Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 9199

Click on a sentence to show its analysis
Keep the mouse pointer over a lemma to show its meanings.

vaiśaṃpāyana uvāca / (1.1) Par.?

hateṣu sarvasainyeṣu dharmarājo yudhiṣṭhiraḥ / (1.2) Par.?

śuśruve pitaraṃ vṛddhaṃ niryātaṃ gajasāhvayāt // (1.3) Par.?

so 'bhyayāt putraśokārtaḥ putraśokapariplutam / (2.1) Par.?

śocamāno mahārāja bhrātṛbhiḥ sahitastadā // (2.2) Par.?

anvīyamāno vīreṇa dāśārheṇa mahātmanā / (3.1) Par.?

yuyudhānena ca tathā tathaiva ca yuyutsunā // (3.2) Par.?

tam anvagāt suduḥkhārtā draupadī śokakarśitā / (4.1) Par.?

saha pāñcālayoṣidbhir yāstatrāsan samāgatāḥ // (4.2) Par.?

sa gaṅgām anu vṛndāni strīṇāṃ bharatasattama / (5.1) Par.?

kurarīṇām ivārtānāṃ krośantīnāṃ dadarśa ha // (5.2) Par.?

tābhiḥ parivṛto rājā rudatībhiḥ sahasraśaḥ / (6.1) Par.?

ūrdhvabāhubhir ārtābhir bruvatībhiḥ priyāpriye // (6.2) Par.?

kva nu dharmajñatā rājñaḥ kva nu sādyānṛśaṃsatā / (7.1) Par.?

yadāvadhīt pitṝn bhrātṝn gurūn putrān sakhīn api // (7.2) Par.?

ghātayitvā kathaṃ droṇaṃ bhīṣmaṃ cāpi pitāmaham / (8.1) Par.?

manaste 'bhūnmahābāho hatvā cāpi jayadratham // (8.2) Par.?

kiṃ nu rājyena te kāryaṃ pitṝn bhrātṝn apaśyataḥ / (9.1) Par.?

abhimanyuṃ ca durdharṣaṃ draupadeyāṃśca bhārata // (9.2) Par.?

atītya tā mahābāhuḥ krośantīḥ kurarīr iva / (10.1) Par.?

vavande pitaraṃ jyeṣṭhaṃ dharmarājo yudhiṣṭhiraḥ // (10.2) Par.?

tato 'bhivādya pitaraṃ dharmeṇāmitrakarśanāḥ / (11.1) Par.?

nyavedayanta nāmāni pāṇḍavāste 'pi sarvaśaḥ // (11.2) Par.?

tam ātmajāntakaraṇaṃ pitā putravadhārditaḥ / (12.1) Par.?

aprīyamāṇaḥ śokārtaḥ pāṇḍavaṃ pariṣasvaje // (12.2) Par.?

dharmarājaṃ pariṣvajya sāntvayitvā ca bhārata / (13.1) Par.?

duṣṭātmā bhīmam anvaicchad didhakṣur iva pāvakaḥ // (13.2) Par.?

sa kopapāvakastasya śokavāyusamīritaḥ / (14.1) Par.?

bhīmasenamayaṃ dāvaṃ didhakṣur iva dṛśyate // (14.2) Par.?

tasya saṃkalpam ājñāya bhīmaṃ pratyaśubhaṃ hariḥ / (15.1) Par.?

bhīmam ākṣipya pāṇibhyāṃ pradadau bhīmam āyasam // (15.2) Par.?

prāg eva tu mahābuddhir buddhvā tasyeṅgitaṃ hariḥ / (16.1) Par.?

saṃvidhānaṃ mahāprājñastatra cakre janārdanaḥ // (16.2) Par.?

taṃ tu gṛhyaiva pāṇibhyāṃ bhīmasenam ayasmayam / (17.1) Par.?

babhañja balavān rājā manyamāno vṛkodaram // (17.2) Par.?

nāgāyutabalaprāṇaḥ sa rājā bhīmam āyasam / (18.1) Par.?

bhaṅktvā vimathitoraskaḥ susrāva rudhiraṃ mukhāt // (18.2) Par.?

tataḥ papāta medinyāṃ tathaiva rudhirokṣitaḥ / (19.1) Par.?

prapuṣpitāgraśikharaḥ pārijāta iva drumaḥ // (19.2) Par.?

paryagṛhṇata taṃ vidvān sūto gāvalgaṇistadā / (20.1) Par.?

maivam ityabravīccainaṃ śamayan sāntvayann iva // (20.2) Par.?

sa tu kopaṃ samutsṛjya gatamanyur mahāmanāḥ / (21.1) Par.?

hā hā bhīmeti cukrośa bhūyaḥ śokasamanvitaḥ // (21.2) Par.?

taṃ viditvā gatakrodhaṃ bhīmasenavadhārditam / (22.1) Par.?

vāsudevo varaḥ puṃsām idaṃ vacanam abravīt // (22.2) Par.?

mā śuco dhṛtarāṣṭra tvaṃ naiṣa bhīmastvayā hataḥ / (23.1) Par.?

āyasī pratimā hyeṣā tvayā rājannipātitā // (23.2) Par.?

tvāṃ krodhavaśam āpannaṃ viditvā bharatarṣabha / (24.1) Par.?

mayāpakṛṣṭaḥ kaunteyo mṛtyor daṃṣṭrāntaraṃ gataḥ // (24.2) Par.?

na hi te rājaśārdūla bale tulyo 'sti kaścana / (25.1) Par.?

kaḥ saheta mahābāho bāhvor nigrahaṇaṃ naraḥ // (25.2) Par.?

yathāntakam anuprāpya jīvan kaścinna mucyate / (26.1) Par.?

evaṃ bāhvantaraṃ prāpya tava jīvenna kaścana // (26.2) Par.?

tasmāt putreṇa yā sā te pratimā kāritāyasī / (27.1) Par.?

bhīmasya seyaṃ kauravya tavaivopahṛtā mayā // (27.2) Par.?

putraśokābhisaṃtāpād dharmād apahṛtaṃ manaḥ / (28.1) Par.?

tava rājendra tena tvaṃ bhīmasenaṃ jighāṃsasi // (28.2) Par.?

na ca te tat kṣamaṃ rājan hanyāstvaṃ yad vṛkodaram / (29.1) Par.?

na hi putrā mahārāja jīveyuste kathaṃcana // (29.2) Par.?

tasmād yat kṛtam asmābhir manyamānaiḥ kṣamaṃ prati / (30.1) Par.?

anumanyasva tat sarvaṃ mā ca śoke manaḥ kṛthāḥ // (30.2) Par.?

Duration=0.098047018051147 secs.