Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 9168

Click on a sentence to show its analysis
Keep the mouse pointer over a lemma to show its meanings.

saṃjaya uvāca / (1.1) Par.?

vātikānāṃ sakāśāt tu śrutvā duryodhanaṃ hatam / (1.2) Par.?

hataśiṣṭās tato rājan kauravāṇāṃ mahārathāḥ // (1.3) Par.?

vinirbhinnāḥ śitair bāṇair gadātomaraśaktibhiḥ / (2.1) Par.?

aśvatthāmā kṛpaś caiva kṛtavarmā ca sātvataḥ // (2.2) Par.?

tvaritā javanair aśvair āyodhanam upāgaman // (3.1) Par.?

tatrāpaśyan mahātmānaṃ dhārtarāṣṭraṃ nipātitam / (4.1) Par.?

prabhagnaṃ vāyuvegena mahāśālaṃ yathā vane // (4.2) Par.?

bhūmau viveṣṭamānaṃ taṃ rudhireṇa samukṣitam / (5.1) Par.?

mahāgajam ivāraṇye vyādhena vinipātitam // (5.2) Par.?

vivartamānaṃ bahuśo rudhiraughapariplutam / (6.1) Par.?

yadṛcchayā nipatitaṃ cakram ādityagocaram // (6.2) Par.?

mahāvātasamutthena saṃśuṣkam iva sāgaram / (7.1) Par.?

pūrṇacandram iva vyomni tuṣārāvṛtamaṇḍalam // (7.2) Par.?

reṇudhvastaṃ dīrghabhujaṃ mātaṅgasamavikramam / (8.1) Par.?

vṛtaṃ bhūtagaṇair ghoraiḥ kravyādaiś ca samantataḥ // (8.2) Par.?

yathā dhanaṃ lipsamānair bhṛtyair nṛpatisattamam // (9.1) Par.?

bhrukuṭīkṛtavaktrāntaṃ krodhād udvṛttacakṣuṣam / (10.1) Par.?

sāmarṣaṃ taṃ naravyāghraṃ vyāghraṃ nipatitaṃ yathā // (10.2) Par.?

te tu dṛṣṭvā maheṣvāsā bhūtale patitaṃ nṛpam / (11.1) Par.?

moham abhyāgaman sarve kṛpaprabhṛtayo rathāḥ // (11.2) Par.?

avatīrya rathebhyas tu prādravan rājasaṃnidhau / (12.1) Par.?

duryodhanaṃ ca samprekṣya sarve bhūmāv upāviśan // (12.2) Par.?

tato drauṇir mahārāja bāṣpapūrṇekṣaṇaḥ śvasan / (13.1) Par.?

uvāca bharataśreṣṭhaṃ sarvalokeśvareśvaram // (13.2) Par.?

na nūnaṃ vidyate 'sahyaṃ mānuṣye kiṃcid eva hi / (14.1) Par.?

yatra tvaṃ puruṣavyāghra śeṣe pāṃsuṣu rūṣitaḥ // (14.2) Par.?

bhūtvā hi nṛpatiḥ pūrvaṃ samājñāpya ca medinīm / (15.1) Par.?

katham eko 'dya rājendra tiṣṭhase nirjane vane // (15.2) Par.?

duḥśāsanaṃ na paśyāmi nāpi karṇaṃ mahāratham / (16.1) Par.?

nāpi tān suhṛdaḥ sarvān kim idaṃ bharatarṣabha // (16.2) Par.?

duḥkhaṃ nūnaṃ kṛtāntasya gatiṃ jñātuṃ kathaṃcana / (17.1) Par.?

lokānāṃ ca bhavān yatra śete pāṃsuṣu rūṣitaḥ // (17.2) Par.?

eṣa mūrdhāvasiktānām agre gatvā paraṃtapaḥ / (18.1) Par.?

satṛṇaṃ grasate pāṃsuṃ paśya kālasya paryayam // (18.2) Par.?

kva te tad amalaṃ chatraṃ vyajanaṃ kva ca pārthiva / (19.1) Par.?

sā ca te mahatī senā kva gatā pārthivottama // (19.2) Par.?

durvijñeyā gatir nūnaṃ kāryāṇāṃ kāraṇāntare / (20.1) Par.?

yad vai lokagurur bhūtvā bhavān etāṃ daśāṃ gataḥ // (20.2) Par.?

adhruvā sarvamartyeṣu dhruvaṃ śrīr upalakṣyate / (21.1) Par.?

bhavato vyasanaṃ dṛṣṭvā śakravispardhino bhṛśam // (21.2) Par.?

tasya tad vacanaṃ śrutvā duḥkhitasya viśeṣataḥ / (22.1) Par.?

uvāca rājan putras te prāptakālam idaṃ vacaḥ // (22.2) Par.?

vimṛjya netre pāṇibhyāṃ śokajaṃ bāṣpam utsṛjan / (23.1) Par.?

kṛpādīn sa tadā vīrān sarvān eva narādhipaḥ // (23.2) Par.?

