UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 8575
- Click on a sentence to show its analysis
- Keep the mouse pointer over a lemma to show its meanings.
saṃjaya uvāca / (1.1)
Par.?
te sene 'nyonyam āsādya prahṛṣṭāśvanaradvipe / (1.2)
Par.?
bṛhatyau samprajahrāte devāsuracamūpame // (1.3)
Par.?
tato gajā rathāś cāśvāḥ pattayaś ca mahāhave / (2.1)
Par.?
saṃprahāraṃ paraṃ cakrur dehapāpmapraṇāśanam // (2.2)
Par.?
pūrṇacandrārkapadmānāṃ kāntitviḍgandhataḥ samaiḥ / (3.1)
Par.?
uttamāṅgair nṛsiṃhānāṃ nṛsiṃhās tastarur mahīm // (3.2)
Par.?
ardhacandrais tathā bhallaiḥ kṣuraprair asipaṭṭiśaiḥ / (4.1)
Par.?
paraśvadhaiś cāpy akṛntann uttamāṅgāni yudhyatām // (4.2)
Par.?
vyāyatāyatabāhūnāṃ vyāyatāyatabāhubhiḥ / (5.1)
Par.?
vyāyatā bāhavaḥ petuś chinnamuṣṭyāyudhāṅgadāḥ // (5.2)
Par.?
taiḥ sphuradbhir mahī bhāti raktāṅgulitalais tadā / (6.1)
Par.?
garuḍaprahatair ugraiḥ pañcāsyair iva pannagaiḥ // (6.2)
Par.?
hayasyandananāgebhyaḥ petur vīrā dviṣaddhatāḥ / (7.1)
Par.?
vimānebhyo yathā kṣīṇe puṇye svargasadas tathā // (7.2)
Par.?
gadābhir anyair gurvībhiḥ parighair musalair api / (8.1)
Par.?
pothitāḥ śataśaḥ petur vīrā vīratarai raṇe // (8.2)
Par.?
rathā rathair vinihatā mattā mattair dvipair dvipāḥ / (9.1)
Par.?
sādinaḥ sādibhiś caiva tasmin paramasaṃkule // (9.2)
Par.?
rathā vararathair nāgair aśvārohāś ca pattibhiḥ / (10.1)
Par.?
aśvārohaiḥ padātāś ca nihatā yudhi śerate // (10.2)
Par.?
rathāśvapattayo nāgai rathair nāgāś ca pattayaḥ / (11.1)
Par.?
rathapattidvipāś cāśvair nṛbhiś cāśvarathadvipāḥ // (11.2)
Par.?
rathāśvebhanarāṇāṃ ca narāśvebharathaiḥ kṛtam / (12.1)
Par.?
pāṇipādaiś ca śastraiś ca rathaiś ca kadanaṃ mahat // (12.2)
Par.?
tathā tasmin bale śūrair vadhyamāne hate 'pi ca / (13.1)
Par.?
asmān abhyāgaman pārthā vṛkodarapurogamāḥ // (13.2)
Par.?
dhṛṣṭadyumnaḥ śikhaṇḍī ca draupadeyāḥ prabhadrakāḥ / (14.1)
Par.?
sātyakiś cekitānaś ca draviḍaiḥ sainikaiḥ saha // (14.2)
Par.?
bhṛtā vittena mahatā pāṇḍyāś cauḍrāḥ sakeralāḥ / (15.1)
Par.?
vyūḍhoraskā dīrghabhujāḥ prāṃśavaḥ priyadarśanāḥ // (15.2)
Par.?
āpīḍino raktadantā mattamātaṅgavikramāḥ / (16.1)
Par.?
nānāvirāgavasanā gandhacūrṇāvacūrṇitāḥ // (16.2)
Par.?
baddhāsayaḥ pāśahastā vāraṇaprativāraṇāḥ / (17.1)
Par.?
samānamṛtyavo rājann anīkasthāḥ parasparam // (17.2)
Par.?
kalāpinaś cāpahastā dīrghakeśāḥ priyāhavāḥ / (18.1)
Par.?
pattayaḥ sātyaker andhrā ghorarūpaparākramāḥ // (18.2)
Par.?
athāpare punaḥ śūrāś cedipāñcālakekayāḥ / (19.1)
Par.?
karūṣāḥ kosalāḥ kāśyā māgadhāś cāpi dudruvuḥ // (19.2)
Par.?
teṣāṃ rathāś ca nāgāś ca pravarāś cāpi pattayaḥ / (20.1)
Par.?
nānāvidharavair hṛṣṭā nṛtyanti ca hasanti ca // (20.2)
Par.?
tasya sainyasya mahato mahāmātravarair vṛtaḥ / (21.1)
Par.?
madhyaṃ vṛkodaro 'bhyāgāt tvadīyaṃ nāgadhūrgataḥ // (21.2)
Par.?
sa nāgapravaro 'tyugro vidhivat kalpito babhau / (22.1)
Par.?
udayādryagryabhavanaṃ yathābhyuditabhāskaram // (22.2)
Par.?
tasyāyasaṃ varmavaraṃ vararatnavibhūṣitam / (23.1)
Par.?
tārodbhāsasya nabhasaḥ śāradasya samatviṣam // (23.2)
Par.?
sa tomaraprāsakaraś cārumauliḥ svalaṃkṛtaḥ / (24.1)
Par.?
caran madhyaṃdinārkābhas tejasā vyadahad ripūn // (24.2)
Par.?
taṃ dṛṣṭvā dviradaṃ dūrāt kṣemadhūrtir dvipasthitaḥ / (25.1)
Par.?
