Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 6302

Click on a sentence to show its analysis
Keep the mouse pointer over a lemma to show its meanings.

yudhiṣṭhira uvāca / (1.1) Par.?

aparityajya gārhasthyaṃ kururājarṣisattama / (1.2) Par.?

kaḥ prāpto vinayaṃ buddhyā mokṣatattvaṃ vadasva me // (1.3) Par.?

saṃnyasyate yathātmāyaṃ saṃnyastātmā yathā ca yaḥ / (2.1) Par.?

paraṃ mokṣasya yaccāpi tanme brūhi pitāmaha // (2.2) Par.?

bhīṣma uvāca / (3.1) Par.?

atrāpyudāharantīmam itihāsaṃ purātanam / (3.2) Par.?

janakasya ca saṃvādaṃ sulabhāyāśca bhārata // (3.3) Par.?

saṃnyāsaphalikaḥ kaścid babhūva nṛpatiḥ purā / (4.1) Par.?

maithilo janako nāma dharmadhvaja iti śrutaḥ // (4.2) Par.?

sa vede mokṣaśāstre ca sve ca śāstre kṛtāgamaḥ / (5.1) Par.?

indriyāṇi samādhāya śaśāsa vasudhām imām // (5.2) Par.?

tasya vedavidaḥ prājñāḥ śrutvā tāṃ sādhuvṛttatām / (6.1) Par.?

lokeṣu spṛhayantyanye puruṣāḥ puruṣeśvara // (6.2) Par.?

atha dharmayuge tasmin yogadharmam anuṣṭhitā / (7.1) Par.?

mahīm anucacāraikā sulabhā nāma bhikṣukī // (7.2) Par.?

tayā jagad idaṃ sarvam aṭantyā mithileśvaraḥ / (8.1) Par.?

tatra tatra śruto mokṣe kathyamānastridaṇḍibhiḥ // (8.2) Par.?

sā susūkṣmāṃ kathāṃ śrutvā tathyaṃ neti sasaṃśayā / (9.1) Par.?

darśane jātasaṃkalpā janakasya babhūva ha // (9.2) Par.?

tataḥ sā viprahāyātha pūrvarūpaṃ hi yogataḥ / (10.1) Par.?

abibhrad anavadyāṅgī rūpam anyad anuttamam // (10.2) Par.?

cakṣurnimeṣamātreṇa laghvastragatigāminī / (11.1) Par.?

videhānāṃ purīṃ subhrūr jagāma kamalekṣaṇā // (11.2) Par.?

sā prāpya mithilāṃ ramyāṃ samṛddhajanasaṃkulām / (12.1) Par.?

bhaikṣacaryāpadeśena dadarśa mithileśvaram // (12.2) Par.?

rājā tasyāḥ paraṃ dṛṣṭvā saukumāryaṃ vapustathā / (13.1) Par.?

keyaṃ kasya kuto veti babhūvāgatavismayaḥ // (13.2) Par.?

tato 'syāḥ svāgataṃ kṛtvā vyādiśya ca varāsanam / (14.1) Par.?

pūjitāṃ pādaśaucena varānnenāpyatarpayat // (14.2) Par.?

atha bhuktavatī prītā rājānaṃ mantribhir vṛtam / (15.1) Par.?

sarvabhāṣyavidāṃ madhye codayāmāsa bhikṣukī // (15.2) Par.?

sulabhā tvasya dharmeṣu mukto neti sasaṃśayā / (16.1) Par.?

sattvaṃ sattvena yogajñā praviveśa mahīpate // (16.2) Par.?

netrābhyāṃ netrayor asya raśmīn saṃyojya raśmibhiḥ / (17.1) Par.?

sā sma saṃcodayiṣyantaṃ yogabandhair babandha ha // (17.2) Par.?

janako 'pyutsmayan rājā bhāvam asyā viśeṣayan / (18.1) Par.?

pratijagrāha bhāvena bhāvam asyā nṛpottamaḥ // (18.2) Par.?

tad ekasminn adhiṣṭhāne saṃvādaḥ śrūyatām ayam / (19.1) Par.?

chatrādiṣu vimuktasya muktāyāśca tridaṇḍake // (19.2) Par.?

bhagavatyāḥ kva caryeyaṃ kṛtā kva ca gamiṣyasi / (20.1) Par.?

kasya ca tvaṃ kuto veti papracchaināṃ mahīpatiḥ // (20.2) Par.?

