Texts

Help

Select a text:
Bibliography
Select a chapter:
 (no revisions)
Associated topic(s): Names of Viṣṇu, sahasranāman

Show parallels  Show headlines
Use dependency labeler
Chapter id: 6038
  • Click on a sentence to show its analysis
  • Keep the mouse pointer over a lemma to show its meanings.
vaiśaṃpāyana uvāca / (1.1) Par.?
abhiṣikto mahāprājño rājyaṃ prāpya yudhiṣṭhiraḥ / (1.2) Par.?
dāśārhaṃ puṇḍarīkākṣam uvāca prāñjaliḥ śuciḥ // (1.3) Par.?
tava kṛṣṇa prasādena nayena ca balena ca / (2.1) Par.?
buddhyā ca yaduśārdūla tathā vikramaṇena ca // (2.2) Par.?
punaḥ prāptam idaṃ rājyaṃ pitṛpaitāmahaṃ mayā / (3.1) Par.?
namaste puṇḍarīkākṣa punaḥ punar ariṃdama // (3.2) Par.?
tvām ekam āhuḥ puruṣaṃ tvām āhuḥ sātvatāṃ patim / (4.1) Par.?
nāmabhistvāṃ bahuvidhaiḥ stuvanti paramarṣayaḥ // (4.2) Par.?
viśvakarmannamaste 'stu viśvātman viśvasaṃbhava / (5.1) Par.?
viṣṇo jiṣṇo hare kṛṣṇa vaikuṇṭha puruṣottama // (5.2) Par.?
adityāḥ saptarātraṃ tu purāṇe garbhatāṃ gataḥ / (6.1) Par.?
pṛśnigarbhastvam evaikas triyugaṃ tvāṃ vadantyapi // (6.2) Par.?
śuciśravā hṛṣīkeśo ghṛtārcir haṃsa ucyase / (7.1) Par.?
tricakṣuḥ śambhur ekastvaṃ vibhur dāmodaro 'pi ca // (7.2) Par.?
varāho 'gnir bṛhadbhānur vṛṣaṇastārkṣyalakṣaṇaḥ / (8.1) Par.?
anīkasāhaḥ puruṣaḥ śipiviṣṭa urukramaḥ // (8.2) Par.?
vāciṣṭha ugraḥ senānīḥ satyo vājasanir guhaḥ / (9.1) Par.?
acyutaścyāvano 'rīṇāṃ saṃkṛtir vikṛtir vṛṣaḥ // (9.2) Par.?
kṛtavartmā tvam evādrir vṛṣagarbho vṛṣākapiḥ / (10.1) Par.?
sindhukṣid ūrmistrikakut tridhāmā trivṛd acyutaḥ // (10.2) Par.?
samrāḍ virāṭ svarāṭ caiva surarāḍ dharmado bhavaḥ / (11.1) Par.?
vibhur bhūr abhibhūḥ kṛṣṇaḥ kṛṣṇavartmā tvam eva ca // (11.2) Par.?
sviṣṭakṛd bhiṣagāvartaḥ kapilastvaṃ ca vāmanaḥ / (12.1) Par.?
yajño dhruvaḥ pataṃgaśca jayatsenastvam ucyase // (12.2) Par.?
śikhaṇḍī nahuṣo babhrur divaspṛk tvaṃ punarvasuḥ / (13.1) Par.?
subabhrur ukṣo rukmastvaṃ suṣeṇo dundubhistathā // (13.2) Par.?
gabhastinemiḥ śrīpadmaṃ puṣkaraṃ puṣpadhāraṇaḥ / (14.1) Par.?
ṛbhur vibhuḥ sarvasūkṣmas tvaṃ sāvitraṃ ca paṭhyase // (14.2) Par.?
ambhonidhistvaṃ brahmā tvaṃ pavitraṃ dhāma dhanva ca / (15.1) Par.?
hiraṇyagarbhaṃ tvām āhuḥ svadhā svāhā ca keśava // (15.2) Par.?
yonistvam asya pralayaśca kṛṣṇa tvam evedaṃ sṛjasi viśvam agre / (16.1) Par.?
viśvaṃ cedaṃ tvadvaśe viśvayone namo 'stu te śārṅgacakrāsipāṇe // (16.2) Par.?
evaṃ stuto dharmarājena kṛṣṇaḥ sabhāmadhye prītimān puṣkarākṣaḥ / (17.1) Par.?
tam abhyanandad bhārataṃ puṣkalābhir vāgbhir jyeṣṭhaṃ pāṇḍavaṃ yādavāgryaḥ // (17.2) Par.?
Duration=0.06596302986145 secs.