Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 6222
  • Click on a sentence to show its analysis
  • Keep the mouse pointer over a lemma to show its meanings.
vyāsa uvāca / (1.1) Par.?
atha ced rocayed etad druhyeta manasā tathā / (1.2) Par.?
unmajjaṃśca nimajjaṃśca jñānavān plavavān bhavet // (1.3) Par.?
prajñayā nirmitair dhīrāstārayantyabudhān plavaiḥ / (2.1) Par.?
nābudhāstārayantyanyān ātmānaṃ vā kathaṃcana // (2.2) Par.?
chinnadoṣo munir yogān yukto yuñjīta dvādaśa / (3.1) Par.?
daśakarmasukhān arthān upāyāpāyanirbhayaḥ // (3.2) Par.?
cakṣur ācāravit prājño manasā darśanena ca / (4.1) Par.?
yacched vāṅmanasī buddhyā ya icchejjñānam uttamam / (4.2) Par.?
jñānena yacched ātmānaṃ ya icchecchāntim ātmanaḥ // (4.3) Par.?
eteṣāṃ ced anudraṣṭā puruṣo 'pi sudāruṇaḥ / (5.1) Par.?
yadi vā sarvavedajño yadi vāpyanṛco 'japaḥ // (5.2) Par.?
yadi vā dhārmiko yajvā yadi vā pāpakṛttamaḥ / (6.1) Par.?
yadi vā puruṣavyāghro yadi vā klaibyadhāritā // (6.2) Par.?
taratyeva mahādurgaṃ jarāmaraṇasāgaram / (7.1) Par.?
evaṃ hyetena yogena yuñjāno 'pyekam antataḥ / (7.2) Par.?
api jijñāsamāno hi śabdabrahmātivartate // (7.3) Par.?
dharmopastho hrīvarūtha upāyāpāyakūbaraḥ / (8.1) Par.?
apānākṣaḥ prāṇayugaḥ prajñāyur jīvabandhanaḥ // (8.2) Par.?
cetanābandhuraścārur ācāragrahanemivān / (9.1) Par.?
darśanasparśanavaho ghrāṇaśravaṇavāhanaḥ // (9.2) Par.?
prajñānābhiḥ sarvatantrapratodo jñānasārathiḥ / (10.1) Par.?
kṣetrajñādhiṣṭhito dhīraḥ śraddhādamapuraḥsaraḥ // (10.2) Par.?
tyāgavartmānugaḥ kṣemyaḥ śaucago dhyānagocaraḥ / (11.1) Par.?
jīvayukto ratho divyo brahmaloke virājate // (11.2) Par.?
atha saṃtvaramāṇasya ratham etaṃ yuyukṣataḥ / (12.1) Par.?
akṣaraṃ gantumanaso vidhiṃ vakṣyāmi śīghragam // (12.2) Par.?
sapta yo dhāraṇāḥ kṛtsnā vāgyataḥ pratipadyate / (13.1) Par.?
pṛṣṭhataḥ pārśvataścānyā yāvatyastāḥ pradhāraṇāḥ // (13.2) Par.?
kramaśaḥ pārthivaṃ yacca vāyavyaṃ khaṃ tathā payaḥ / (14.1) Par.?
jyotiṣo yat tad aiśvaryam ahaṃkārasya buddhitaḥ // (14.2) Par.?
avyaktasya tathaiśvaryaṃ kramaśaḥ pratipadyate / (15.1) Par.?
vikramāścāpi yasyaite tathā yuṅkte sa yogataḥ // (15.2) Par.?
athāsya yogayuktasya siddhim ātmani paśyataḥ / (16.1) Par.?
nirmathyamānaḥ sūkṣmatvād rūpāṇīmāni darśayet // (16.2) Par.?
śaiśirastu yathā dhūmaḥ sūkṣmaḥ saṃśrayate nabhaḥ / (17.1) Par.?
tathā dehād vimuktasya pūrvarūpaṃ bhavatyuta // (17.2) Par.?
atha dhūmasya virame dvitīyaṃ rūpadarśanam / (18.1) Par.?
jalarūpam ivākāśe tatraivātmani paśyati // (18.2) Par.?
apāṃ vyatikrame cāpi vahnirūpaṃ prakāśate / (19.1) Par.?
tasminn uparate cāsya pītavastravad iṣyate / (19.2) Par.?