śrute vayasi jātau ca sadbhāvo nādhigamyate / (21.1) Par.?

eṣvartheṣūttaraṃ tasmāt pravedyaṃ satsamāgame // (21.2) Par.?

chatrādiṣu viśeṣeṣu muktaṃ māṃ viddhi sarvaśaḥ / (22.1) Par.?

sa tvāṃ saṃmantum icchāmi mānārhāsi matā hi me // (22.2) Par.?

yasmāccaitanmayā prāptaṃ jñānaṃ vaiśeṣikaṃ purā / (23.1) Par.?

yasya nānyaḥ pravaktāsti mokṣe tam api me śṛṇu // (23.2) Par.?

pārāśaryasagotrasya vṛddhasya sumahātmanaḥ / (24.1) Par.?

bhikṣoḥ pañcaśikhasyāhaṃ śiṣyaḥ paramasaṃmataḥ // (24.2) Par.?

sāṃkhyajñāne tathā yoge mahīpālavidhau tathā / (25.1) Par.?

trividhe mokṣadharme 'smin gatādhvā chinnasaṃśayaḥ // (25.2) Par.?

sa yathāśāstradṛṣṭena mārgeṇeha parivrajan / (26.1) Par.?

vārṣikāṃścaturo māsān purā mayi sukhoṣitaḥ // (26.2) Par.?

tenāhaṃ sāṃkhyamukhyena sudṛṣṭārthena tattvataḥ / (27.1) Par.?

śrāvitastrividhaṃ mokṣaṃ na ca rājyād vicālitaḥ // (27.2) Par.?

so 'haṃ tām akhilāṃ vṛttiṃ trividhāṃ mokṣasaṃhitām / (28.1) Par.?

muktarāgaścarāmyekaḥ pade paramake sthitaḥ // (28.2) Par.?

vairāgyaṃ punar etasya mokṣasya paramo vidhiḥ / (29.1) Par.?

jñānād eva ca vairāgyaṃ jāyate yena mucyate // (29.2) Par.?

jñānena kurute yatnaṃ yatnena prāpyate mahat / (30.1) Par.?

mahad dvaṃdvapramokṣāya sā siddhir yā vayo'tigā // (30.2) Par.?

seyaṃ paramikā buddhiḥ prāptā nirdvaṃdvatā mayā / (31.1) Par.?

ihaiva gatamohena caratā muktasaṅginā // (31.2) Par.?

yathā kṣetraṃ mṛdūbhūtam adbhir āplāvitaṃ tathā / (32.1) Par.?

janayatyaṅkuraṃ karma nṛṇāṃ tadvat punarbhavam // (32.2) Par.?

yathā cottāpitaṃ bījaṃ kapāle yatra tatra vā / (33.1) Par.?

prāpyāpyaṅkurahetutvam abījatvānna jāyate // (33.2) Par.?

tadvad bhagavatā tena śikhāproktena bhikṣuṇā / (34.1) Par.?

jñānaṃ kṛtam abījaṃ me viṣayeṣu na jāyate // (34.2) Par.?

nābhiṣajati kasmiṃścinnānarthe na parigrahe / (35.1) Par.?

nābhirajyati caiteṣu vyarthatvād rāgadoṣayoḥ // (35.2) Par.?

yaśca me dakṣiṇaṃ bāhuṃ candanena samukṣayet / (36.1) Par.?

savyaṃ vāsyā ca yas takṣet samāvetāvubhau mama // (36.2) Par.?

sukhī so 'ham avāptārthaḥ samaloṣṭāśmakāñcanaḥ / (37.1) Par.?

muktasaṅgaḥ sthito rājye viśiṣṭo 'nyaistridaṇḍibhiḥ // (37.2) Par.?

mokṣe hi trividhā niṣṭhā dṛṣṭā pūrvair maharṣibhiḥ / (38.1) Par.?

jñānaṃ lokottaraṃ yacca sarvatyāgaśca karmaṇām // (38.2) Par.?

jñānaniṣṭhāṃ vadantyeke mokṣaśāstravido janāḥ / (39.1) Par.?

karmaniṣṭhāṃ tathaivānye yatayaḥ sūkṣmadarśinaḥ // (39.2) Par.?

prahāyobhayam apyetajjñānaṃ karma ca kevalam / (40.1) Par.?

tṛtīyeyaṃ samākhyātā niṣṭhā tena mahātmanā // (40.2) Par.?

yame ca niyame caiva dveṣe kāme parigrahe / (41.1) Par.?

māne dambhe tathā snehe sadṛśāste kuṭumbibhiḥ // (41.2) Par.?

tridaṇḍādiṣu yadyasti mokṣo jñānena kenacit / (42.1) Par.?

chatrādiṣu kathaṃ na syāt tulyahetau parigrahe // (42.2) Par.?

yena yena hi yasyārthaḥ kāraṇeneha kasyacit / (43.1) Par.?

tat tad ālambate dravyaṃ sarvaḥ sve sve parigrahe // (43.2) Par.?

doṣadarśī tu gārhasthye yo vrajatyāśramāntaram / (44.1) Par.?

utsṛjan parigṛhṇaṃśca so 'pi saṅgānna mucyate // (44.2) Par.?

