UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9201
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
dhṛtarāṣṭrābhyanujñātāstataste kurupuṃgavāḥ / (1.2)
Par.?
abhyayur bhrātaraḥ sarve gāndhārīṃ sahakeśavāḥ // (1.3) Par.?
tato jñātvā hatāmitraṃ dharmarājaṃ yudhiṣṭhiram / (2.1)
Par.?
gāndhārī putraśokārtā śaptum aicchad aninditā // (2.2)
Par.?
tasyāḥ pāpam abhiprāyaṃ viditvā pāṇḍavān prati / (3.1)
Par.?
ṛṣiḥ satyavatīputraḥ prāg eva samabudhyata // (3.2)
Par.?
sa gaṅgāyām upaspṛśya puṇyagandhaṃ payaḥ śuci / (4.1)
Par.?
taṃ deśam upasaṃpede paramarṣir manojavaḥ // (4.2)
Par.?
divyena cakṣuṣā paśyanmanasānuddhatena ca / (5.1)
Par.?
sarvaprāṇabhṛtāṃ bhāvaṃ sa tatra samabudhyata // (5.2)
Par.?
sa snuṣām abravīt kāle kalyavādī mahātapāḥ / (6.1)
Par.?
śāpakālam avākṣipya śamakālam udīrayan // (6.2)
Par.?
na kopaḥ pāṇḍave kāryo gāndhāri śamam āpnuhi / (7.1)
Par.?
rajo nigṛhyatām etacchṛṇu cedaṃ vaco mama // (7.2)
Par.?
uktāsyaṣṭādaśāhāni putreṇa jayam icchatā / (8.1)
Par.?
śivam āśāssva me mātar yudhyamānasya śatrubhiḥ // (8.2)
Par.?
sā tathā yācyamānā tvaṃ kāle kāle jayaiṣiṇā / (9.1)
Par.?
uktavatyasi gāndhāri yato dharmastato jayaḥ // (9.2)
Par.?
na cāpyatītāṃ gāndhāri vācaṃ te vitathām aham / (10.1)
Par.?
smarāmi bhāṣamāṇāyāstathā praṇihitā hyasi // (10.2)
Par.?
sā tvaṃ dharmaṃ parismṛtya vācā coktvā manasvini / (11.1)
Par.?
kopaṃ saṃyaccha gāndhāri maivaṃ bhūḥ satyavādini // (11.2)
Par.?
gāndhāryuvāca / (12.1)
Par.?
bhagavannābhyasūyāmi naitān icchāmi naśyataḥ / (12.2)
Par.?
putraśokena tu balānmano vihvalatīva me // (12.3)
Par.?
yathaiva kuntyā kaunteyā rakṣitavyāstathā mayā / (13.1)
Par.?
yathaiva dhṛtarāṣṭreṇa rakṣitavyāstathā mayā // (13.2)
Par.?
duryodhanāparādhena śakuneḥ saubalasya ca / (14.1)
Par.?
karṇaduḥśāsanābhyāṃ ca vṛtto 'yaṃ kurusaṃkṣayaḥ // (14.2)
Par.?
nāparādhyati bībhatsur na ca pārtho vṛkodaraḥ / (15.1)
Par.?
nakulaḥ sahadevo vā naiva jātu yudhiṣṭhiraḥ // (15.2)
Par.?
yudhyamānā hi kauravyāḥ kṛntamānāḥ parasparam / (16.1)
Par.?
nihatāḥ sahitāścānyaistatra nāstyapriyaṃ mama // (16.2)
Par.?
yat tu karmākarod bhīmo vāsudevasya paśyataḥ / (17.1)
Par.?
duryodhanaṃ samāhūya gadāyuddhe mahāmanāḥ // (17.2)
Par.?
śikṣayābhyadhikaṃ jñātvā carantaṃ bahudhā raṇe / (18.1)
Par.?
adho nābhyāṃ prahṛtavāṃstanme kopam avardhayat // (18.2)
Par.?
kathaṃ nu dharmaṃ dharmajñaiḥ samuddiṣṭaṃ mahātmabhiḥ / (19.1)
Par.?
tyajeyur āhave śūrāḥ prāṇahetoḥ kathaṃcana // (19.2)
Par.?
Duration=0.059775114059448 secs.