Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 6023

Click on a sentence to show its analysis
Keep the mouse pointer over a lemma to show its meanings.

vaiśaṃpāyana uvāca / (1.1) Par.?

jñātiśokābhitaptasya prāṇān abhyutsisṛkṣataḥ / (1.2) Par.?

jyeṣṭhasya pāṇḍuputrasya vyāsaḥ śokam apānudat // (1.3) Par.?

vyāsa uvāca / (2.1) Par.?

atrāpyudāharantīmam itihāsaṃ purātanam / (2.2) Par.?

aśmagītaṃ naravyāghra tannibodha yudhiṣṭhira // (2.3) Par.?

aśmānaṃ brāhmaṇaṃ prājñaṃ vaideho janako nṛpaḥ / (3.1) Par.?

saṃśayaṃ paripapraccha duḥkhaśokapariplutaḥ // (3.2) Par.?

janaka uvāca / (4.1) Par.?

āgame yadi vāpāye jñātīnāṃ draviṇasya ca / (4.2) Par.?

nareṇa pratipattavyaṃ kalyāṇaṃ katham icchatā // (4.3) Par.?

aśmovāca / (5.1) Par.?

utpannam imam ātmānaṃ narasyānantaraṃ tataḥ / (5.2) Par.?

tāni tānyabhivartante duḥkhāni ca sukhāni ca // (5.3) Par.?

teṣām anyatarāpattau yad yad evopasevate / (6.1) Par.?

tat taddhi cetanām asya haratyabhram ivānilaḥ // (6.2) Par.?

abhijāto 'smi siddho 'smi nāsmi kevalamānuṣaḥ / (7.1) Par.?

ityevaṃ hetubhistasya tribhiścittaṃ prasicyati // (7.2) Par.?

sa prasiktamanā bhogān visṛjya pitṛsaṃcitān / (8.1) Par.?

parikṣīṇaḥ parasvānām ādānaṃ sādhu manyate // (8.2) Par.?

tam atikrāntamaryādam ādadānam asāṃpratam / (9.1) Par.?

pratiṣedhanti rājāno lubdhā mṛgam iveṣubhiḥ // (9.2) Par.?

ye ca viṃśativarṣā vā triṃśadvarṣāśca mānavāḥ / (10.1) Par.?

pareṇa te varṣaśatānna bhaviṣyanti pārthiva // (10.2) Par.?

teṣāṃ paramaduḥkhānāṃ buddhyā bheṣajam ādiśet / (11.1) Par.?

sarvaprāṇabhṛtāṃ vṛttaṃ prekṣamāṇastatastataḥ // (11.2) Par.?

mānasānāṃ punar yonir duḥkhānāṃ cittavibhramaḥ / (12.1) Par.?

aniṣṭopanipāto vā tṛtīyaṃ nopapadyate // (12.2) Par.?

evam etāni duḥkhāni tāni tānīha mānavam / (13.1) Par.?

vividhānyupavartante tathā sāṃsparśakāni ca // (13.2) Par.?

jarāmṛtyū ha bhūtāni khāditārau vṛkāviva / (14.1) Par.?

balināṃ durbalānāṃ ca hrasvānāṃ mahatām api // (14.2) Par.?

na kaścijjātvatikrāmejjarāmṛtyū ha mānavaḥ / (15.1) Par.?

api sāgaraparyantāṃ vijityemāṃ vasuṃdharām // (15.2) Par.?

sukhaṃ vā yadi vā duḥkhaṃ bhūtānāṃ paryupasthitam / (16.1) Par.?

prāptavyam avaśaiḥ sarvaṃ parihāro na vidyate // (16.2) Par.?

pūrve vayasi madhye vāpyuttame vā narādhipa / (17.1) Par.?

avarjanīyāste 'rthā vai kāṅkṣitāśca tato 'nyathā // (17.2) Par.?

supriyair viprayogaśca saṃprayogastathāpriyaiḥ / (18.1) Par.?

arthānarthau sukhaṃ duḥkhaṃ vidhānam anuvartate // (18.2) Par.?

prādurbhāvaśca bhūtānāṃ dehanyāsastathaiva ca / (19.1) Par.?

prāptivyāyāmayogaśca sarvam etat pratiṣṭhitam // (19.2) Par.?

gandhavarṇarasasparśā nivartante svabhāvataḥ / (20.1) Par.?

tathaiva sukhaduḥkhāni vidhānam anuvartate // (20.2) Par.?