ādhipatye tathā tulye nigrahānugrahātmani / (45.1) Par.?

rājarṣibhikṣukācāryā mucyante kena hetunā // (45.2) Par.?

atha satyādhipatye 'pi jñānenaiveha kevalam / (46.1) Par.?

mucyante kiṃ na mucyante pade paramake sthitāḥ // (46.2) Par.?

kāṣāyadhāraṇaṃ mauṇḍyaṃ triviṣṭabdhaḥ kamaṇḍaluḥ / (47.1) Par.?

liṅgānyatyartham etāni na mokṣāyeti me matiḥ // (47.2) Par.?

yadi satyapi liṅge 'smiñ jñānam evātra kāraṇam / (48.1) Par.?

nirmokṣāyeha duḥkhasya liṅgamātraṃ nirarthakam // (48.2) Par.?

atha vā duḥkhaśaithilyaṃ vīkṣya liṅge kṛtā matiḥ / (49.1) Par.?

kiṃ tad evārthasāmānyaṃ chatrādiṣu na lakṣyate // (49.2) Par.?

ākiṃcanye na mokṣo 'sti kaiṃcanye nāsti bandhanam / (50.1) Par.?

kaiṃcanye cetare caiva jantur jñānena mucyate // (50.2) Par.?

tasmād dharmārthakāmeṣu tathā rājyaparigrahe / (51.1) Par.?

bandhanāyataneṣveṣu viddhyabandhe pade sthitam // (51.2) Par.?

rājyaiśvaryamayaḥ pāśaḥ snehāyatanabandhanaḥ / (52.1) Par.?

mokṣāśmaniśiteneha chinnastyāgāsinā mayā // (52.2) Par.?

so 'ham evaṃgato mukto jātāsthastvayi bhikṣuki / (53.1) Par.?

ayathārtho hi te varṇo vakṣyāmi śṛṇu tanmama // (53.2) Par.?

saukumāryaṃ tathā rūpaṃ vapur agryaṃ tathā vayaḥ / (54.1) Par.?

tavaitāni samastāni niyamaśceti saṃśayaḥ // (54.2) Par.?

yaccāpyananurūpaṃ te liṅgasyāsya viceṣṭitam / (55.1) Par.?

mukto 'yaṃ syānna vetyasmāddharṣito matparigrahaḥ // (55.2) Par.?

na ca kāmasamāyukte mukte 'pyasti tridaṇḍakam / (56.1) Par.?

na rakṣyate tvayā cedaṃ na muktasyāsti gopanā // (56.2) Par.?

matpakṣasaṃśrayāccāyaṃ śṛṇu yaste vyatikramaḥ / (57.1) Par.?

āśrayantyāḥ svabhāvena mama pūrvaparigraham // (57.2) Par.?

praveśaste kṛtaḥ kena mama rāṣṭre pure tathā / (58.1) Par.?

kasya vā saṃnisargāt tvaṃ praviṣṭā hṛdayaṃ mama // (58.2) Par.?

varṇapravaramukhyāsi brāhmaṇī kṣatriyo hyaham / (59.1) Par.?

nāvayor ekayogo 'sti mā kṛthā varṇasaṃkaram // (59.2) Par.?

vartase mokṣadharmeṣu gārhasthye tvaham āśrame / (60.1) Par.?

ayaṃ cāpi sukaṣṭaste dvitīyo ''śramasaṃkaraḥ // (60.2) Par.?

sagotrāṃ vāsagotrāṃ vā na veda tvāṃ na vettha mām / (61.1) Par.?

sagotram āviśantyāste tṛtīyo gotrasaṃkaraḥ // (61.2) Par.?

atha jīvati te bhartā proṣito 'pyatha vā kvacit / (62.1) Par.?

agamyā parabhāryeti caturtho dharmasaṃkaraḥ // (62.2) Par.?

sā tvam etānyakāryāṇi kāryāpekṣā vyavasyasi / (63.1) Par.?

avijñānena vā yuktā mithyājñānena vā punaḥ // (63.2) Par.?

atha vāpi svatantrāsi svadoṣeṇeha kenacit / (64.1) Par.?

yadi kiṃcicchrutaṃ te 'sti sarvaṃ kṛtam anarthakam // (64.2) Par.?

idam anyat tṛtīyaṃ te bhāvasparśavighātakam / (65.1) Par.?

