Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 3872
  • Click on a sentence to show its analysis
  • Keep the mouse pointer over a lemma to show its meanings.
ṣaḍviṃśatiḥ sukarmārair ghaṭitāni yathāvidhi / (1.1) Par.?
śastrāṇi romavāhīni bāhulyenāṅgulāni ṣaṭ // (1.2) Par.?
surūpāṇi sudhārāṇi sugrahāṇi ca kārayet / (2.1) Par.?
akarālāni sudhmātasutīkṣṇāvartite 'yasi // (2.2) Par.?
samāhitamukhāgrāṇi nīlāmbhojacchavīni ca / (3.1) Par.?
nāmānugatarūpāṇi sadā saṃnihitāni ca // (3.2) Par.?
svonmānārdhacaturthāṃśaphalānyekaikaśo 'pi ca / (4.1) Par.?
prāyo dvitrāṇi yuñjīta tāni sthānaviśeṣataḥ // (4.2) Par.?
maṇḍalāgraṃ phale teṣāṃ tarjanyantarnakhākṛti / (5.1) Par.?
lekhane chedane yojyaṃ pothakīśuṇḍikādiṣu // (5.2) Par.?
vṛddhipattraṃ kṣurākāraṃ chedabhedanapāṭane / (6.1) Par.?
ṛjvagram unnate śophe gambhīre ca tad anyathā // (6.2) Par.?
natāgraṃ pṛṣṭhato dīrghahrasvavaktraṃ yathāśrayam / (7.1) Par.?
utpalādhyardhadhārākhye bhedane chedane tathā // (7.2) Par.?
sarpāsyaṃ ghrāṇakarṇārśaśchedane 'rdhāṅgulaṃ phale / (8.1) Par.?
gateranveṣaṇe ślakṣṇā gaṇḍūpadamukhaiṣaṇī // (8.2) Par.?
bhedanārthe 'parā sūcīmukhā mūlaniviṣṭakhā / (9.1) Par.?
vetasaṃ vyadhane srāvye śarāryāsyatrikūrcake // (9.2) Par.?
kuśāṭā vadane srāvye dvyaṅgulaṃ syāt tayoḥ phalam / (10.1) Par.?
tadvad antarmukhaṃ tasya phalam adhyardham aṅgulam // (10.2) Par.?
ardhacandrānanaṃ caitat tathādhyardhāṅgulaṃ phale / (11.1) Par.?
vrīhivaktraṃ prayojya ca tat sirodarayor vyadhe // (11.2) Par.?
pṛthuḥ kuṭhārī godantasadṛśārdhāṅgulānanā / (12.1) Par.?
tayordhvadaṇḍayā vidhyed uparyasthnāṃ sthitāṃ sirām // (12.2) Par.?
tāmrī śalākā dvimukhī mukhe kuruvakākṛtiḥ / (13.1) Par.?
liṅganāśaṃ tayā vidhyet kuryād aṅguliśastrakam // (13.2) Par.?
mudrikānirgatamukhaṃ phale tvardhāṅgulāyatam / (14.1) Par.?
yogato vṛddhipattreṇa maṇḍalāgreṇa vā samam // (14.2) Par.?
tat pradeśinyagraparvapramāṇārpaṇamudrikam / (15.1) Par.?
sūtrabaddhaṃ galasrotorogacchedanabhedane // (15.2) Par.?
grahaṇe śuṇḍikārmāder baḍiśaṃ sunatānanam / (16.1) Par.?
chede 'sthnāṃ karapattraṃ tu kharadhāraṃ daśāṅgulam // (16.2) Par.?
vistāre dvyaṅgulaṃ sūkṣmadantaṃ sutsarubandhanam / (17.1) Par.?
snāyusūtrakacachede kartarī kartarīnibhā // (17.2) Par.?
vakrarjudhāraṃ dvimukhaṃ nakhaśastraṃ navāṅgulam / (18.1) Par.?
sūkṣmaśalyoddhṛticchedabhedapracchānalekhane // (18.2) Par.?
ekadhāraṃ catuṣkoṇaṃ prabaddhākṛti caikataḥ / (19.1) Par.?
dantalekhanakaṃ tena śodhayed dantaśarkarām // (19.2) Par.?