āsanaṃ śayanaṃ yānam utthānaṃ pānabhojanam / (21.1) Par.?

niyataṃ sarvabhūtānāṃ kālenaiva bhavantyuta // (21.2) Par.?

vaidyāścāpyāturāḥ santi balavantaḥ sudurbalāḥ / (22.1) Par.?

strīmantaśca tathā ṣaṇḍhā vicitraḥ kālaparyayaḥ // (22.2) Par.?

kule janma tathā vīryam ārogyaṃ dhairyam eva ca / (23.1) Par.?

saubhāgyam upabhogaśca bhavitavyena labhyate // (23.2) Par.?

santi putrāḥ subahavo daridrāṇām anicchatām / (24.1) Par.?

bahūnām icchatāṃ nāsti samṛddhānāṃ viceṣṭatām // (24.2) Par.?

vyādhir agnir jalaṃ śastraṃ bubhukṣā śvāpadaṃ viṣam / (25.1) Par.?

rajjvā ca maraṇaṃ jantor uccācca patanaṃ tathā // (25.2) Par.?

niryāṇaṃ yasya yad diṣṭaṃ tena gacchati hetunā / (26.1) Par.?

dṛśyate nābhyatikrāmann atikrānto na vā punaḥ // (26.2) Par.?

dṛśyate hi yuvaiveha vinaśyan vasumānnaraḥ / (27.1) Par.?

daridraśca parikliṣṭaḥ śatavarṣo janādhipa // (27.2) Par.?

akiṃcanāśca dṛśyante puruṣāścirajīvinaḥ / (28.1) Par.?

samṛddhe ca kule jātā vinaśyanti pataṃgavat // (28.2) Par.?

prāyeṇa śrīmatāṃ loke bhoktuṃ śaktir na vidyate / (29.1) Par.?

kāṣṭhānyapi hi jīryante daridrāṇāṃ narādhipa // (29.2) Par.?

aham etat karomīti manyate kālacoditaḥ / (30.1) Par.?

yad yad iṣṭam asaṃtoṣād durātmā pāpam ācaran // (30.2) Par.?

striyo 'kṣā mṛgayā pānaṃ prasaṅgānninditā budhaiḥ / (31.1) Par.?

dṛśyante cāpi bahavaḥ samprasaktā bahuśrutāḥ // (31.2) Par.?

iti kālena sarvārthānīpsitānīpsitāni ca / (32.1) Par.?

spṛśanti sarvabhūtāni nimittaṃ nopalabhyate // (32.2) Par.?

vāyum ākāśam agniṃ ca candrādityāvahaḥkṣape / (33.1) Par.?

jyotīṃṣi saritaḥ śailān kaḥ karoti bibharti vā // (33.2) Par.?

śītam uṣṇaṃ tathā varṣaṃ kālena parivartate / (34.1) Par.?

evam eva manuṣyāṇāṃ sukhaduḥkhe nararṣabha // (34.2) Par.?

nauṣadhāni na śāstrāṇi na homā na punar japāḥ / (35.1) Par.?

trāyante mṛtyunopetaṃ jarayā vāpi mānavam // (35.2) Par.?

yathā kāṣṭhaṃ ca kāṣṭhaṃ ca sameyātāṃ mahodadhau / (36.1) Par.?

sametya ca vyatīyātāṃ tadvad bhūtasamāgamaḥ // (36.2) Par.?

ye cāpi puruṣaiḥ strībhir gītavādyair upasthitāḥ / (37.1) Par.?

ye cānāthāḥ parānnādāḥ kālasteṣu samakriyaḥ // (37.2) Par.?

mātṛpitṛsahasrāṇi putradāraśatāni ca / (38.1) Par.?

saṃsāreṣvanubhūtāni kasya te kasya vā vayam // (38.2) Par.?

naivāsya kaścid bhavitā nāyaṃ bhavati kasyacit / (39.1) Par.?

pathi saṃgatam evedaṃ dārabandhusuhṛdgaṇaiḥ // (39.2) Par.?

kvāsaṃ kvāsmi gamiṣyāmi ko nvahaṃ kim ihāsthitaḥ / (40.1) Par.?

kasmāt kam anuśoceyam ityevaṃ sthāpayenmanaḥ / (40.2) Par.?

anitye priyasaṃvāse saṃsāre cakravad gatau // (40.3) Par.?

na dṛṣṭapūrvaṃ pratyakṣaṃ paralokaṃ vidur budhāḥ / (41.1) Par.?

