Texts

Help

Select a text:
Bibliography
Select a chapter:
 (no revisions)
Associated topic(s): Liberation, mokṣa, release, Meditation, japa

Show parallels  Show headlines
Use dependency labeler
Chapter id: 6184
  • Click on a sentence to show its analysis
  • Keep the mouse pointer over a lemma to show its meanings.
yudhiṣṭhira uvāca / (1.1) Par.?
cāturāśramyam uktaṃ te rājadharmāstathaiva ca / (1.2) Par.?
nānāśrayāśca bahava itihāsāḥ pṛthagvidhāḥ // (1.3) Par.?
śrutāstvattaḥ kathāścaiva dharmayuktā mahāmate / (2.1) Par.?
saṃdeho 'sti tu kaścinme tad bhavān vaktum arhati // (2.2) Par.?
jāpakānāṃ phalāvāptiṃ śrotum icchāmi bhārata / (3.1) Par.?
kiṃ phalaṃ japatām uktaṃ kva vā tiṣṭhanti jāpakāḥ // (3.2) Par.?
japasya ca vidhiṃ kṛtsnaṃ vaktum arhasi me 'nagha / (4.1) Par.?
jāpakā iti kiṃ caitat sāṃkhyayogakriyāvidhiḥ // (4.2) Par.?
kiṃ yajñavidhir evaiṣa kim etajjapyam ucyate / (5.1) Par.?
etanme sarvam ācakṣva sarvajño hyasi me mataḥ // (5.2) Par.?
bhīṣma uvāca / (6.1) Par.?
atrāpyudāharantīmam itihāsaṃ purātanam / (6.2) Par.?
yamasya yat purā vṛttaṃ kālasya brāhmaṇasya ca // (6.3) Par.?
saṃnyāsa eva vedānte vartate japanaṃ prati / (7.1) Par.?
vedavādābhinirvṛttā śāntir brahmaṇyavasthitau / (7.2) Par.?
mārgau tāvapyubhāvetau saṃśritau na ca saṃśritau // (7.3) Par.?
yathā saṃśrūyate rājan kāraṇaṃ cātra vakṣyate / (8.1) Par.?
manaḥsamādhir atrāpi tathendriyajayaḥ smṛtaḥ // (8.2) Par.?
satyam agniparīcāro viviktānāṃ ca sevanam / (9.1) Par.?
dhyānaṃ tapo damaḥ kṣāntir anasūyā mitāśanam // (9.2) Par.?
viṣayapratisaṃhāro mitajalpastathā śamaḥ / (10.1) Par.?
eṣa pravṛttako dharmo nivṛttakam atho śṛṇu // (10.2) Par.?
yathā nivartate karma japato brahmacāriṇaḥ / (11.1) Par.?
etat sarvam aśeṣeṇa yathoktaṃ parivarjayet / (11.2) Par.?
trividhaṃ mārgam āsādya vyaktāvyaktam anāśrayam // (11.3) Par.?
kuśoccayaniṣaṇṇaḥ san kuśahastaḥ kuśaiḥ śikhī / (12.1) Par.?
cīraiḥ parivṛtastasminmadhye channaḥ kuśaistathā // (12.2) Par.?
viṣayebhyo namaskuryād viṣayānna ca bhāvayet / (13.1) Par.?
sāmyam utpādya manaso manasyeva mano dadhat // (13.2) Par.?
tad dhiyā dhyāyati brahma japan vai saṃhitāṃ hitām / (14.1) Par.?
saṃnyasyatyatha vā tāṃ vai samādhau paryavasthitaḥ // (14.2) Par.?
dhyānam utpādayatyatra saṃhitābalasaṃśrayāt / (15.1) Par.?
śuddhātmā tapasā dānto nivṛttadveṣakāmavān // (15.2) Par.?
arāgamoho nirdvaṃdvo na śocati na sajjate / (16.1) Par.?
na kartākaraṇīyānāṃ na kāryāṇām iti sthitiḥ // (16.2) Par.?
na cāhaṃkārayogena manaḥ prasthāpayet kvacit / (17.1) Par.?
na cātmagrahaṇe yukto nāvamānī na cākriyaḥ // (17.2) Par.?
dhyānakriyāparo yukto dhyānavān dhyānaniścayaḥ / (18.1) Par.?
dhyāne samādhim utpādya tad api tyajati kramāt // (18.2) Par.?
sa vai tasyām avasthāyāṃ sarvatyāgakṛtaḥ sukhī / (19.1) Par.?
nirīhastyajati prāṇān brāhmīṃ saṃśrayate tanum // (19.2) Par.?
atha vā necchate tatra brahmakāyaniṣevaṇam / (20.1) Par.?
utkrāmati ca mārgastho naiva kvacana jāyate // (20.2) Par.?
ātmabuddhiṃ samāsthāya śāntībhūto nirāmayaḥ / (21.1) Par.?
amṛtaṃ virajaḥśuddham ātmānaṃ pratipadyate // (21.2) Par.?
Duration=0.087368011474609 secs.