vṛttā gūḍhadṛḍhāḥ pāśe tisraḥ sūcyo 'tra sīvane / (20.1) Par.?
māṃsalānāṃ pradeśānāṃ tryaśrā tryaṅgulam āyatā // (20.2) Par.?
alpamāṃsāsthisaṃdhisthavraṇānāṃ dvyaṅgulāyatā / (21.1) Par.?
vrīhivaktrā dhanurvakrā pakvāmāśayamarmasu // (21.2) Par.?
sā sārdhadvyaṅgulā sarvavṛttās tāścaturaṅgulāḥ / (22.1) Par.?
kūrco vṛttaikapīṭhasthāḥ saptāṣṭau vā subandhanāḥ // (22.2) Par.?
sa yojyo nīlikāvyaṅgakeśaśāteṣu kuṭṭane / (23.1) Par.?
ardhāṅgulamukhair vṛttairaṣṭābhiḥ kaṇṭakaiḥ khajaḥ // (23.2) Par.?
pāṇibhyāṃ mathyamānena ghrāṇāt tena hared asṛk / (24.1) Par.?
vyadhanaṃ karṇapālīnāṃ yūthikāmukulānanam // (24.2) Par.?
ārārdhāṅgulavṛttāsyā tatpraveśā tathordhvataḥ / (25.1) Par.?
caturaśrā tayā vidhyecchophaṃ pakvāmasaṃśaye // (25.2) Par.?
karṇapālīṃ ca bahalāṃ bahalāyāśca śasyate / (26.1) Par.?
sūcī tribhāgasuṣirā tryaṅgulā karṇavedhanī // (26.2) Par.?
jalaukaḥkṣāradahanakācopalanakhādayaḥ / (27.1) Par.?
alauhānyanuśastrāṇi tānyevaṃ ca vikalpayet // (27.2) Par.?
aparāṇyapi yantrādīnyupayogaṃ ca yaugikam / (28.1) Par.?
utpāṭyapāṭyasīvyaiṣyalekhyapracchānakuṭṭanam // (28.2) Par.?
chedyaṃ bhedyaṃ vyadho mantho graho dāhaśca tatkriyāḥ / (29.1) Par.?
kuṇṭhakhaṇḍatanusthūlahrasvadīrghatvavakratāḥ // (29.2) Par.?
śastrāṇāṃ kharadhāratvam aṣṭau doṣāḥ prakīrtitāḥ / (30.1) Par.?
chedabhedanalekhyārthaṃ śastraṃ vṛntaphalāntare // (30.2) Par.?
tarjanīmadhyamāṅguṣṭhair gṛhṇīyāt susamāhitaḥ / (31.1) Par.?
visrāvaṇāni vṛntāgre tarjanyaṅguṣṭhakena ca // (31.2) Par.?
talapracchannavṛntāgraṃ grāhyaṃ vrīhimukhaṃ mukhe / (32.1) Par.?
mūleṣvāharaṇārthāni kriyāsaukaryato 'param // (32.2) Par.?
syān navāṅgulavistāraḥ sughano dvādaśāṅgulaḥ / (33.1) Par.?
kṣaumapattrorṇakauśeyadukūlamṛducarmajaḥ // (33.2) Par.?
vinyastapāśaḥ susyūtaḥ sāntarorṇāsthaśastrakaḥ / (34.1) Par.?
śalākāpihitāsyaśca śastrakośaḥ susaṃcayaḥ // (34.2) Par.?
jalaukasas tu sukhināṃ raktasrāvāya yojayet / (35.1) Par.?
duṣṭāmbumatsyabhekāhiśavakothamalodbhavāḥ // (35.2) Par.?
raktāḥ śvetā bhṛśaṃ kṛṣṇāścapalāḥ sthūlapicchilāḥ / (36.1) Par.?
indrāyudhavicitrordhvarājayo romaśāśca tāḥ // (36.2) Par.?
saviṣā varjayet tābhiḥ kaṇḍūpākajvarabhramāḥ / (37.1) Par.?
viṣapittāsranut kāryaṃ tatra śuddhāmbujāḥ punaḥ // (37.2) Par.?
nirviṣāḥ śaivalaśyāvā vṛttā nīlordhvarājayaḥ / (38.1) Par.?