āgamāṃs tv anatikramya śraddhātavyaṃ bubhūṣatā // (41.2) Par.?

kurvīta pitṛdaivatyaṃ dharmāṇi ca samācaret / (42.1) Par.?

yajecca vidvān vidhivat trivargaṃ cāpyanuvrajet // (42.2) Par.?

saṃnimajjajjagad idaṃ gambhīre kālasāgare / (43.1) Par.?

jarāmṛtyumahāgrāhe na kaścid avabudhyate // (43.2) Par.?

āyurvedam adhīyānāḥ kevalaṃ saparigraham / (44.1) Par.?

dṛśyante bahavo vaidyā vyādhibhiḥ samabhiplutāḥ // (44.2) Par.?

te pibantaḥ kaṣāyāṃśca sarpīṃṣi vividhāni ca / (45.1) Par.?

na mṛtyum ativartante velām iva mahodadhiḥ // (45.2) Par.?

rasāyanavidaścaiva suprayuktarasāyanāḥ / (46.1) Par.?

dṛśyante jarayā bhagnā nagā nāgair ivottamaiḥ // (46.2) Par.?

tathaiva tapasopetāḥ svādhyāyābhyasane ratāḥ / (47.1) Par.?

dātāro yajñaśīlāśca na taranti jarāntakau // (47.2) Par.?

na hyahāni nivartante na māsā na punaḥ samāḥ / (48.1) Par.?

jātānāṃ sarvabhūtānāṃ na pakṣā na punaḥ kṣapāḥ // (48.2) Par.?

so 'yaṃ vipulam adhvānaṃ kālena dhruvam adhruvaḥ / (49.1) Par.?

naro 'vaśaḥ samabhyeti sarvabhūtaniṣevitam // (49.2) Par.?

deho vā jīvato 'bhyeti jīvo vābhyeti dehataḥ / (50.1) Par.?

pathi saṃgatam evedaṃ dārair anyaiśca bandhubhiḥ // (50.2) Par.?

nāyam atyantasaṃvāso labhyate jātu kenacit / (51.1) Par.?

api svena śarīreṇa kim utānyena kenacit // (51.2) Par.?

kva nu te 'dya pitā rājan kva nu te 'dya pitāmahaḥ / (52.1) Par.?

na tvaṃ paśyasi tān adya na tvāṃ paśyanti te 'pi ca // (52.2) Par.?

na hyeva puruṣo draṣṭā svargasya narakasya vā / (53.1) Par.?

āgamastu satāṃ cakṣur nṛpate tam ihācara // (53.2) Par.?

caritabrahmacaryo hi prajāyeta yajeta ca / (54.1) Par.?

pitṛdevamaharṣīṇām ānṛṇyāyānasūyakaḥ // (54.2) Par.?

sa yajñaśīlaḥ prajane niviṣṭaḥ prāg brahmacārī pravibhaktapakṣaḥ / (55.1) Par.?

ārādhayan svargam imaṃ ca lokaṃ paraṃ ca muktvā hṛdayavyalīkam // (55.2) Par.?

samyagghi dharmaṃ carato nṛpasya dravyāṇi cāpyāharato yathāvat / (56.1) Par.?

pravṛttacakrasya yaśo 'bhivardhate sarveṣu lokeṣu carācareṣu // (56.2) Par.?

vyāsa uvāca / (57.1) Par.?

ityevam ājñāya videharājo vākyaṃ samagraṃ paripūrṇahetuḥ / (57.2) Par.?

aśmānam āmantrya viśuddhabuddhir yayau gṛhaṃ svaṃ prati śāntaśokaḥ // (57.3) Par.?

tathā tvam apyacyuta muñca śokam uttiṣṭha śakropama harṣam ehi / (58.1) Par.?

kṣātreṇa dharmeṇa mahī jitā te tāṃ bhuṅkṣva kuntīsuta mā viṣādīḥ // (58.2) Par.?

Duration=0.25733780860901 secs.