UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9197
- Click on a sentence to show its analysis
- Keep the mouse pointer over a lemma to show its meanings.
janamejaya uvāca / (1.1)
Par.?
gate bhagavati vyāse dhṛtarāṣṭro mahīpatiḥ / (1.2)
Par.?
kim aceṣṭata viprarṣe tanme vyākhyātum arhasi // (1.3)
Par.?
vaiśaṃpāyana uvāca / (2.1)
Par.?
etacchrutvā naraśreṣṭha ciraṃ dhyātvā tvacetanaḥ / (2.2)
Par.?
saṃjayaṃ yojayetyuktvā viduraṃ pratyabhāṣata // (2.3)
Par.?
kṣipram ānaya gāndhārīṃ sarvāśca bharatastriyaḥ / (3.1)
Par.?
vadhūṃ kuntīm upādāya yāścānyāstatra yoṣitaḥ // (3.2)
Par.?
evam uktvā sa dharmātmā viduraṃ dharmavittamam / (4.1)
Par.?
śokaviprahatajñāno yānam evānvapadyata // (4.2)
Par.?
gāndhārī caiva śokārtā bhartur vacanacoditā / (5.1)
Par.?
saha kuntyā yato rājā saha strībhir upādravat // (5.2)
Par.?
tāḥ samāsādya rājānaṃ bhṛśaṃ śokasamanvitāḥ / (6.1)
Par.?
āmantryānyonyam īyuḥ sma bhṛśam uccukruśustataḥ // (6.2)
Par.?
tāḥ samāśvāsayat kṣattā tābhyaścārtataraḥ svayam / (7.1)
Par.?
aśrukaṇṭhīḥ samāropya tato 'sau niryayau purāt // (7.2)
Par.?
tataḥ praṇādaḥ saṃjajñe sarveṣu kuruveśmasu / (8.1)
Par.?
ākumāraṃ puraṃ sarvam abhavacchokakarśitam // (8.2)
Par.?
adṛṣṭapūrvā yā nāryaḥ purā devagaṇair api / (9.1)
Par.?
pṛthagjanena dṛśyanta tāstadā nihateśvarāḥ // (9.2)
Par.?
prakīrya keśān suśubhān bhūṣaṇānyavamucya ca / (10.1)
Par.?
ekavastradharā nāryaḥ paripetur anāthavat // (10.2) Par.?
śvetaparvatarūpebhyo gṛhebhyastāstvapākraman / (11.1)
Par.?
guhābhya iva śailānāṃ pṛṣatyo hatayūthapāḥ // (11.2)
Par.?
tānyudīrṇāni nārīṇāṃ tadā vṛndānyanekaśaḥ / (12.1)
Par.?
śokārtānyadravan rājan kiśorīṇām ivāṅgane // (12.2)
Par.?
pragṛhya bāhūn krośantyaḥ putrān bhrātṝn pitṝn api / (13.1)
Par.?
darśayantīva tā ha sma yugānte lokasaṃkṣayam // (13.2)
Par.?
vilapantyo rudantyaśca dhāvamānāstatastataḥ / (14.1)
Par.?
śokenābhyāhatajñānāḥ kartavyaṃ na prajajñire // (14.2)
Par.?
vrīḍāṃ jagmuḥ purā yāḥ sma sakhīnām api yoṣitaḥ / (15.1)
Par.?
tā ekavastrā nirlajjāḥ śvaśrūṇāṃ purato 'bhavan // (15.2)
Par.?
parasparaṃ susūkṣmeṣu śokeṣvāśvāsayan sma yāḥ / (16.1)
Par.?
tāḥ śokavihvalā rājann upaikṣanta parasparam // (16.2)
Par.?
tābhiḥ parivṛto rājā rudatībhiḥ sahasraśaḥ / (17.1)
Par.?
niryayau nagarād dīnastūrṇam āyodhanaṃ prati // (17.2)
Par.?
śilpino vaṇijo vaiśyāḥ sarvakarmopajīvinaḥ / (18.1)
Par.?
te pārthivaṃ puraskṛtya niryayur nagarād bahiḥ // (18.2)
Par.?
tāsāṃ vikrośamānānām ārtānāṃ kurusaṃkṣaye / (19.1)
Par.?
prādurāsīnmahāñ śabdo vyathayan bhuvanānyuta // (19.2)
Par.?
yugāntakāle samprāpte bhūtānāṃ dahyatām iva / (20.1)
Par.?
abhāvaḥ syād ayaṃ prāpta iti bhūtāni menire // (20.2)
Par.?
bhṛśam udvignamanasaste paurāḥ kurusaṃkṣaye / (21.1)
Par.?
prākrośanta mahārāja svanuraktāstadā bhṛśam // (21.2)
Par.?
Duration=0.12984919548035 secs.