Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 6343
  • Click on a sentence to show its analysis
  • Keep the mouse pointer over a lemma to show its meanings.
bhīṣma uvāca / (1.1) Par.?
sa pannagapatistatra prayayau brāhmaṇaṃ prati / (1.2) Par.?
tam eva manasā dhyāyan kāryavattāṃ vicārayan // (1.3) Par.?
tam abhikramya nāgendro matimān sa nareśvara / (2.1) Par.?
provāca madhuraṃ vākyaṃ prakṛtyā dharmavatsalaḥ // (2.2) Par.?
bho bho kṣāmyābhibhāṣe tvāṃ na roṣaṃ kartum arhasi / (3.1) Par.?
iha tvam abhisamprāptaḥ kasyārthe kiṃ prayojanam // (3.2) Par.?
ābhimukhyād abhikramya snehāt pṛcchāmi te dvija / (4.1) Par.?
vivikte gomatītīre kiṃ vā tvaṃ paryupāsase // (4.2) Par.?
brāhmaṇa uvāca / (5.1) Par.?
dharmāraṇyaṃ hi māṃ viddhi nāgaṃ draṣṭum ihāgatam / (5.2) Par.?
padmanābhaṃ dvijaśreṣṭhaṃ tatra me kāryam āhitam // (5.3) Par.?
tasya cāham asāṃnidhyaṃ śrutavān asmi taṃ gatam / (6.1) Par.?
svajanaṃ taṃ pratīkṣāmi parjanyam iva karṣakaḥ // (6.2) Par.?
tasya cākleśakaraṇaṃ svastikārasamāhitam / (7.1) Par.?
vartayāmyayutaṃ brahma yogayukto nirāmayaḥ // (7.2) Par.?
nāga uvāca / (8.1) Par.?
aho kalyāṇavṛttastvaṃ sādhusajjanavatsalaḥ / (8.2) Par.?
śravāḍhyastvaṃ mahābhāga paraṃ snehena paśyasi // (8.3) Par.?
ahaṃ sa nāgo viprarṣe yathā māṃ vindate bhavān / (9.1) Par.?
ājñāpaya yathā svairaṃ kiṃ karomi priyaṃ tava // (9.2) Par.?
bhavantaṃ svajanād asmi samprāptaṃ śrutavān iha / (10.1) Par.?
atastvāṃ svayam evāhaṃ draṣṭum abhyāgato dvija // (10.2) Par.?
samprāptaśca bhavān adya kṛtārthaḥ pratiyāsyati / (11.1) Par.?
visrabdho māṃ dvijaśreṣṭha viṣaye yoktum arhasi // (11.2) Par.?
vayaṃ hi bhavatā sarve guṇakrītā viśeṣataḥ / (12.1) Par.?
yastvam ātmahitaṃ tyaktvā mām evehānurudhyase // (12.2) Par.?
brāhmaṇa uvāca / (13.1) Par.?
āgato 'haṃ mahābhāga tava darśanalālasaḥ / (13.2) Par.?
kaṃcid artham anarthajñaḥ praṣṭukāmo bhujaṃgama // (13.3) Par.?
aham ātmānam ātmastho mārgamāṇo ''tmano hitam / (14.1) Par.?
vāsārthinaṃ mahāprājña balavantam upāsmi ha // (14.2) Par.?
prakāśitastvaṃ svaguṇair yaśogarbhagabhastibhiḥ / (15.1) Par.?
śaśāṅkakarasaṃsparśair hṛdyair ātmaprakāśitaiḥ // (15.2) Par.?
tasya me praśnam utpannaṃ chinddhi tvam anilāśana / (16.1) Par.?
paścāt kāryaṃ vadiṣyāmi śrotum arhati me bhavān // (16.2) Par.?
Duration=0.14184093475342 secs.