duṣṭāyā lakṣyate liṅgaṃ pravaktavyaṃ prakāśitam // (65.2) Par.?

na mayyevābhisaṃdhiste jayaiṣiṇyā jaye kṛtaḥ / (66.1) Par.?

yeyaṃ matpariṣat kṛtsnā jetum icchasi tām api // (66.2) Par.?

tathā hyevaṃ punaśca tvaṃ dṛṣṭiṃ svāṃ pratimuñcasi / (67.1) Par.?

matpakṣapratighātāya svapakṣodbhāvanāya ca // (67.2) Par.?

sā svenāmarṣajena tvam ṛddhimohena mohitā / (68.1) Par.?

bhūyaḥ sṛjasi yogāstraṃ viṣāmṛtam ivaikadhā // (68.2) Par.?

icchator hi dvayor lābhaḥ strīpuṃsor amṛtopamaḥ / (69.1) Par.?

alābhaś cāpy araktasya so 'tra doṣo viṣopamaḥ // (69.2) Par.?

mā sprākṣīḥ sadhu jānīṣva svaśāstram anupālaya / (70.1) Par.?

kṛteyaṃ hi vijijñāsā mukto neti tvayā mama / (70.2) Par.?

etat sarvaṃ praticchannaṃ mayi nārhasi gūhitum // (70.3) Par.?

sā yadi tvaṃ svakāryeṇa yadyanyasya mahīpateḥ / (71.1) Par.?

tattvaṃ satrapraticchannā mayi nārhasi gūhitum // (71.2) Par.?

na rājānaṃ mṛṣā gacchenna dvijātiṃ kathaṃcana / (72.1) Par.?

na striyaṃ strīguṇopetāṃ hanyur hyete mṛṣāgatāḥ // (72.2) Par.?

rājñāṃ hi balam aiśvaryaṃ brahma brahmavidāṃ balam / (73.1) Par.?

rūpayauvanasaubhāgyaṃ strīṇāṃ balam anuttamam // (73.2) Par.?

ata etair balair ete balinaḥ svārtham icchatā / (74.1) Par.?

ārjavenābhigantavyā vināśāya hyanārjavam // (74.2) Par.?

sā tvaṃ jātiṃ śrutaṃ vṛttaṃ bhāvaṃ prakṛtim ātmanaḥ / (75.1) Par.?

kṛtyam āgamane caiva vaktum arhasi tattvataḥ // (75.2) Par.?

ityetair asukhair vākyair ayuktair asamañjasaiḥ / (76.1) Par.?

pratyādiṣṭā narendreṇa sulabhā na vyakampata // (76.2) Par.?

uktavākye tu nṛpatau sulabhā cārudarśanā / (77.1) Par.?

tataścārutaraṃ vākyaṃ pracakrāmātha bhāṣitum // (77.2) Par.?

navabhir navabhiścaiva doṣair vāgbuddhidūṣaṇaiḥ / (78.1) Par.?

apetam upapannārtham aṣṭādaśaguṇānvitam // (78.2) Par.?

saukṣmyaṃ saṃkhyākramau cobhau nirṇayaḥ saprayojanaḥ / (79.1) Par.?

pañcaitānyarthajātāni vākyam ityucyate nṛpa // (79.2) Par.?

eṣām ekaikaśo 'rthānāṃ saukṣmyādīnāṃ sulakṣaṇam / (80.1) Par.?

śṛṇu saṃsāryamāṇānāṃ padārthaiḥ padavākyataḥ // (80.2) Par.?

jñānaṃ jñeyeṣu bhinneṣu yathābhedena vartate / (81.1) Par.?

tatrātiśayinī buddhistat saukṣmyam iti vartate // (81.2) Par.?

doṣāṇāṃ ca guṇānāṃ ca pramāṇaṃ pravibhāgaśaḥ / (82.1) Par.?

kaṃcid artham abhipretya sā saṃkhyetyupadhāryatām // (82.2) Par.?

idaṃ pūrvam idaṃ paścād vaktavyaṃ yad vivakṣitam / (83.1) Par.?

kramayogaṃ tam apyāhur vākyaṃ vākyavido janāḥ // (83.2) Par.?

dharmārthakāmamokṣeṣu pratijñāya viśeṣataḥ / (84.1) Par.?

idaṃ tad iti vākyānte procyate sa vinirṇayaḥ // (84.2) Par.?

icchādveṣabhavair duḥkhaiḥ prakarṣo yatra jāyate / (85.1) Par.?

tatra yā nṛpate vṛttistat prayojanam iṣyate // (85.2) Par.?

tānyetāni yathoktāni saukṣmyādīni janādhipa / (86.1) Par.?

