UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 6221
- Click on a sentence to show its analysis
- Keep the mouse pointer over a lemma to show its meanings.
vyāsa uvāca / (1.1)
Par.?
trayīvidyām avekṣeta vedeṣūktām athāṅgataḥ / (1.2)
Par.?
ṛksāmavarṇākṣarato yajuṣo 'tharvaṇastathā // (1.3)
Par.?
vedavādeṣu kuśalā hyadhyātmakuśalāśca ye / (2.1)
Par.?
sattvavanto mahābhāgāḥ paśyanti prabhavāpyayau // (2.2)
Par.?
evaṃ dharmeṇa varteta kriyāḥ śiṣṭavad ācaret / (3.1)
Par.?
asaṃrodhena bhūtānāṃ vṛttiṃ lipseta vai dvijaḥ // (3.2)
Par.?
sadbhya āgatavijñānaḥ śiṣṭaḥ śāstravicakṣaṇaḥ / (4.1)
Par.?
svadharmeṇa kriyā loke kurvāṇaḥ satyasaṃgaraḥ // (4.2)
Par.?
tiṣṭhatyeteṣu gṛhavān ṣaṭsu karmasu sa dvijaḥ / (5.1)
Par.?
pañcabhiḥ satataṃ yajñaiḥ śraddadhāno yajeta ca // (5.2)
Par.?
dhṛtimān apramattaśca dānto dharmavid ātmavān / (6.1)
Par.?
vītaharṣabhayakrodho brāhmaṇo nāvasīdati // (6.2)
Par.?
dānam adhyayanaṃ yajñastapo hrīr ārjavaṃ damaḥ / (7.1)
Par.?
etair vardhayate tejaḥ pāpmānaṃ cāpakarṣati // (7.2)
Par.?
dhūtapāpmā tu medhāvī laghvāhāro jitendriyaḥ / (8.1)
Par.?
kāmakrodhau vaśe kṛtvā ninīṣed brahmaṇaḥ padam // (8.2)
Par.?
agnīṃśca brāhmaṇāṃścārced devatāḥ praṇameta ca / (9.1)
Par.?
varjayed ruṣatīṃ vācaṃ hiṃsāṃ cādharmasaṃhitām // (9.2)
Par.?
eṣā pūrvatarā vṛttir brāhmaṇasya vidhīyate / (10.1)
Par.?
jñānāgamena karmāṇi kurvan karmasu sidhyati // (10.2)
Par.?
pañcendriyajalāṃ ghorāṃ lobhakūlāṃ sudustarām / (11.1)
Par.?
manyupaṅkām anādhṛṣyāṃ nadīṃ tarati buddhimān // (11.2)
Par.?
kāmamanyūddhataṃ yat syānnityam atyantamohitam / (12.1)
Par.?
mahatā vidhidṛṣṭena balenāpratighātinā / (12.2)
Par.?
svabhāvasrotasā vṛttam uhyate satataṃ jagat // (12.3)
Par.?
kālodakena mahatā varṣāvartena saṃtatam / (13.1)
Par.?
māsormiṇartuvegena pakṣolapatṛṇena ca // (13.2)
Par.?
nimeṣonmeṣaphenena ahorātrajavena ca / (14.1)
Par.?
kāmagrāheṇa ghoreṇa vedayajñaplavena ca // (14.2)
Par.?
dharmadvīpena bhūtānāṃ cārthakāmaraveṇa ca / (15.1)
Par.?
ṛtasopānatīreṇa vihiṃsātaruvāhinā // (15.2)
Par.?
yugahradaughamadhyena brahmaprāyabhavena ca / (16.1)
Par.?
dhātrā sṛṣṭāni bhūtāni kṛṣyante yamasādanam // (16.2)
Par.?
etat prajñāmayair dhīrā nistaranti manīṣiṇaḥ / (17.1)
Par.?
plavair aplavavanto hi kiṃ kariṣyantyacetasaḥ // (17.2)
Par.?
upapannaṃ hi yat prājño nistarennetaro janaḥ / (18.1)
Par.?
dūrato guṇadoṣau hi prājñaḥ sarvatra paśyati // (18.2)
Par.?
saṃśayātmā sa kāmātmā calacitto 'lpacetanaḥ / (19.1)
Par.?
aprājño na taratyeva yo hyāste na sa gacchati // (19.2)
Par.?
aplavo hi mahādoṣam uhyamāno 'dhigacchati / (20.1)
Par.?
kāmagrāhagṛhītasya jñānam apyasya na plavaḥ // (20.2)
Par.?
tasmād unmajjanasyārthe prayateta vicakṣaṇaḥ / (21.1)
Par.?
etad unmajjanaṃ tasya yad ayaṃ brāhmaṇo bhavet // (21.2)
Par.?
tryavadāte kule jātastrisaṃdehastrikarmakṛt / (22.1)
Par.?
tasmād unmajjanastiṣṭhennistaret prajñayā yathā // (22.2) Par.?
saṃskṛtasya hi dāntasya niyatasya kṛtātmanaḥ / (23.1)
Par.?
prājñasyānantarā siddhir iha loke paratra ca // (23.2)
Par.?
vartate teṣu gṛhavān akrudhyann anasūyakaḥ / (24.1)
Par.?
pañcabhiḥ satataṃ yajñair vighasāśī yajeta ca // (24.2)
Par.?
satāṃ vṛttena varteta kriyāḥ śiṣṭavad ācaret / (25.1)
Par.?
asaṃrodhena dharmasya vṛttiṃ lipsed agarhitām // (25.2)
Par.?
śrutivijñānatattvajñaḥ śiṣṭācāro vicakṣaṇaḥ / (26.1)
Par.?
svadharmeṇa kriyāvāṃśca karmaṇā so 'pyasaṃkaraḥ // (26.2)
Par.?
kriyāvāñ śraddadhānaśca dātā prājño 'nasūyakaḥ / (27.1)
Par.?
dharmādharmaviśeṣajñaḥ sarvaṃ tarati dustaram // (27.2)
Par.?
dhṛtimān apramattaśca dānto dharmavid ātmavān / (28.1)
Par.?
vītaharṣabhayakrodho brāhmaṇo nāvasīdati // (28.2)
Par.?
eṣā pūrvatarā vṛttir brāhmaṇasya vidhīyate / (29.1)
Par.?
jñānavittvena karmāṇi kurvan sarvatra sidhyati // (29.2)
Par.?
adharmaṃ dharmakāmo hi karotīhāvicakṣaṇaḥ / (30.1)
Par.?
dharmaṃ cādharmasaṃkāśaṃ śocann iva karoti saḥ // (30.2)
Par.?
dharmaṃ karomīti karotyadharmam adharmakāmaśca karoti dharmam / (31.1)
Par.?
ubhe bālaḥ karmaṇī na prajānan sa jāyate mriyate cāpi dehī // (31.2)
Par.?
Duration=0.14246892929077 secs.