UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9206
- Click on a sentence to show its analysis
- Keep the mouse pointer over a lemma to show its meanings.
gāndhāryuvāca / (1.1)
Par.?
paśya mādhava putrānme śatasaṃkhyāñ jitaklamān / (1.2)
Par.?
gadayā bhīmasenena bhūyiṣṭhaṃ nihatān raṇe // (1.3)
Par.?
idaṃ duḥkhataraṃ me 'dya yad imā muktamūrdhajāḥ / (2.1)
Par.?
hataputrā raṇe bālāḥ paridhāvanti me snuṣāḥ // (2.2)
Par.?
prāsādatalacāriṇyaścaraṇair bhūṣaṇānvitaiḥ / (3.1)
Par.?
āpannā yat spṛśantīmā rudhirārdrāṃ vasuṃdharām // (3.2)
Par.?
gṛdhrān utsārayantyaśca gomāyūn vāyasāṃstathā / (4.1)
Par.?
śokenārtā vighūrṇantyo mattā iva carantyuta // (4.2)
Par.?
eṣānyā tvanavadyāṅgī karasaṃmitamadhyamā / (5.1)
Par.?
ghoraṃ tad vaiśasaṃ dṛṣṭvā nipatatyatiduḥkhitā // (5.2)
Par.?
dṛṣṭvā me pārthivasutām etāṃ lakṣmaṇamātaram / (6.1)
Par.?
rājaputrīṃ mahābāho mano na vyupaśāmyati // (6.2)
Par.?
bhrātṝṃścānyāḥ patīṃścānyāḥ putrāṃśca nihatān bhuvi / (7.1)
Par.?
dṛṣṭvā paripatantyetāḥ pragṛhya subhujā bhujān // (7.2)
Par.?
madhyamānāṃ tu nārīṇāṃ vṛddhānāṃ cāparājita / (8.1)
Par.?
ākrandaṃ hatabandhūnāṃ dāruṇe vaiśase śṛṇu // (8.2)
Par.?
rathanīḍāni dehāṃśca hatānāṃ gajavājinām / (9.1)
Par.?
āśritāḥ śramamohārtāḥ sthitāḥ paśya mahābala // (9.2)
Par.?
anyā cāpahṛtaṃ kāyāccārukuṇḍalam unnasam / (10.1)
Par.?
svasya bandhoḥ śiraḥ kṛṣṇa gṛhītvā paśya tiṣṭhati // (10.2)
Par.?
pūrvajātikṛtaṃ pāpaṃ manye nālpam ivānagha / (11.1)
Par.?
etābhir anavadyābhir mayā caivālpamedhayā // (11.2)
Par.?
tad idaṃ dharmarājena yātitaṃ no janārdana / (12.1)
Par.?
na hi nāśo 'sti vārṣṇeya karmaṇoḥ śubhapāpayoḥ // (12.2)
Par.?
pratyagravayasaḥ paśya darśanīyakucodarāḥ / (13.1)
Par.?
kuleṣu jātā hrīmatyaḥ kṛṣṇapakṣākṣimūrdhajāḥ // (13.2)
Par.?
haṃsagadgadabhāṣiṇyo duḥkhaśokapramohitāḥ / (14.1)
Par.?
sārasya iva vāśantyaḥ patitāḥ paśya mādhava // (14.2)
Par.?
phullapadmaprakāśāni puṇḍarīkākṣa yoṣitām / (15.1)
Par.?
anavadyāni vaktrāṇi tapatyasukharaśmivān // (15.2)
Par.?
īrṣūṇāṃ mama putrāṇāṃ vāsudevāvarodhanam / (16.1)
Par.?
mattamātaṅgadarpāṇāṃ paśyantyadya pṛthagjanāḥ // (16.2)
Par.?
śatacandrāṇi carmāṇi dhvajāṃścādityasaṃnibhān / (17.1)
Par.?
raukmāṇi caiva varmāṇi niṣkān api ca kāñcanān // (17.2) Par.?
śīrṣatrāṇāni caitāni putrāṇāṃ me mahītale / (18.1)
Par.?
paśya dīptāni govinda pāvakān suhutān iva // (18.2)
Par.?
eṣa duḥśāsanaḥ śete śūreṇāmitraghātinā / (19.1)
Par.?
pītaśoṇitasarvāṅgo bhīmasenena pātitaḥ // (19.2)
Par.?
gadayā vīraghātinyā paśya mādhava me sutam / (20.1)
Par.?
dyūtakleśān anusmṛtya draupadyā coditena ca // (20.2)
Par.?
uktā hyanena pāñcālī sabhāyāṃ dyūtanirjitā / (21.1)
Par.?
priyaṃ cikīrṣatā bhrātuḥ karṇasya ca janārdana // (21.2)
Par.?
sahaiva sahadevena nakulenārjunena ca / (22.1)
Par.?
dāsabhāryāsi pāñcāli kṣipraṃ praviśa no gṛhān // (22.2)
Par.?
tato 'ham abruvaṃ kṛṣṇa tadā duryodhanaṃ nṛpam / (23.1)
Par.?
mṛtyupāśaparikṣiptaṃ śakuniṃ putra varjaya // (23.2)
Par.?
nibodhainaṃ sudurbuddhiṃ mātulaṃ kalahapriyam / (24.1)
Par.?
kṣipram enaṃ parityajya putra śāmyasva pāṇḍavaiḥ // (24.2)
Par.?
na budhyase tvaṃ durbuddhe bhīmasenam amarṣaṇam / (25.1)
Par.?
vāṅnārācaistudaṃstīkṣṇair ulkābhir iva kuñjaram // (25.2)
Par.?
tān eṣa rabhasaḥ krūro vākśalyān avadhārayan / (26.1)
Par.?
utsasarja viṣaṃ teṣu sarpo govṛṣabheṣviva // (26.2)
Par.?
eṣa duḥśāsanaḥ śete vikṣipya vipulau bhujau / (27.1)
Par.?
nihato bhīmasenena siṃheneva maharṣabhaḥ // (27.2)
Par.?
atyartham akarod raudraṃ bhīmaseno 'tyamarṣaṇaḥ / (28.1)
Par.?
duḥśāsanasya yat kruddho 'pibacchoṇitam āhave // (28.2)
Par.?
Duration=0.12632513046265 secs.