Texts

vyāsa uvāca / (1.1) Par.?

sṛjate tu guṇān sattvaṃ kṣetrajñastvanutiṣṭhati / (1.2) Par.?

guṇān vikriyataḥ sarvān udāsīnavad īśvaraḥ // (1.3) Par.?

svabhāvayuktaṃ tat sarvaṃ yad imān sṛjate guṇān / (2.1) Par.?

ūrṇanābhir yathā sūtraṃ sṛjate tantuvad guṇān // (2.2) Par.?

pradhvastā na nivartante pravṛttir nopalabhyate / (3.1) Par.?

evam eke vyavasyanti nivṛttir iti cāpare // (3.2) Par.?

ubhayaṃ sampradhāryaitad adhyavasyed yathāmati / (4.1) Par.?

anenaiva vidhānena bhaved garbhaśayo mahān // (4.2) Par.?

anādinidhanaṃ nityam āsādya vicarennaraḥ / (5.1) Par.?

akrudhyan aprahṛṣyaṃśca nityaṃ vigatamatsaraḥ // (5.2) Par.?

ityevaṃ hṛdayagranthiṃ buddhicintāmayaṃ dṛḍham / (6.1) Par.?

atītya sukham āsīta aśocaṃś chinnasaṃśayaḥ // (6.2) Par.?

tapyeyuḥ pracyutāḥ pṛthvyā yathā pūrṇāṃ nadīṃ narāḥ / (7.1) Par.?

avagāḍhā hyavidvāṃso viddhi lokam imaṃ tathā // (7.2) Par.?

na tu tāmyati vai vidvān sthale carati tattvavit / (8.1) Par.?

evaṃ yo vindate ''tmānaṃ kevalaṃ jñānam ātmanaḥ // (8.2) Par.?

evaṃ buddhvā naraḥ sarvāṃ bhūtānām āgatiṃ gatim / (9.1) Par.?

samavekṣya śanaiḥ samyag labhate śamam uttamam // (9.2) Par.?

etad vai janmasāmarthyaṃ brāhmaṇasya viśeṣataḥ / (10.1) Par.?

ātmajñānaṃ śamaścaiva paryāptaṃ tatparāyaṇam // (10.2) Par.?

etad buddhvā bhaved buddhaḥ kim anyad buddhalakṣaṇam / (11.1) Par.?

vijñāyaitad vimucyante kṛtakṛtyā manīṣiṇaḥ // (11.2) Par.?

na bhavati viduṣāṃ mahad bhayaṃ yad aviduṣāṃ sumahad bhayaṃ bhavet / (12.1) Par.?

na hi gatir adhikāsti kasyacid bhavati hi yā viduṣaḥ sanātanī // (12.2) Par.?

lokamāturam asūyate janas tat tad eva ca nirīkṣya śocate / (13.1) Par.?

tatra paśya kuśalān aśocato ye vidustad ubhayaṃ kṛtākṛtam // (13.2) Par.?

yat karoty anabhisaṃdhipūrvakaṃ tacca nirṇudati yat purā kṛtam / (14.1) Par.?

na priyaṃ tad ubhayaṃ na cāpriyaṃ tasya tajjanayatīha kurvataḥ // (14.2) Par.?