ekārthasamavetāni vākyaṃ mama niśāmaya // (86.2) Par.?

upetārtham abhinnārthaṃ nāpavṛttaṃ na cādhikam / (87.1) Par.?

nāślakṣṇaṃ na ca saṃdigdhaṃ vakṣyāmi paramaṃ tava // (87.2) Par.?

na gurvakṣarasambaddhaṃ parāṅmukhamukhaṃ na ca / (88.1) Par.?

nānṛtaṃ na trivargeṇa viruddhaṃ nāpyasaṃskṛtam // (88.2) Par.?

na nyūnaṃ kaṣṭaśabdaṃ vā vyutkramābhihitaṃ na ca / (89.1) Par.?

na śeṣaṃ nānukalpena niṣkāraṇam ahetukam // (89.2) Par.?

kāmāt krodhād bhayāl lobhād dainyād ānāryakāt tathā / (90.1) Par.?

hrīto 'nukrośato mānānna vakṣyāmi kathaṃcana // (90.2) Par.?

vaktā śrotā ca vākyaṃ ca yadā tvavikalaṃ nṛpa / (91.1) Par.?

samam eti vivakṣāyāṃ tadā so 'rthaḥ prakāśate // (91.2) Par.?

vaktavye tu yadā vaktā śrotāram avamanyate / (92.1) Par.?

svārtham āha parārthaṃ vā tadā vākyaṃ na rohati // (92.2) Par.?

atha yaḥ svārtham utsṛjya parārthaṃ prāha mānavaḥ / (93.1) Par.?

viśaṅkā jāyate tasmin vākyaṃ tad api doṣavat // (93.2) Par.?

yastu vaktā dvayor artham aviruddhaṃ prabhāṣate / (94.1) Par.?

śrotuścaivātmanaścaiva sa vaktā netaro nṛpa // (94.2) Par.?

tad arthavad idaṃ vākyam upetaṃ vākyasaṃpadā / (95.1) Par.?

avikṣiptamanā rājann ekāgraḥ śrotum arhasi // (95.2) Par.?

kāsi kasya kuto veti tvayāham abhicoditā / (96.1) Par.?

tatrottaram idaṃ vākyaṃ rājann ekamanāḥ śṛṇu // (96.2) Par.?

yathā jatu ca kāṣṭhaṃ ca pāṃsavaścodabindubhiḥ / (97.1) Par.?

suśliṣṭāni tathā rājan prāṇinām iha saṃbhavaḥ // (97.2) Par.?

śabdaḥ sparśo raso rūpaṃ gandhaḥ pañcendriyāṇi ca / (98.1) Par.?

pṛthag ātmā daśātmānaḥ saṃśliṣṭā jatukāṣṭhavat // (98.2) Par.?

na caiṣāṃ codanā kācid astītyeṣa viniścayaḥ / (99.1) Par.?

ekaikasyeha vijñānaṃ nāstyātmani tathā pare // (99.2) Par.?

na veda cakṣuścakṣuṣṭvaṃ śrotraṃ nātmani vartate / (100.1) Par.?

tathaiva vyabhicāreṇa na vartante parasparam / (100.2) Par.?

saṃśliṣṭā nābhijāyante yathāpa iha pāṃsavaḥ // (100.3) Par.?

bāhyān anyān apekṣante guṇāṃstān api me śṛṇu / (101.1) Par.?

rūpaṃ cakṣuḥ prakāśaśca darśane hetavastrayaḥ / (101.2) Par.?

yathaivātra tathānyeṣu jñānajñeyeṣu hetavaḥ // (101.3) Par.?

jñānajñeyāntare tasmin mano nāmāparo guṇaḥ / (102.1) Par.?

vicārayati yenāyaṃ niścaye sādhvasādhunī // (102.2) Par.?

dvādaśastvaparastatra buddhir nāma guṇaḥ smṛtaḥ / (103.1) Par.?

yena saṃśayapūrveṣu boddhavyeṣu vyavasyati // (103.2) Par.?

atha dvādaśake tasmin sattvaṃ nāmāparo guṇaḥ / (104.1) Par.?

mahāsattvo 'lpasattvo vā jantur yenānumīyate // (104.2) Par.?

kṣetrajña iti cāpyanyo guṇastatra caturdaśaḥ / (105.1) Par.?

mamāyam iti yenāyaṃ manyate na ca manyate // (105.2) Par.?

atha pañcadaśo rājan guṇastatrāparaḥ smṛtaḥ / (106.1) Par.?

pṛthak kalāsamūhasya sāmagryaṃ tad ihocyate // (106.2) Par.?

guṇastvevāparastatra saṃghāta iti ṣoḍaśaḥ / (107.1) Par.?

