Texts

śuka uvāca / (1.1) Par.?

yad idaṃ vedavacanaṃ kuru karma tyajeti ca / (1.2) Par.?

kāṃ diśaṃ vidyayā yānti kāṃ ca gacchanti karmaṇā // (1.3) Par.?

etad vai śrotum icchāmi tad bhavān prabravītu me / (2.1) Par.?

etat tvanyonyavairūpye vartate pratikūlataḥ // (2.2) Par.?

bhīṣma uvāca / (3.1) Par.?

ityuktaḥ pratyuvācedaṃ parāśarasutaḥ sutam / (3.2) Par.?

karmavidyāmayāvetau vyākhyāsyāmi kṣarākṣarau // (3.3) Par.?

yāṃ diśaṃ vidyayā yānti yāṃ ca gacchanti karmaṇā / (4.1) Par.?

śṛṇuṣvaikamanāḥ putra gahvaraṃ hyetad antaram // (4.2) Par.?

asti dharma iti proktaṃ nāstītyatraiva yo vadet / (5.1) Par.?

tasya pakṣasya sadṛśam idaṃ mama bhaved atha // (5.2) Par.?

dvāvimāvatha panthānau yatra vedāḥ pratiṣṭhitāḥ / (6.1) Par.?

pravṛttilakṣaṇo dharmo nivṛttau ca subhāṣitaḥ // (6.2) Par.?

karmaṇā badhyate jantur vidyayā tu pramucyate / (7.1) Par.?

tasmāt karma na kurvanti yatayaḥ pāradarśinaḥ // (7.2) Par.?

karmaṇā jāyate pretya mūrtimān ṣoḍaśātmakaḥ / (8.1) Par.?

vidyayā jāyate nityam avyayo hyavyayātmakaḥ // (8.2) Par.?

karma tveke praśaṃsanti svalpabuddhitarā narāḥ / (9.1) Par.?

tena te dehajālāni ramayanta upāsate // (9.2) Par.?

ye tu buddhiṃ parāṃ prāptā dharmanaipuṇyadarśinaḥ / (10.1) Par.?

na te karma praśaṃsanti kūpaṃ nadyāṃ pibann iva // (10.2) Par.?

karmaṇaḥ phalam āpnoti sukhaduḥkhe bhavābhavau / (11.1) Par.?

vidyayā tad avāpnoti yatra gatvā na śocati // (11.2) Par.?

yatra gatvā na mriyate yatra gatvā na jāyate / (12.1) Par.?

na jīryate yatra gatvā yatra gatvā na vardhate // (12.2) Par.?

yatra tad brahma paramam avyaktam ajaraṃ dhruvam / (13.1) Par.?

avyāhatam anāyāsam amṛtaṃ cāviyogi ca // (13.2) Par.?

dvaṃdvair yatra na bādhyante mānasena ca karmaṇā / (14.1) Par.?

samāḥ sarvatra maitrāśca sarvabhūtahite ratāḥ // (14.2) Par.?

vidyāmayo 'nyaḥ puruṣastāta karmamayo 'paraḥ / (15.1) Par.?

viddhi candramasaṃ darśe sūkṣmayā kalayā sthitam // (15.2) Par.?

tad etad ṛṣiṇā proktaṃ vistareṇānumīyate / (16.1) Par.?

navajaṃ śaśinaṃ dṛṣṭvā vakraṃ tantum ivāmbare // (16.2) Par.?

ekādaśavikārātmā kalāsaṃbhārasaṃbhṛtaḥ / (17.1) Par.?

mūrtimān iti taṃ viddhi tāta karmaguṇātmakam // (17.2) Par.?

devo yaḥ saṃśritastasminn abbindur iva puṣkare / (18.1) Par.?

kṣetrajñaṃ taṃ vijānīyānnityaṃ tyāgajitātmakam // (18.2) Par.?

tamo rajaśca sattvaṃ ca viddhi jīvaguṇān imān / (19.1) Par.?

jīvam ātmaguṇaṃ vidyād ātmānaṃ paramātmanaḥ // (19.2) Par.?

sacetanaṃ jīvaguṇaṃ vadanti sa ceṣṭate ceṣṭayate ca sarvam / (20.1) Par.?

tataḥ paraṃ kṣetravido vadanti prāvartayad yo bhuvanāni sapta // (20.2) Par.?