īdṛśo martyadharmo 'yaṃ dhātrā nirdiṣṭa ucyate / (24.1) Par.?

vināśaḥ sarvabhūtānāṃ kālaparyāyakāritaḥ // (24.2) Par.?

so 'yaṃ māṃ samanuprāptaḥ pratyakṣaṃ bhavatāṃ hi yaḥ / (25.1) Par.?

pṛthivīṃ pālayitvāham etāṃ niṣṭhām upāgataḥ // (25.2) Par.?

diṣṭyā nāhaṃ parāvṛtto yuddhe kasyāṃcid āpadi / (26.1) Par.?

diṣṭyāhaṃ nihataḥ pāpaiś chalenaiva viśeṣataḥ // (26.2) Par.?

utsāhaś ca kṛto nityaṃ mayā diṣṭyā yuyutsatā / (27.1) Par.?

diṣṭyā cāsmi hato yuddhe nihatajñātibāndhavaḥ // (27.2) Par.?

diṣṭyā ca vo 'haṃ paśyāmi muktān asmāj janakṣayāt / (28.1) Par.?

svastiyuktāṃś ca kalyāṃś ca tan me priyam anuttamam // (28.2) Par.?

mā bhavanto 'nutapyantāṃ sauhṛdān nidhanena me / (29.1) Par.?

yadi vedāḥ pramāṇaṃ vo jitā lokā mayākṣayāḥ // (29.2) Par.?

manyamānaḥ prabhāvaṃ ca kṛṣṇasyāmitatejasaḥ / (30.1) Par.?

tena na cyāvitaś cāhaṃ kṣatradharmāt svanuṣṭhitāt // (30.2) Par.?

sa mayā samanuprāpto nāsmi śocyaḥ kathaṃcana / (31.1) Par.?

kṛtaṃ bhavadbhiḥ sadṛśam anurūpam ivātmanaḥ // (31.2) Par.?

yatitaṃ vijaye nityaṃ daivaṃ tu duratikramam // (32.1) Par.?

etāvad uktvā vacanaṃ bāṣpavyākulalocanaḥ / (33.1) Par.?

tūṣṇīṃ babhūva rājendra rujāsau vihvalo bhṛśam // (33.2) Par.?

tathā tu dṛṣṭvā rājānaṃ bāṣpaśokasamanvitam / (34.1) Par.?

drauṇiḥ krodhena jajvāla yathā vahnir jagatkṣaye // (34.2) Par.?

sa tu krodhasamāviṣṭaḥ pāṇau pāṇiṃ nipīḍya ca / (35.1) Par.?

bāṣpavihvalayā vācā rājānam idam abravīt // (35.2) Par.?

pitā me nihataḥ kṣudraiḥ sunṛśaṃsena karmaṇā / (36.1) Par.?

na tathā tena tapyāmi yathā rājaṃs tvayādya vai // (36.2) Par.?

śṛṇu cedaṃ vaco mahyaṃ satyena vadataḥ prabho / (37.1) Par.?

iṣṭāpūrtena dānena dharmeṇa sukṛtena ca // (37.2) Par.?

adyāhaṃ sarvapāñcālān vāsudevasya paśyataḥ / (38.1) Par.?

sarvopāyair hi neṣyāmi pretarājaniveśanam // (38.2) Par.?

anujñāṃ tu mahārāja bhavān me dātum arhati // (39.1) Par.?

iti śrutvā tu vacanaṃ droṇaputrasya kauravaḥ / (40.1) Par.?

manasaḥ prītijananaṃ kṛpaṃ vacanam abravīt // (40.2) Par.?

ācārya śīghraṃ kalaśaṃ jalapūrṇaṃ samānaya // (41.1) Par.?

sa tad vacanam ājñāya rājño brāhmaṇasattamaḥ / (42.1) Par.?

kalaśaṃ pūrṇam ādāya rājño 'ntikam upāgamat // (42.2) Par.?

tam abravīn mahārāja putras tava viśāṃ pate / (43.1) Par.?

mamājñayā dvijaśreṣṭha droṇaputro 'bhiṣicyatām // (43.2) Par.?

senāpatyena bhadraṃ te mama ced icchasi priyam // (44.1) Par.?

rājño niyogād yoddhavyaṃ brāhmaṇena viśeṣataḥ / (45.1) Par.?

vartatā kṣatradharmeṇa hy evaṃ dharmavido viduḥ // (45.2) Par.?

rājñas tu vacanaṃ śrutvā kṛpaḥ śāradvatas tataḥ / (46.1) Par.?

drauṇiṃ rājño niyogena senāpatye 'bhyaṣecayat // (46.2) Par.?

so 'bhiṣikto mahārāja pariṣvajya nṛpottamam / (47.1) Par.?

prayayau siṃhanādena diśaḥ sarvā vinādayan // (47.2) Par.?

duryodhano 'pi rājendra śoṇitaughapariplutaḥ / (48.1) Par.?

tāṃ niśāṃ pratipede 'tha sarvabhūtabhayāvahām // (48.2) Par.?

apakramya tu te tūrṇaṃ tasmād āyodhanān nṛpa / (49.1) Par.?

śokasaṃvignamanasaś cintādhyānaparābhavan // (49.2) Par.?

Duration=0.14823389053345 secs.