Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 6268

Click on a sentence to show its analysis
Keep the mouse pointer over a lemma to show its meanings.

yudhiṣṭhira uvāca / (1.1) Par.?

pitāmaha mahāprājña sarvaśāstraviśārada / (1.2) Par.?

asti vṛtravadhād eva vivakṣā mama jāyate // (1.3) Par.?

jvareṇa mohito vṛtraḥ kathitaste janādhipa / (2.1) Par.?

nihato vāsaveneha vajreṇeti mamānagha // (2.2) Par.?

katham eṣa mahāprājña jvaraḥ prādurabhūt kutaḥ / (3.1) Par.?

jvarotpattiṃ nipuṇataḥ śrotum icchāmyahaṃ prabho // (3.2) Par.?

bhīṣma uvāca / (4.1) Par.?

śṛṇu rājañ jvarasyeha saṃbhavaṃ lokaviśrutam / (4.2) Par.?

vistaraṃ cāsya vakṣyāmi yādṛśaṃ caiva bhārata // (4.3) Par.?

purā meror mahārāja śṛṅgaṃ trailokyaviśrutam / (5.1) Par.?

jyotiṣkaṃ nāma sāvitraṃ sarvaratnavibhūṣitam / (5.2) Par.?

aprameyam anādhṛṣyaṃ sarvalokeṣu bhārata // (5.3) Par.?

tatra devo giritaṭe hemadhātuvibhūṣite / (6.1) Par.?

paryaṅka iva vibhrājann upaviṣṭo babhūva ha // (6.2) Par.?

śailarājasutā cāsya nityaṃ pārśve sthitā babhau / (7.1) Par.?

tathā devā mahātmāno vasavaśca mahaujasaḥ // (7.2) Par.?

tathaiva ca mahātmānāvaśvinau bhiṣajāṃ varau / (8.1) Par.?

tathā vaiśravaṇo rājā guhyakair abhisaṃvṛtaḥ // (8.2) Par.?

yakṣāṇām adhipaḥ śrīmān kailāsanilayaḥ prabhuḥ / (9.1) Par.?

aṅgiraḥpramukhāścaiva tathā devarṣayo 'pare // (9.2) Par.?

viśvāvasuśca gandharvastathā nāradaparvatau / (10.1) Par.?

apsarogaṇasaṃghāśca samājagmur anekaśaḥ // (10.2) Par.?

vavau śivaḥ sukho vāyur nānāgandhavahaḥ śuciḥ / (11.1) Par.?

sarvartukusumopetāḥ puṣpavanto mahādrumāḥ // (11.2) Par.?

tathā vidyādharāścaiva siddhāścaiva tapodhanāḥ / (12.1) Par.?

mahādevaṃ paśupatiṃ paryupāsanta bhārata // (12.2) Par.?

bhūtāni ca mahārāja nānārūpadharāṇyatha / (13.1) Par.?

rākṣasāśca mahāraudrāḥ piśācāśca mahābalāḥ // (13.2) Par.?

bahurūpadharā hṛṣṭā nānāpraharaṇodyatāḥ / (14.1) Par.?

devasyānucarāstatra tasthire cānalopamāḥ // (14.2) Par.?

nandī ca bhagavāṃstatra devasyānumate sthitaḥ / (15.1) Par.?

pragṛhya jvalitaṃ śūlaṃ dīpyamānaṃ svatejasā // (15.2) Par.?

gaṅgā ca saritāṃ śreṣṭhā sarvatīrthajalodbhavā / (16.1) Par.?

paryupāsata taṃ devaṃ rūpiṇī kurunandana // (16.2) Par.?

evaṃ sa bhagavāṃstatra pūjyamānaḥ surarṣibhiḥ / (17.1) Par.?

devaiśca sumahābhāgair mahādevo vyatiṣṭhata // (17.2) Par.?

kasyacit tvatha kālasya dakṣo nāma prajāpatiḥ / (18.1) Par.?

pūrvoktena vidhānena yakṣyamāṇo 'nvapadyata // (18.2) Par.?

tatastasya makhaṃ devāḥ sarve śakrapurogamāḥ / (19.1) Par.?

gamanāya samāgamya buddhim āpedire tadā // (19.2) Par.?

te vimānair mahātmāno jvalitair jvalanaprabhāḥ / (20.1) Par.?

devasyānumate 'gacchan gaṅgādvāram iti śrutiḥ // (20.2) Par.?

