sarva evābhyapūjayan / (24.1) Par.?

yad arjunahṛṣīkeśau pratyudyāto 'vicārayan // (24.2) Par.?

tataḥ sarvasya sainyasya tāvakasya viśāṃ pate / (25.1) Par.?

mahānnādo hyabhūt tatra dṛṣṭvā rājānam āhave // (25.2) Par.?

tasmiñ janasamunnāde pravṛtte bhairave sati / (26.1) Par.?

kadarthīkṛtya te putraḥ pratyamitram avārayat // (26.2) Par.?

āvāritastu kaunteyastava putreṇa dhanvinā / (27.1) Par.?

saṃrambham agamad bhūyaḥ sa ca tasmin paraṃtapaḥ // (27.2) Par.?

tau dṛṣṭvā pratisaṃrabdhau duryodhanadhanaṃjayau / (28.1) Par.?

abhyavaikṣanta rājāno bhīmarūpāḥ samantataḥ // (28.2) Par.?

dṛṣṭvā tu pārthaṃ saṃrabdhaṃ vāsudevaṃ ca māriṣa / (29.1) Par.?

prahasann iva putraste yoddhukāmaḥ samāhvayat // (29.2) Par.?

tataḥ prahṛṣṭo dāśārhaḥ pāṇḍavaśca dhanaṃjayaḥ / (30.1) Par.?

vyākrośetāṃ mahānādaṃ dadhmatuścāmbujottamau // (30.2) Par.?

tau hṛṣṭarūpau samprekṣya kauraveyāśca sarvaśaḥ / (31.1) Par.?

nirāśāḥ samapadyanta putrasya tava jīvite // (31.2) Par.?

śokam īyuḥ paraṃ caiva kuravaḥ sarva eva te / (32.1) Par.?

amanyanta ca putraṃ te vaiśvānaramukhe hutam // (32.2) Par.?

tathā tu dṛṣṭvā yodhāste prahṛṣṭau kṛṣṇapāṇḍavau / (33.1) Par.?

hato rājā hato rājetyūcur evaṃ bhayārditāḥ // (33.2) Par.?

janasya saṃninādaṃ tu śrutvā duryodhano 'bravīt / (34.1) Par.?

vyetu vo bhīr ahaṃ kṛṣṇau preṣayiṣyāmi mṛtyave // (34.2) Par.?

ityuktvā sainikān sarvāñ jayāpekṣī narādhipaḥ / (35.1) Par.?

pārtham ābhāṣya saṃrambhād idaṃ vacanam abravīt // (35.2) Par.?

pārtha yacchikṣitaṃ te 'straṃ divyaṃ mānuṣam eva ca / (36.1) Par.?

tad darśaya mayi kṣipraṃ yadi jāto 'si pāṇḍunā // (36.2) Par.?

yad balaṃ tava vīryaṃ ca keśavasya tathaiva ca / (37.1) Par.?

tat kuruṣva mayi kṣipraṃ paśyāmastava pauruṣam // (37.2) Par.?

asmat parokṣaṃ karmāṇi pravadanti kṛtāni te / (38.1) Par.?

svāmisatkārayuktāni yāni tānīha darśaya // (38.2) Par.?

Duration=0.22284507751465 secs.