Texts

yudhiṣṭhira uvāca / (1.1) Par.?

aiśvaryaṃ vā mahat prāpya dhanaṃ vā bharatarṣabha / (1.2) Par.?

dīrgham āyur avāpyātha kathaṃ mṛtyum atikramet // (1.3) Par.?

tapasā vā sumahatā karmaṇā vā śrutena vā / (2.1) Par.?

rasāyanaprayogair vā kair nopaiti jarāntakau // (2.2) Par.?

bhīṣma uvāca / (3.1) Par.?

atrāpyudāharantīmam itihāsaṃ purātanam / (3.2) Par.?

bhikṣoḥ pañcaśikhasyeha saṃvādaṃ janakasya ca // (3.3) Par.?

vaideho janako rājā maharṣiṃ vedavittamam / (4.1) Par.?

paryapṛcchat pañcaśikhaṃ chinnadharmārthasaṃśayam // (4.2) Par.?

kena vṛttena bhagavann atikrāmejjarāntakau / (5.1) Par.?

tapasā vātha buddhyā vā karmaṇā vā śrutena vā // (5.2) Par.?

evam uktaḥ sa vaidehaṃ pratyuvāca parokṣavit / (6.1) Par.?

nivṛttir naitayor asti nānivṛttiḥ kathaṃcana // (6.2) Par.?

na hyahāni nivartante na māsā na punaḥ kṣapāḥ / (7.1) Par.?

so 'yaṃ prapadyate 'dhvānaṃ cirāya dhruvam adhruvaḥ // (7.2) Par.?

sarvabhūtasamucchedaḥ srotasevohyate sadā / (8.1) Par.?

uhyamānaṃ nimajjantam aplave kālasāgare / (8.2) Par.?

jarāmṛtyumahāgrāhe na kaścid abhipadyate // (8.3) Par.?

naivāsya bhavitā kaścinnāsau bhavati kasyacit / (9.1) Par.?

pathi saṃgatam evedaṃ dārair anyaiśca bandhubhiḥ / (9.2) Par.?

nāyam atyantasaṃvāso labdhapūrvo hi kenacit // (9.3) Par.?

kṣipyante tena tenaiva niṣṭanantaḥ punaḥ punaḥ / (10.1) Par.?

kālena jātā jātā hi vāyunevābhrasaṃcayāḥ // (10.2) Par.?

jarāmṛtyū hi bhūtānāṃ khāditārau vṛkāviva / (11.1) Par.?

balināṃ durbalānāṃ ca hrasvānāṃ mahatām api // (11.2) Par.?

evaṃbhūteṣu bhūteṣu nityabhūtādhruveṣu ca / (12.1) Par.?

kathaṃ hṛṣyeta jāteṣu mṛteṣu ca kathaṃ jvaret // (12.2) Par.?

kuto 'ham āgataḥ ko 'smi kva gamiṣyāmi kasya vā / (13.1) Par.?

kasmin sthitaḥ kva bhavitā kasmāt kim anuśocasi // (13.2) Par.?

draṣṭā svargasya na hyasti tathaiva narakasya ca / (14.1) Par.?

āgamāṃs tv anatikramya dadyāccaiva yajeta ca // (14.2) Par.?