ākṛtir vyaktir ityetau guṇau yasmin samāśritau // (107.2) Par.?

sukhaduḥkhe jarāmṛtyū lābhālābhau priyāpriye / (108.1) Par.?

iti caikonaviṃśo 'yaṃ dvaṃdvayoga iti smṛtaḥ // (108.2) Par.?

ūrdhvam ekonaviṃśatyāḥ kālo nāmāparo guṇaḥ / (109.1) Par.?

itīmaṃ viddhi viṃśatyā bhūtānāṃ prabhavāpyayam // (109.2) Par.?

viṃśakaścaiṣa saṃghāto mahābhūtāni pañca ca / (110.1) Par.?

sadasadbhāvayogau ca guṇāvanyau prakāśakau // (110.2) Par.?

ityevaṃ viṃśatiścaiva guṇāḥ sapta ca ye smṛtāḥ / (111.1) Par.?

vidhiḥ śukraṃ balaṃ ceti traya ete guṇāḥ pare // (111.2) Par.?

ekaviṃśaśca daśa ca kalāḥ saṃkhyānataḥ smṛtāḥ / (112.1) Par.?

samagrā yatra vartante taccharīram iti smṛtam // (112.2) Par.?

avyaktaṃ prakṛtiṃ tvāsāṃ kalānāṃ kaścid icchati / (113.1) Par.?

vyaktaṃ cāsāṃ tathaivānyaḥ sthūladarśī prapaśyati // (113.2) Par.?

avyaktaṃ yadi vā vyaktaṃ dvayīm atha catuṣṭayīm / (114.1) Par.?

prakṛtiṃ sarvabhūtānāṃ paśyantyadhyātmacintakāḥ // (114.2) Par.?

seyaṃ prakṛtir avyaktā kalābhir vyaktatāṃ gatā / (115.1) Par.?

ahaṃ ca tvaṃ ca rājendra ye cāpyanye śarīriṇaḥ // (115.2) Par.?

bindunyāsādayo 'vasthāḥ śukraśoṇitasaṃbhavāḥ / (116.1) Par.?

yāsām eva nipātena kalalaṃ nāma jāyate // (116.2) Par.?

kalalād arbudotpattiḥ peśī cāpyarbudodbhavā / (117.1) Par.?

peśyāstvaṅgābhinirvṛttir nakharomāṇi cāṅgataḥ // (117.2) Par.?

sampūrṇe navame māse jantor jātasya maithila / (118.1) Par.?

jāyate nāmarūpatvaṃ strī pumān veti liṅgataḥ // (118.2) Par.?

jātamātraṃ tu tad rūpaṃ dṛṣṭvā tāmranakhāṅguli / (119.1) Par.?

kaumārarūpam āpannaṃ rūpato nopalabhyate // (119.2) Par.?

kaumārād yauvanaṃ cāpi sthāviryaṃ cāpi yauvanāt / (120.1) Par.?

anena kramayogena pūrvaṃ pūrvaṃ na labhyate // (120.2) Par.?

kalānāṃ pṛthagarthānāṃ pratibhedaḥ kṣaṇe kṣaṇe / (121.1) Par.?

vartate sarvabhūteṣu saukṣmyāt tu na vibhāvyate // (121.2) Par.?

na caiṣām apyayo rājaṃllakṣyate prabhavo na ca / (122.1) Par.?

avasthāyām avasthāyāṃ dīpasyevārciṣo gatiḥ // (122.2) Par.?

tasyāpyevamprabhāvasya sadaśvasyeva dhāvataḥ / (123.1) Par.?

ajasraṃ sarvalokasya kaḥ kuto vā na vā kutaḥ // (123.2) Par.?

kasyedaṃ kasya vā nedaṃ kuto vedaṃ na vā kutaḥ / (124.1) Par.?

saṃbandhaḥ ko 'sti bhūtānāṃ svair apyavayavair iha // (124.2) Par.?

yathādityānmaṇeścaiva vīrudbhyaścaiva pāvakaḥ / (125.1) Par.?

bhavatyevaṃ samudayāt kalānām api jantavaḥ // (125.2) Par.?

