Texts

Help

Select a text:
Bibliography
Select a chapter:
 (no revisions)
Associated topic(s): ariṣṭa, riṣṭa, kālavijñāna

Show parallels  Show headlines
Use dependency labeler
Chapter id: 2907
  • Click on a sentence to show its analysis
  • Keep the mouse pointer over a lemma to show its meanings.
athātaś chāyāvipratipattimadhyāyaṃ vyākhyāsyāmaḥ // (1.1) Par.?
yathovāca bhagavān dhanvantariḥ // (2.1) Par.?
śyāvā lohitikā nīlā pītikā vāpi mānavam / (3.1) Par.?
abhidravanti yaṃ chāyāḥ sa parāsur asaṃśayam // (3.2) Par.?
hrīrapakramate yasya prabhādhṛtismṛtiśriyaḥ / (4.1) Par.?
akasmādyaṃ bhajante vā sa parāsur asaṃśayam // (4.2) Par.?
yasyādharauṣṭhaḥ patitaḥ kṣiptaścordhvaṃ tathottaraḥ / (5.1) Par.?
ubhau vā jāmbavābhāsau durlabhaṃ tasya jīvitam // (5.2) Par.?
āraktā daśanā yasya śyāvā vā syuḥ patanti vā / (6.1) Par.?
khañjanapratimā vāpi taṃ gatāyuṣamādiśet // (6.2) Par.?
kṛṣṇā stabdhāvaliptā vā jihvā śūnā ca yasya vai / (7.1) Par.?
karkaśā vā bhavedyasya so 'cirād vijahātyasūn // (7.2) Par.?
kuṭilā sphuṭitā vāpi śuṣkā vā yasya nāsikā / (8.1) Par.?
avasphūrjati magnā vā na sa jīvati mānavaḥ // (8.2) Par.?
saṃkṣipte viṣame stabdhe rakte sraste ca locane / (9.1) Par.?
syātāṃ vā prasrute yasya sa gatāyurnaro dhruvam // (9.2) Par.?
keśāḥ sīmantino yasya saṃkṣipte vinate bhruvau / (10.1) Par.?
lunanti cākṣipakṣmāṇi so 'cirād yāti mṛtyave // (10.2) Par.?
nāharatyannamāsyasthaṃ na dhārayati yaḥ śiraḥ / (11.1) Par.?
ekāgradṛṣṭirmūḍhātmā sadyaḥ prāṇān jahāti saḥ // (11.2) Par.?
balavān durbalo vāpi saṃmohaṃ yo 'dhigacchati / (12.1) Par.?
utthāpyamāno bahuśastaṃ pakvaṃ bhiṣagādiśet // (12.2) Par.?
uttānaḥ sarvadā śete pādau vikurute ca yaḥ / (13.1) Par.?
viprasāraṇaśīlo vā na sa jīvati mānavaḥ // (13.2) Par.?
śītapādakarocchvāsaśchinnocchvāsaś ca yo bhavet / (14.1) Par.?
kākocchvāsaśca yo martyastaṃ dhīraḥ parivarjayet // (14.2) Par.?
nidrā na chidyate yasya yo vā jāgarti sarvadā / (15.1) Par.?
muhyedvā vaktukāmaśca pratyākhyeyaḥ sa jānatā // (15.2) Par.?
uttarauṣṭhaṃ ca yo lihyād utkārāṃśca karoti yaḥ / (16.1) Par.?
pretair vā bhāṣate sārdhaṃ pretarūpaṃ tamādiśet // (16.2) Par.?
khebhyaḥ saromakūpebhyo yasya raktaṃ pravartate / (17.1) Par.?
puruṣasyāviṣārtasya sadyo jahyāt sa jīvitam // (17.2) Par.?
vātāṣṭhīlā tu hṛdaye yasyordhvam anuyāyinī / (18.1) Par.?
rujānnavidveṣakarī sa parāsur asaṃśayam // (18.2) Par.?
ananyopadravakṛtaḥ śophaḥ pādasamutthitaḥ / (19.1) Par.?
puruṣaṃ hanti nārīṃ tu mukhajo guhyajo dvayam // (19.2) Par.?
atisāro jvaro hikkā chardiḥ śūnāṇḍameḍhratā / (20.1) Par.?
śvāsinaḥ kāsino vāpi yasya taṃ kṣīṇamādiśet // (20.2) Par.?
svedo dāhaś ca balavān hikkā śvāsaś ca mānavam / (21.1) Par.?
balavantam api prāṇair viyuñjanti na saṃśayaḥ // (21.2) Par.?
śyāvā jihvā bhavedyasya savyaṃ cākṣi nimajjati / (22.1) Par.?
mukhaṃ ca jāyate pūti yasya taṃ parivarjayet // (22.2) Par.?
vaktramāpūryate 'śrubhiḥ svidyataścaraṇāvubhau / (23.1) Par.?
cakṣuścākulatāṃ yāti yamarāṣṭraṃ gamiṣyataḥ // (23.2) Par.?
atimātraṃ laghūni syurgātrāṇi gurukāṇi vā / (24.1) Par.?
yasyākasmāt sa vijñeyo gantā vaivasvatālayam // (24.2) Par.?
paṅkamatsyavasātailaghṛtagandhāṃś ca ye narāḥ / (25.1) Par.?
mṛṣṭagandhāṃś ca ye vānti gantāraste yamālayam // (25.2) Par.?
yūkā lalāṭamāyānti baliṃ nāśnanti vāyasāḥ / (26.1) Par.?
yeṣāṃ vāpi ratirnāsti yātāraste yamālayam // (26.2) Par.?
jvarātisāraśophāḥ syuryasyānyonyāvasādinaḥ / (27.1) Par.?
prakṣīṇabalamāṃsasya nāsau śakyaścikitsitum // (27.2) Par.?
kṣīṇasya yasya kṣuttṛṣṇe hṛdyair miṣṭair hitaistathā / (28.1) Par.?
na śāmyato 'nnapānaiś ca tasya mṛtyurupasthitaḥ // (28.2) Par.?
pravāhikā śiraḥśūlaṃ koṣṭhaśūlaṃ ca dāruṇam / (29.1) Par.?
pipāsā balahāniś ca tasya mṛtyurupasthitaḥ // (29.2) Par.?
viṣameṇopacāreṇa karmabhiś ca purākṛtaiḥ / (30.1) Par.?
anityatvācca jantūnāṃ jīvitaṃ nidhanaṃ vrajet // (30.2) Par.?
Geister befallen Kranken
pretā bhūtāḥ piśācāśca rakṣāṃsi vividhāni ca / (31.1) Par.?
maraṇābhimukhaṃ nityam upasarpanti mānavam // (31.2) Par.?
tāni bheṣajavīryāṇi pratighnanti jighāṃsayā / (32.1) Par.?
tasmān moghāḥ kriyāḥ sarvā bhavantyeva gatāyuṣām // (32.2) Par.?
Duration=0.18455410003662 secs.