Texts

Help

Select a text:
Bibliography

Select a chapter:
(no revisions)

Associated topic(s): Politics

Show parallels Show headlines
Use dependency labeler

Chapter id: 6101

Click on a sentence to show its analysis
Keep the mouse pointer over a lemma to show its meanings.

munir uvāca / (1.1) Par.?

atha cet pauruṣaṃ kiṃcit kṣatriyātmani paśyasi / (1.2) Par.?

bravīmi hanta te nītiṃ rājyasya pratipattaye // (1.3) Par.?

tāṃ cecchakṣyasyanuṣṭhātuṃ karma caiva kariṣyasi / (2.1) Par.?

śṛṇu sarvam aśeṣeṇa yat tvāṃ vakṣyāmi tattvataḥ // (2.2) Par.?

ācariṣyasi cet karma mahato 'rthān avāpsyasi / (3.1) Par.?

rājyaṃ rājyasya mantraṃ vā mahatīṃ vā punaḥ śriyam / (3.2) Par.?

yadyetad rocate rājan punar brūhi bravīmi te // (3.3) Par.?

rājaputra uvāca / (4.1) Par.?

bravītu bhagavānnītim upapanno 'smyahaṃ prabho / (4.2) Par.?

amogham idam adyāstu tvayā saha samāgatam // (4.3) Par.?

munir uvāca / (5.1) Par.?

hitvā stambhaṃ ca mānaṃ ca krodhaharṣau bhayaṃ tathā / (5.2) Par.?

pratyamitraṃ niṣevasva praṇipatya kṛtāñjaliḥ // (5.3) Par.?

tam uttamena śaucena karmaṇā cābhirādhaya / (6.1) Par.?

dātum arhati te vṛttiṃ vaidehaḥ satyasaṃgaraḥ // (6.2) Par.?

pramāṇaṃ sarvabhūteṣu pragrahaṃ ca gamiṣyasi / (7.1) Par.?

tataḥ sahāyān sotsāhāṃllapsyase 'vyasanāñśucīn // (7.2) Par.?

vartamānaḥ svaśāstre vai saṃyatātmā jitendriyaḥ / (8.1) Par.?

abhyuddharati cātmānaṃ prasādayati ca prajāḥ // (8.2) Par.?

tenaiva tvaṃ dhṛtimatā śrīmatā cābhisatkṛtaḥ / (9.1) Par.?

pramāṇaṃ sarvabhūteṣu gatvā pragrahaṇaṃ mahat // (9.2) Par.?

tataḥ suhṛdbalaṃ labdhvā mantrayitvā sumantritam / (10.1) Par.?

antarair bhedayitvārīn bilvaṃ bilvena śātaya / (10.2) Par.?

parair vā saṃvidaṃ kṛtvā balam apyasya ghātaya // (10.3) Par.?

alabhyā ye śubhā bhāvāḥ striyaścācchādanāni ca / (11.1) Par.?

śayyāsanāni yānāni mahārhāṇi gṛhāṇi ca // (11.2) Par.?

pakṣiṇo mṛgajātāni rasā gandhāḥ phalāni ca / (12.1) Par.?

teṣveva sajjayethāstvaṃ yathā naśyet svayaṃ paraḥ // (12.2) Par.?

yadyeva pratiṣeddhavyo yadyupekṣaṇam arhati / (13.1) Par.?

na jātu vivṛtaḥ kāryaḥ śatrur vinayam icchatā // (13.2) Par.?

vasasva paramāmitraviṣaye prājñasaṃmate / (14.1) Par.?

bhajasva śvetakākīyair mitrādhamam anarthakaiḥ // (14.2) Par.?

ārambhāṃścāsya mahato duṣkarāṃstvaṃ prayojaya / (15.1) Par.?

nadībandhavirodhāṃśca balavadbhir virudhyatām // (15.2) Par.?

udyānāni mahārhāṇi śayanānyāsanāni ca / (16.1) Par.?

pratibhogasukhenaiva kośam asya virecaya // (16.2) Par.?

yajñadānapraśaṃsāsmai brāhmaṇeṣvanuvarṇyatām / (17.1) Par.?

te tvatpriyaṃ kariṣyanti taṃ ceṣyanti vṛkā iva // (17.2) Par.?

asaṃśayaṃ puṇyaśīlaḥ prāpnoti paramāṃ gatim / (18.1) Par.?

triviṣṭape puṇyatamaṃ sthānaṃ prāpnoti pārthivaḥ / (18.2) Par.?

kośakṣaye tvamitrāṇāṃ vaśaṃ kausalya gacchati // (18.3) Par.?

ubhayatra prasaktasya dharme cādharma eva ca / (19.1) Par.?

balārthamūlaṃ vyucchidyet tena nandanti śatravaḥ // (19.2) Par.?

nindyāsya mānuṣaṃ karma daivam asyopavarṇaya / (20.1) Par.?

asaṃśayaṃ daivaparaḥ kṣipram eva vinaśyati // (20.2) Par.?

yājayainaṃ viśvajitā sarvasvena viyujyatām / (21.1) Par.?

tato gacchatvasiddhārthaḥ pīḍyamāno mahājanam // (21.2) Par.?

tyāgadharmavidaṃ muṇḍaṃ kaṃcid asyopavarṇaya / (22.1) Par.?

api tyāgaṃ bubhūṣeta kaccid gacched anāmayam // (22.2) Par.?

siddhenauṣadhayogena sarvaśatruvināśinā / (23.1) Par.?

nāgān aśvānmanuṣyāṃśca kṛtakair upaghātaya // (23.2) Par.?

ete cānye ca bahavo dambhayogāḥ suniścitāḥ / (24.1) Par.?

śakyā viṣahatā kartuṃ naklībena nṛpātmaja // (24.2) Par.?

Duration=0.099530935287476 secs.