ūrṇārūpasavarṇaṃ ca tasya rūpaṃ prakāśate // (19.3) Par.?
atha śvetāṃ gatiṃ gatvā vāyavyaṃ sūkṣmam apyajaḥ / (20.1) Par.?
aśuklaṃ cetasaḥ saukṣmyam avyaktaṃ brahmaṇo 'sya vai // (20.2) Par.?
eteṣvapi hi jāteṣu phalajātāni me śṛṇu / (21.1) Par.?
jātasya pārthivaiśvarye sṛṣṭir iṣṭā vidhīyate // (21.2) Par.?
prajāpatir ivākṣobhyaḥ śarīrāt sṛjati prajāḥ / (22.1) Par.?
aṅgulyaṅguṣṭhamātreṇa hastapādena vā tathā // (22.2) Par.?
pṛthivīṃ kampayatyeko guṇo vāyor iti smṛtaḥ / (23.1) Par.?
ākāśabhūtaścākāśe savarṇatvāt praṇaśyati // (23.2) Par.?
varṇato gṛhyate cāpi kāmāt pibati cāśayān / (24.1) Par.?
na cāsya tejasā rūpaṃ dṛśyate śāmyate tathā // (24.2) Par.?
ahaṃkārasya vijiteḥ pañcaite syur vaśānugāḥ / (25.1) Par.?
ṣaṇṇām ātmani buddhau ca jitāyāṃ prabhavatyatha // (25.2) Par.?
nirdoṣā pratibhā hyenaṃ kṛtsnā samabhivartate / (26.1) Par.?
tathaiva vyaktam ātmānam avyaktaṃ pratipadyate // (26.2) Par.?
yato niḥsarate loko bhavati vyaktasaṃjñakaḥ / (27.1) Par.?
tatrāvyaktamayīṃ vyākhyāṃ śṛṇu tvaṃ vistareṇa me / (27.2) Par.?
tathā vyaktamayīṃ caiva saṃkhyāṃ pūrvaṃ nibodha me // (27.3) Par.?
pañcaviṃśatitattvāni tulyānyubhayataḥ samam / (28.1) Par.?
yoge sāṃkhye 'pi ca tathā viśeṣāṃstatra me śṛṇu // (28.2) Par.?
proktaṃ tad vyaktam ityeva jāyate vardhate ca yat / (29.1) Par.?
jīryate mriyate caiva caturbhir lakṣaṇair yutam // (29.2) Par.?
viparītam ato yat tu tad avyaktam udāhṛtam / (30.1) Par.?
dvāvātmānau ca vedeṣu siddhānteṣvapyudāhṛtau // (30.2) Par.?
caturlakṣaṇajaṃ tvanyaṃ caturvargaṃ pracakṣate / (31.1) Par.?
vyaktam avyaktajaṃ caiva tathā buddham athetarat / (31.2) Par.?
sattvaṃ kṣetrajña ityetad dvayam apyanudarśitam // (31.3) Par.?
dvāvātmānau ca vedeṣu viṣayeṣu ca rajyataḥ / (32.1) Par.?
viṣayāt pratisaṃhāraḥ sāṃkhyānāṃ siddhilakṣaṇam // (32.2) Par.?
nirmamaścānahaṃkāro nirdvaṃdvaśchinnasaṃśayaḥ / (33.1) Par.?
naiva krudhyati na dveṣṭi nānṛtā bhāṣate giraḥ // (33.2) Par.?
ākruṣṭastāḍitaścaiva maitreṇa dhyāti nāśubham / (34.1) Par.?
vāgdaṇḍakarmamanasāṃ trayāṇāṃ ca nivartakaḥ // (34.2) Par.?
samaḥ sarveṣu bhūteṣu brahmāṇam abhivartate / (35.1) Par.?
naivecchati na cāniccho yātrāmātravyavasthitaḥ // (35.2) Par.?
alolupo 'vyatho dānto na kṛtī na nirākṛtiḥ / (36.1) Par.?
nāsyendriyam anekāgraṃ nātikṣiptamanorathaḥ / (36.2) Par.?
ahiṃsraḥ sarvabhūtānām īdṛk sāṃkhyo vimucyate // (36.3) Par.?
atha yogād vimucyante kāraṇair yair nibodha me / (37.1) Par.?
yogaiśvaryam atikrānto yo 'tikrāmati mucyate // (37.2) Par.?
ityeṣā bhāvajā buddhiḥ kathitā te na saṃśayaḥ / (38.1) Par.?
evaṃ bhavati nirdvaṃdvo brahmāṇaṃ cādhigacchati // (38.2) Par.?
Duration=0.1414041519165 secs.