āhvayāno 'bhidudrāva pramanāḥ pramanastaram // (25.2)
Par.?
tayoḥ samabhavad yuddhaṃ dvipayor ugrarūpayoḥ / (26.1)
Par.?
yadṛcchayā drumavator mahāparvatayor iva // (26.2)
Par.?
saṃsaktanāgau tau vīrau tomarair itaretaram / (27.1)
Par.?
balavat sūryaraśmyābhair bhittvā bhittvā vinedatuḥ // (27.2)
Par.?
vyapasṛtya tu nāgābhyāṃ maṇḍalāni viceratuḥ / (28.1)
Par.?
pragṛhya caiva dhanuṣī jaghnatur vai parasparam // (28.2)
Par.?
kṣveḍitāsphoṭitaravair bāṇaśabdaiś ca sarvaśaḥ / (29.1)
Par.?
tau janān harṣayitvā ca siṃhanādān pracakratuḥ // (29.2)
Par.?
samudyatakarābhyāṃ tau dvipābhyāṃ kṛtināv ubhau / (30.1)
Par.?
vātoddhūtapatākābhyāṃ yuyudhāte mahābalau // (30.2)
Par.?
tāv anyonyasya dhanuṣī chittvānyonyaṃ vinedatuḥ / (31.1)
Par.?
śaktitomaravarṣeṇa prāvṛṇmeghāv ivāmbubhiḥ // (31.2)
Par.?
kṣemadhūrtis tadā bhīmaṃ tomareṇa stanāntare / (32.1)
Par.?
nirbibheda tu vegena ṣaḍbhiś cāpy aparair nadan // (32.2)
Par.?
sa bhīmasenaḥ śuśubhe tomarair aṅgamāśritaiḥ / (33.1)
Par.?
krodhadīptavapur meghaiḥ saptasaptir ivāṃśumān // (33.2)
Par.?
tato bhāskaravarṇābham añjogatimayasmayam / (34.1)
Par.?
sasarja tomaraṃ bhīmaḥ pratyamitrāya yatnavān // (34.2)
Par.?
tataḥ kulūtādhipatiś cāpam āyamya sāyakaiḥ / (35.1)
Par.?
daśabhis tomaraṃ chittvā śaktyā vivyādha pāṇḍavam // (35.2)
Par.?
atha kārmukam ādāya mahājaladanisvanam / (36.1)
Par.?
ripor abhyardayan nāgam unmadaḥ pāṇḍavaḥ śaraiḥ // (36.2)
Par.?
sa śaraughārdito nāgo bhīmasenena saṃyuge / (37.1)
Par.?
nigṛhyamāṇo nātiṣṭhad vātadhvasta ivāmbudaḥ // (37.2)
Par.?
tām abhyadhāvad dviradaṃ bhīmasenasya nāgarāṭ / (38.1)
Par.?
mahāvāteritaṃ meghaṃ vātoddhūta ivāmbudaḥ // (38.2)
Par.?
saṃnivartyātmano nāgaṃ kṣemadhūrtiḥ prayatnataḥ / (39.1)
Par.?
vivyādhābhidrutaṃ bāṇair bhīmasenaṃ sakuñjaram // (39.2)
Par.?
tataḥ sādhuvisṛṣṭena kṣureṇa puruṣarṣabhaḥ / (40.1)
Par.?
chittvā śarāsanaṃ śatror nāgam āmitram ārdayat // (40.2)
Par.?
tataḥ khajākayā bhīmaṃ kṣemadhūrtiḥ parābhinat / (41.1)
Par.?
jaghāna cāsya dviradaṃ nārācaiḥ sarvamarmasu // (41.2)
Par.?
purā nāgasya patanād avaplutya sthito mahīm / (42.1)
Par.?
bhīmaseno ripor nāgaṃ gadayā samapothayat // (42.2)
Par.?
tasmāt pramathitān nāgāt kṣemadhūrtim avadrutam / (43.1)
Par.?
udyatāsim upāyāntaṃ gadayāhan vṛkodaraḥ // (43.2)
Par.?
sa papāta hataḥ sāsir vyasuḥ svam abhito dvipam / (44.1)
Par.?
vajraprarugṇam acalaṃ siṃho vajrahato yathā // (44.2) Par.?
nihataṃ nṛpatiṃ dṛṣṭvā kulūtānāṃ yaśaskaram / (45.1)
Par.?
prādravad vyathitā senā tvadīyā bharatarṣabha // (45.2)
Par.?
Duration=0.14806699752808 secs.