kaṣāyapṛṣṭhās tanvaṅgyaḥ kiṃcitpītodarāśca yāḥ // (38.2) Par.?
tā apyasamyagvamanāt pratataṃ ca nipātanāt / (39.1) Par.?
sīdantīḥ salilaṃ prāpya raktamattā iti tyajet // (39.2) Par.?
athetarā niśākalkayukte 'mbhasi pariplutāḥ / (40.1) Par.?
avantisome takre vā punaścāśvāsitā jale // (40.2) Par.?
lāgayed ghṛtamṛtstanyaraktaśastranipātanaiḥ / (41.1) Par.?
pibantīrunnataskandhāśchādayen mṛduvāsasā // (41.2) Par.?
saṃpṛktād duṣṭaśuddhāsrāj jalaukā duṣṭaśoṇitam / (42.1) Par.?
ādatte prathamaṃ haṃsaḥ kṣīraṃ kṣīrodakād iva // (42.2) Par.?
gulmārśovidradhīn kuṣṭhavātaraktagalāmayān / (43.1) Par.?
netrarugviṣavīsarpān śamayanti jalaukasaḥ // (43.2) Par.?
daṃśasya tode kaṇḍvāṃ vā mokṣayed vāmayecca tām / (44.1) Par.?
paṭutailāktavadanāṃ ślakṣṇakaṇḍanarūṣitām // (44.2) Par.?
rakṣan raktamadād bhūyaḥ saptāhaṃ tā na pātayet / (45.1) Par.?
pūrvavat paṭutā dārḍhyaṃ samyagvānte jalaukasām // (45.2) Par.?
klamo 'tiyogān mṛtyur vā durvānte stabdhatā madaḥ / (46.1) Par.?
anyatrānyatra tāḥ sthāpyā ghaṭe mṛtsnāmbugarbhiṇi // (46.2) Par.?
lālādikothanāśārthaṃ saviṣāḥ syus tadanvayāt / (47.1) Par.?
aśuddhau srāvayed daṃśān haridrāguḍamākṣikaiḥ // (47.2) Par.?
śatadhautājyapicavas tato lepāśca śītalāḥ / (48.1) Par.?
duṣṭaraktāpagamanāt sadyo rāgarujāṃ śamaḥ // (48.2) Par.?
aśuddhaṃ calitaṃ sthānāt sthitaṃ raktaṃ vraṇāśaye / (49.1) Par.?
vyamlībhavet paryuṣitaṃ tasmāt tat srāvayet punaḥ // (49.2) Par.?
yuñjyān nālābughaṭikā rakte pittena dūṣite / (50.1) Par.?
tāsām analasaṃyogād yuñjyāt tu kaphavāyunā // (50.2) Par.?
kaphena duṣṭaṃ rudhiraṃ na śṛṅgeṇa vinirharet / (51.1) Par.?
skannatvād vātapittābhyāṃ duṣṭaṃ śṛṅgeṇa nirharet // (51.2) Par.?
gātraṃ baddhvopari dṛḍhaṃ rajjvā paṭṭena vā samam / (52.1) Par.?
snāyusaṃdhyasthimarmāṇi tyajan pracchānam ācaret // (52.2) Par.?
adhodeśa pravisṛtaiḥ padairuparigāmibhiḥ / (53.1) Par.?
na gāḍhaghanatiryagbhir na pade padam ācaran // (53.2) Par.?
pracchānenaikadeśasthaṃ grathitaṃ jalajanmabhiḥ / (54.1) Par.?
harecchṛṅgādibhiḥ suptam asṛg vyāpi sirāvyadhaiḥ // (54.2) Par.?
pracchānaṃ piṇḍite vā syād avagāḍhe jalaukasaḥ / (55.1) Par.?
tvaksthe 'lābughaṭīśṛṅgaṃ siraiva vyāpake 'sṛji // (55.2) Par.?
vātādidhāma vā śṛṅgajalauko'lābubhiḥ kramāt / (56.1) Par.?
srutāsṛjaḥ pradehādyaiḥ śītaiḥ syād vāyukopataḥ // (56.2) Par.?
satodakaṇḍuḥ śophas taṃ sarpiṣoṣṇena secayet // (57.1) Par.?
Duration=0.24490308761597 secs.