ātmanyevātmanātmānaṃ yathā tvam anupaśyasi / (126.1) Par.?

evam evātmanātmānam anyasmin kiṃ na paśyasi / (126.2) Par.?

yadyātmani parasmiṃśca samatām adhyavasyasi // (126.3) Par.?

atha māṃ kāsi kasyeti kimartham anupṛcchasi / (127.1) Par.?

idaṃ me syād idaṃ neti dvaṃdvair muktasya maithila / (127.2) Par.?

kāsi kasya kuto veti vacane kiṃ prayojanam // (127.3) Par.?

ripau mitre 'tha madhyasthe vijaye saṃdhivigrahe / (128.1) Par.?

kṛtavān yo mahīpāla kiṃ tasminmuktalakṣaṇam // (128.2) Par.?

trivarge saptadhā vyaktaṃ yo na vedeha karmasu / (129.1) Par.?

saṅgavān yastrivarge ca kiṃ tasminmuktalakṣaṇam // (129.2) Par.?

priye caivāpriye caiva durbale balavatyapi / (130.1) Par.?

yasya nāsti samaṃ cakṣuḥ kiṃ tasminmuktalakṣaṇam // (130.2) Par.?

tadamuktasya te mokṣe yo 'bhimāno bhavennṛpa / (131.1) Par.?

suhṛdbhiḥ sa nivāryaste vicittasyeva bheṣajaiḥ // (131.2) Par.?

tāni tānyanusaṃdṛśya saṅgasthānānyariṃdama / (132.1) Par.?

ātmanātmani saṃpaśyet kiṃ tasminmuktalakṣaṇam // (132.2) Par.?

imānyanyāni sūkṣmāṇi mokṣam āśritya kānicit / (133.1) Par.?

caturaṅgapravṛttāni saṅgasthānāni me śṛṇu // (133.2) Par.?

ya imāṃ pṛthivīṃ kṛtsnām ekacchatrāṃ praśāsti ha / (134.1) Par.?

ekam eva sa vai rājā puram adhyāvasatyuta // (134.2) Par.?

tatpure caikam evāsya gṛhaṃ yad adhitiṣṭhati / (135.1) Par.?

gṛhe śayanam apyekaṃ niśāyāṃ yatra līyate // (135.2) Par.?

śayyārdhaṃ tasya cāpyatra strī pūrvam adhitiṣṭhati / (136.1) Par.?

tad anena prasaṅgena phalenaiveha yujyate // (136.2) Par.?

evam evopabhogeṣu bhojanācchādaneṣu ca / (137.1) Par.?

guṇeṣu parimeyeṣu nigrahānugrahau prati // (137.2) Par.?

paratantraḥ sadā rājā svalpe so 'pi prasajjate / (138.1) Par.?

saṃdhivigrahayoge ca kuto rājñaḥ svatantratā // (138.2) Par.?

strīṣu krīḍāvihāreṣu nityam asyāsvatantratā / (139.1) Par.?

mantre cāmātyasamitau kuta eva svatantratā // (139.2) Par.?

yadā tvājñāpayatyanyāṃstadāsyoktā svatantratā / (140.1) Par.?

avaśaḥ kāryate tatra tasmiṃstasmin guṇe sthitaḥ // (140.2) Par.?

svaptukāmo na labhate svaptuṃ kāryārthibhir janaiḥ / (141.1) Par.?

śayane cāpyanujñātaḥ supta utthāpyate 'vaśaḥ // (141.2) Par.?

snāhyālabha piba prāśa juhudhyagnīn yajeti ca / (142.1) Par.?

vadasva śṛṇu cāpīti vivaśaḥ kāryate paraiḥ // (142.2) Par.?

abhigamyābhigamyainaṃ yācante satataṃ narāḥ / (143.1) Par.?

na cāpyutsahate dātuṃ vittarakṣī mahājanāt // (143.2) Par.?

dāne kośakṣayo hyasya vairaṃ cāpyaprayacchataḥ / (144.1) Par.?

kṣaṇenāsyopavartante doṣā vairāgyakārakāḥ // (144.2) Par.?

prājñāñ śūrāṃstathaivāḍhyān ekasthāne 'pi śaṅkate / (145.1) Par.?

bhayam apyabhaye rājño yaiśca nityam upāsyate // (145.2) Par.?

yadā caite praduṣyanti rājan ye kīrtitā mayā / (146.1) Par.?

tadaivāsya bhayaṃ tebhyo jāyate paśya yādṛśam // (146.2) Par.?

sarvaḥ sve sve gṛhe rājā sarvaḥ sve sve gṛhe gṛhī / (147.1) Par.?

nigrahānugrahau kurvaṃstulyo janaka rājabhiḥ // (147.2) Par.?

putrā dārāstathaivātmā kośo mitrāṇi saṃcayaḥ / (148.1) Par.?

paraiḥ sādhāraṇā hyete taistair evāsya hetubhiḥ // (148.2) Par.?

hato deśaḥ puraṃ dagdhaṃ pradhānaḥ kuñjaro mṛtaḥ / (149.1) Par.?

lokasādhāraṇeṣveṣu mithyājñānena tapyate // (149.2) Par.?

amukto mānasair duḥkhair icchādveṣapriyodbhavaiḥ / (150.1) Par.?