prasthitā devatā dṛṣṭvā śailarājasutā tadā / (21.1) Par.?

uvāca vacanaṃ sādhvī devaṃ paśupatiṃ patim // (21.2) Par.?

bhagavan kva nu yāntyete devāḥ śakrapurogamāḥ / (22.1) Par.?

brūhi tattvena tattvajña saṃśayo me mahān ayam // (22.2) Par.?

maheśvara uvāca / (23.1) Par.?

dakṣo nāma mahābhāge prajānāṃ patir uttamaḥ / (23.2) Par.?

hayamedhena yajate tatra yānti divaukasaḥ // (23.3) Par.?

umā uvāca / (24.1) Par.?

yajñam etaṃ mahābhāga kimarthaṃ nābhigacchasi / (24.2) Par.?

kena vā pratiṣedhena gamanaṃ te na vidyate // (24.3) Par.?

maheśvara uvāca / (25.1) Par.?

surair eva mahābhāge sarvam etad anuṣṭhitam / (25.2) Par.?

yajñeṣu sarveṣu mama na bhāga upakalpitaḥ // (25.3) Par.?

pūrvopāyopapannena mārgeṇa varavarṇini / (26.1) Par.?

na me surāḥ prayacchanti bhāgaṃ yajñasya dharmataḥ // (26.2) Par.?

umā uvāca / (27.1) Par.?

bhagavan sarvabhūteṣu prabhavābhyadhiko guṇaiḥ / (27.2) Par.?

ajeyaścāpradhṛṣyaśca tejasā yaśasā śriyā // (27.3) Par.?

anena te mahābhāga pratiṣedhena bhāgataḥ / (28.1) Par.?

atīva duḥkham utpannaṃ vepathuśca mamānagha // (28.2) Par.?

bhīṣma uvāca / (29.1) Par.?

evam uktvā tu sā devī devaṃ paśupatiṃ patim / (29.2) Par.?

tūṣṇīṃbhūtābhavad rājan dahyamānena cetasā // (29.3) Par.?

atha devyā mataṃ jñātvā hṛdgataṃ yaccikīrṣitam / (30.1) Par.?

sa samājñāpayāmāsa tiṣṭha tvam iti nandinam // (30.2) Par.?

tato yogabalaṃ kṛtvā sarvayogeśvareśvaraḥ / (31.1) Par.?

taṃ yajñaṃ sumahātejā bhīmair anucaraistadā / (31.2) Par.?

sahasā ghātayāmāsa devadevaḥ pinākadhṛk // (31.3) Par.?

kecinnādān amuñcanta keciddhāsāṃśca cakrire / (32.1) Par.?

rudhireṇāpare rājaṃstatrāgniṃ samavākiran // (32.2) Par.?

kecid yūpān samutpāṭya babhramur vikṛtānanāḥ / (33.1) Par.?

āsyair anye cāgrasanta tathaiva paricārakān // (33.2) Par.?

tataḥ sa yajño nṛpate vadhyamānaḥ samantataḥ / (34.1) Par.?

āsthāya mṛgarūpaṃ vai kham evābhyapatat tadā // (34.2) Par.?

taṃ tu yajñaṃ tathārūpaṃ gacchantam upalabhya saḥ / (35.1) Par.?

dhanur ādāya bāṇaṃ ca tadānvasarata prabhuḥ // (35.2) Par.?

tatastasya sureśasya krodhād amitatejasaḥ / (36.1) Par.?

lalāṭāt prasṛto ghoraḥ svedabindur babhūva ha // (36.2) Par.?

tasmin patitamātre tu svedabindau tathā bhuvi / (37.1) Par.?

prādurbabhūva sumahān agniḥ kālānalopamaḥ // (37.2) Par.?

tatra cājāyata tadā puruṣaḥ puruṣarṣabha / (38.1) Par.?

hrasvo 'timātraraktākṣo hariśmaśrur vibhīṣaṇaḥ // (38.2) Par.?

