Texts

Help

Select a text:
Bibliography
Select a chapter:
 (no revisions)
Associated topic(s): Sacrifice, yajña

Show parallels  Show headlines
Use dependency labeler
Chapter id: 6075
  • Click on a sentence to show its analysis
  • Keep the mouse pointer over a lemma to show its meanings.
yudhiṣṭhira uvāca / (1.1) Par.?
kvasamutthāḥ kathaṃśīlā ṛtvijaḥ syuḥ pitāmaha / (1.2) Par.?
kathaṃvidhāśca rājendra tad brūhi vadatāṃ vara // (1.3) Par.?
bhīṣma uvāca / (2.1) Par.?
pratikarma purācāra ṛtvijāṃ sma vidhīyate / (2.2) Par.?
ādau chandāṃsi vijñāya dvijānāṃ śrutam eva ca // (2.3) Par.?
ye tvekaratayo nityaṃ dhīrā nāpriyavādinaḥ / (3.1) Par.?
parasparasya suhṛdaḥ saṃmatāḥ samadarśinaḥ // (3.2) Par.?
yeṣvānṛśaṃsyaṃ satyaṃ cāpyahiṃsā tapa ārjavam / (4.1) Par.?
adroho nābhimānaśca hrīstitikṣā damaḥ śamaḥ // (4.2) Par.?
hrīmān satyadhṛtir dānto bhūtānām avihiṃsakaḥ / (5.1) Par.?
akāmadveṣasaṃyuktastribhiḥ śuklaiḥ samanvitaḥ // (5.2) Par.?
ahiṃsako jñānatṛptaḥ sa brahmāsanam arhati / (6.1) Par.?
ete mahartvijastāta sarve mānyā yathātatham // (6.2) Par.?
yudhiṣṭhira uvāca / (7.1) Par.?
yad idaṃ vedavacanaṃ dakṣiṇāsu vidhīyate / (7.2) Par.?
idaṃ deyam idaṃ deyaṃ na kvacid vyavatiṣṭhate // (7.3) Par.?
nedaṃ prati dhanaṃ śāstram āpaddharmam aśāstrataḥ / (8.1) Par.?
ājñā śāstrasya ghoreyaṃ na śaktiṃ samavekṣate // (8.2) Par.?
śraddhām ārabhya yaṣṭavyam ityeṣā vaidikī śrutiḥ / (9.1) Par.?
mithyopetasya yajñasya kimu śraddhā kariṣyati // (9.2) Par.?
bhīṣma uvāca / (10.1) Par.?
na vedānāṃ paribhavānna śāṭhyena na māyayā / (10.2) Par.?
kaścinmahad avāpnoti mā te bhūd buddhir īdṛśī // (10.3) Par.?
yajñāṅgaṃ dakṣiṇāstāta vedānāṃ paribṛṃhaṇam / (11.1) Par.?
na mantrā dakṣiṇāhīnāstārayanti kathaṃcana // (11.2) Par.?
śaktistu pūrṇapātreṇa saṃmitānavamā bhavet / (12.1) Par.?
avaśyaṃ tāta yaṣṭavyaṃ tribhir varṇair yathāvidhi // (12.2) Par.?
somo rājā brāhmaṇānām ityeṣā vaidikī śrutiḥ / (13.1) Par.?
taṃ ca vikretum icchanti na vṛthā vṛttir iṣyate / (13.2) Par.?
tena krītena dharmeṇa tato yajñaḥ pratāyate // (13.3) Par.?
ityevaṃ dharmataḥ khyātam ṛṣibhir dharmavādibhiḥ / (14.1) Par.?
pumān yajñaśca somaśca nyāyavṛtto yathā bhavet / (14.2) Par.?
anyāyavṛttaḥ puruṣo na parasya na cātmanaḥ // (14.3) Par.?
śarīraṃ yajñapātrāṇi ityeṣā śrūyate śrutiḥ / (15.1) Par.?
tāni samyak praṇītāni brāhmaṇānāṃ mahātmanām // (15.2) Par.?
tapo yajñād api śreṣṭham ityeṣā paramā śrutiḥ / (16.1) Par.?
tat te tapaḥ pravakṣyāmi vidvaṃstad api me śṛṇu // (16.2) Par.?
ahiṃsā satyavacanam ānṛśaṃsyaṃ damo ghṛṇā / (17.1) Par.?
etat tapo vidur dhīrā na śarīrasya śoṣaṇam // (17.2) Par.?
aprāmāṇyaṃ ca vedānāṃ śāstrāṇāṃ cātilaṅghanam / (18.1) Par.?
avyavasthā ca sarvatra tad vai nāśanam ātmanaḥ // (18.2) Par.?
nibodha daśahotṝṇāṃ vidhānaṃ pārtha yādṛśam / (19.1) Par.?
cittiḥ sruk cittam ājyaṃ ca pavitraṃ jñānam uttamam // (19.2) Par.?
sarvaṃ jihmaṃ mṛtyupadam ārjavaṃ brahmaṇaḥ padam / (20.1) Par.?
etāvāñ jñānaviṣayaḥ kiṃ pralāpaḥ kariṣyati // (20.2) Par.?
Duration=0.1349949836731 secs.