śirorogādibhī rogaistathaiva vinipātibhiḥ // (150.2) Par.?

dvaṃdvaistaistair upahataḥ sarvataḥ pariśaṅkitaḥ / (151.1) Par.?

bahupratyarthikaṃ rājyam upāste gaṇayanniśāḥ // (151.2) Par.?

tad alpasukham atyarthaṃ bahuduḥkham asāravat / (152.1) Par.?

ko rājyam abhipadyeta prāpya copaśamaṃ labhet // (152.2) Par.?

mamedam iti yaccedaṃ puraṃ rāṣṭraṃ ca manyase / (153.1) Par.?

balaṃ kośam amātyāṃśca kasyaitāni na vā nṛpa // (153.2) Par.?

mitrāmātyaṃ puraṃ rāṣṭraṃ daṇḍaḥ kośo mahīpatiḥ / (154.1) Par.?

saptāṅgaścakrasaṃghāto rājyam ityucyate nṛpa // (154.2) Par.?

saptāṅgasyāsya rājyasya tridaṇḍasyeva tiṣṭhataḥ / (155.1) Par.?

anyonyaguṇayuktasya kaḥ kena guṇato 'dhikaḥ // (155.2) Par.?

teṣu teṣu hi kāleṣu tat tad aṅgaṃ viśiṣyate / (156.1) Par.?

yena yat sidhyate kāryaṃ tat prādhānyāya kalpate // (156.2) Par.?

saptāṅgaś cāpi saṃghātastrayaścānye nṛpottama / (157.1) Par.?

sambhūya daśavargo 'yaṃ bhuṅkte rājyaṃ hi rājavat // (157.2) Par.?

yaśca rājā mahotsāhaḥ kṣatradharmarato bhavet / (158.1) Par.?

sa tuṣyed daśabhāgena tatastvanyo daśāvaraiḥ // (158.2) Par.?

nāstyasādhāraṇo rājā nāsti rājyam arājakam / (159.1) Par.?

rājye 'sati kuto dharmo dharme 'sati kutaḥ param // (159.2) Par.?

yo 'pyatra paramo dharmaḥ pavitraṃ rājarājyayoḥ / (160.1) Par.?

pṛthivī dakṣiṇā yasya so 'śvamedho na vidyate // (160.2) Par.?

sāham etāni karmāṇi rājyaduḥkhāni maithila / (161.1) Par.?

samarthā śataśo vaktum atha vāpi sahasraśaḥ // (161.2) Par.?

svadehe nābhiṣaṅgo me kutaḥ paraparigrahe / (162.1) Par.?

na mām evaṃvidhāṃ muktām īdṛśaṃ vaktum arhasi // (162.2) Par.?

nanu nāma tvayā mokṣaḥ kṛtsnaḥ pañcaśikhācchrutaḥ / (163.1) Par.?

sopāyaḥ sopaniṣadaḥ sopāsaṅgaḥ saniścayaḥ // (163.2) Par.?

tasya te muktasaṅgasya pāśān ākramya tiṣṭhataḥ / (164.1) Par.?

chatrādiṣu viśeṣeṣu kathaṃ saṅgaḥ punar nṛpa // (164.2) Par.?

śrutaṃ te na śrutaṃ manye mithyā vāpi śrutaṃ śrutam / (165.1) Par.?

athavā śrutasaṃkāśaṃ śrutam anyacchrutaṃ tvayā // (165.2) Par.?

athāpīmāsu saṃjñāsu laukikīṣu pratiṣṭhasi / (166.1) Par.?

abhiṣaṅgāvarodhābhyāṃ baddhastvaṃ prākṛto mayā // (166.2) Par.?

sattvenānupraveśo hi yo 'yaṃ tvayi kṛto mayā / (167.1) Par.?

kiṃ tavāpakṛtaṃ tatra yadi mukto 'si sarvataḥ // (167.2) Par.?

niyamo hyeṣa dharmeṣu yatīnāṃ śūnyavāsitā / (168.1) Par.?

śūnyam āvāsayantyā ca mayā kiṃ kasya dūṣitam // (168.2) Par.?

na pāṇibhyāṃ na bāhubhyāṃ pādorubhyāṃ na cānagha / (169.1) Par.?

na gātrāvayavair anyaiḥ spṛśāmi tvā narādhipa // (169.2) Par.?

kule mahati jātena hrīmatā dīrghadarśinā / (170.1) Par.?

naitat sadasi vaktavyaṃ sad vāsad vā mithaḥ kṛtam // (170.2) Par.?

brāhmaṇā guravaśceme tathāmātyā gurūttamāḥ / (171.1) Par.?