Texts

vaiśaṃpāyana uvāca / (1.1) Par.?

evam uktastu kaunteyo guḍākeśena bhārata / (1.2) Par.?

novāca kiṃcit kauravyastato dvaipāyano 'bravīt // (1.3) Par.?

bībhatsor vacanaṃ samyak satyam etad yudhiṣṭhira / (2.1) Par.?

śāstradṛṣṭaḥ paro dharmaḥ smṛto gārhasthya āśramaḥ // (2.2) Par.?

svadharmaṃ cara dharmajña yathāśāstraṃ yathāvidhi / (3.1) Par.?

na hi gārhasthyam utsṛjya tavāraṇyaṃ vidhīyate // (3.2) Par.?

gṛhasthaṃ hi sadā devāḥ pitara ṛṣayastathā / (4.1) Par.?

bhṛtyāścaivopajīvanti tān bhajasva mahīpate // (4.2) Par.?

vayāṃsi paśavaścaiva bhūtāni ca mahīpate / (5.1) Par.?

gṛhasthair eva dhāryante tasmājjyeṣṭhāśramo gṛhī // (5.2) Par.?

so 'yaṃ caturṇām eteṣām āśramāṇāṃ durācaraḥ / (6.1) Par.?

taṃ carāvimanāḥ pārtha duścaraṃ durbalendriyaiḥ // (6.2) Par.?

vedajñānaṃ ca te kṛtsnaṃ tapaśca caritaṃ mahat / (7.1) Par.?

pitṛpaitāmahe rājye dhuram udvoḍhum arhasi // (7.2) Par.?

tapo yajñastathā vidyā bhaikṣam indriyanigrahaḥ / (8.1) Par.?

dhyānam ekāntaśīlatvaṃ tuṣṭir dānaṃ ca śaktitaḥ // (8.2) Par.?

brāhmaṇānāṃ mahārāja ceṣṭāḥ saṃsiddhikārikāḥ / (9.1) Par.?

kṣatriyāṇāṃ ca vakṣyāmi tavāpi viditaṃ punaḥ // (9.2) Par.?

yajño vidyā samutthānam asaṃtoṣaḥ śriyaṃ prati / (10.1) Par.?

daṇḍadhāraṇam atyugraṃ prajānāṃ paripālanam // (10.2) Par.?

vedajñānaṃ tathā kṛtsnaṃ tapaḥ sucaritaṃ tathā / (11.1) Par.?

draviṇopārjanaṃ bhūri pātreṣu pratipādanam // (11.2) Par.?

etāni rājñāṃ karmāṇi sukṛtāni viśāṃ pate / (12.1) Par.?

imaṃ lokam amuṃ lokaṃ sādhayantīti naḥ śrutam // (12.2) Par.?

teṣāṃ jyāyastu kaunteya daṇḍadhāraṇam ucyate / (13.1) Par.?

balaṃ hi kṣatriye nityaṃ bale daṇḍaḥ samāhitaḥ // (13.2) Par.?

etāśceṣṭāḥ kṣatriyāṇāṃ rājan saṃsiddhikārikāḥ / (14.1) Par.?

api gāthām imāṃ cāpi bṛhaspatir abhāṣata // (14.2) Par.?

bhūmir etau nigirati sarpo bilaśayān iva / (15.1) Par.?

rājānaṃ cāviroddhāraṃ brāhmaṇaṃ cāpravāsinam // (15.2) Par.?

sudyumnaścāpi rājarṣiḥ śrūyate daṇḍadhāraṇāt / (16.1) Par.?

prāptavān paramāṃ siddhiṃ dakṣaḥ prācetaso yathā // (16.2) Par.?