ūrdhvakeśo 'tilomāṅgaḥ śyenolūkastathaiva ca / (39.1) Par.?

karālaḥ kṛṣṇavarṇaśca raktavāsāstathaiva ca // (39.2) Par.?

taṃ yajñaṃ sa mahāsattvo 'dahat kakṣam ivānalaḥ / (40.1) Par.?

devāścāpyadravan sarve tato bhītā diśo daśa // (40.2) Par.?

tena tasmin vicaratā puruṣeṇa viśāṃ pate / (41.1) Par.?

pṛthivī vyacalad rājann atīva bharatarṣabha // (41.2) Par.?

hāhābhūte pravṛtte tu nāde lokabhayaṃkare / (42.1) Par.?

pitāmaho mahādevaṃ darśayan pratyabhāṣata // (42.2) Par.?

bhavato 'pi surāḥ sarve bhāgaṃ dāsyanti vai prabho / (43.1) Par.?

kriyatāṃ pratisaṃhāraḥ sarvadeveśvara tvayā // (43.2) Par.?

imā hi devatāḥ sarvā ṛṣayaśca paraṃtapa / (44.1) Par.?

tava krodhānmahādeva na śāntim upalebhire // (44.2) Par.?

yaścaiṣa puruṣo jātaḥ svedāt te vibudhottama / (45.1) Par.?

jvaro nāmaiṣa dharmajña lokeṣu pracariṣyati // (45.2) Par.?

ekībhūtasya na hyasya dhāraṇe tejasaḥ prabho / (46.1) Par.?

samarthā sakalā pṛthvī bahudhā sṛjyatām ayam // (46.2) Par.?

ityukto brahmaṇā devo bhāge cāpi prakalpite / (47.1) Par.?

bhagavantaṃ tathetyāha brahmāṇam amitaujasam // (47.2) Par.?

parāṃ ca prītim agamad utsmayaṃśca pinākadhṛk / (48.1) Par.?

avāpa ca tadā bhāgaṃ yathoktaṃ brahmaṇā bhavaḥ // (48.2) Par.?

jvaraṃ ca sarvadharmajño bahudhā vyasṛjat tadā / (49.1) Par.?

śāntyarthaṃ sarvabhūtānāṃ śṛṇu taccāpi putraka // (49.2) Par.?

śīrṣābhitāpo nāgānāṃ parvatānāṃ śilājatuḥ / (50.1) Par.?

apāṃ tu nīlikāṃ vidyānnirmokaṃ bhujageṣu ca // (50.2) Par.?

khorakaḥ saurabheyāṇām ūṣaraṃ pṛthivītale / (51.1) Par.?

paśūnām api dharmajña dṛṣṭipratyavarodhanam // (51.2) Par.?

randhrāgatam athāśvānāṃ śikhodbhedaśca barhiṇām / (52.1) Par.?

netrarogaḥ kokilānāṃ jvaraḥ prokto mahātmanā // (52.2) Par.?

abjānāṃ pittabhedaśca sarveṣām iti naḥ śrutam / (53.1) Par.?

śukānām api sarveṣāṃ hikkikā procyate jvaraḥ // (53.2) Par.?

śārdūleṣvatha dharmajña śramo jvara ihocyate / (54.1) Par.?

mānuṣeṣu tu dharmajña jvaro nāmaiṣa viśrutaḥ / (54.2) Par.?

maraṇe janmani tathā madhye cāviśate naram // (54.3) Par.?

etanmāheśvaraṃ tejo jvaro nāma sudāruṇaḥ / (55.1) Par.?

namasyaścaiva mānyaśca sarvaprāṇibhir īśvaraḥ // (55.2) Par.?

anena hi samāviṣṭo vṛtro dharmabhṛtāṃ varaḥ / (56.1) Par.?

vyajṛmbhata tataḥ śakrastasmai vajram avāsṛjat // (56.2) Par.?

praviśya vajro vṛtraṃ tu dārayāmāsa bhārata / (57.1) Par.?

dāritaśca sa vajreṇa mahāyogī mahāsuraḥ / (57.2) Par.?

jagāma paramaṃ sthānaṃ viṣṇor amitatejasaḥ // (57.3) Par.?

viṣṇubhaktyā hi tenedaṃ jagad vyāptam abhūt purā / (58.1) Par.?

tasmācca nihato yuddhe viṣṇoḥ sthānam avāptavān // (58.2) Par.?

ityeṣa vṛtram āśritya jvarasya mahato mayā / (59.1) Par.?

vistaraḥ kathitaḥ putra kim anyat prabravīmi te // (59.2) Par.?

imāṃ jvarotpattim adīnamānasaḥ paṭhet sadā yaḥ susamāhito naraḥ / (60.1) Par.?

vimuktarogaḥ sa sukhī mudā yuto labheta kāmān sa yathāmanīṣitān // (60.2) Par.?

Duration=0.85584712028503 secs.