Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Viṣṇu, Vishnuism
Show parallels Show headlines
Use dependency labeler
Chapter id: 6328
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1) Par.?
śrutvaitannārado vākyaṃ naranārāyaṇeritam / (1.2) Par.?
atyantabhaktimān deve ekāntitvam upeyivān // (1.3) Par.?
proṣya varṣasahasraṃ tu naranārāyaṇāśrame / (2.1) Par.?
śrutvā bhagavadākhyānaṃ dṛṣṭvā ca harim avyayam / (2.2) Par.?
himavantaṃ jagāmāśu yatrāsya svaka āśramaḥ // (2.3) Par.?
tāvapi khyātatapasau naranārāyaṇāvṛṣī / (3.1) Par.?
tasminn evāśrame ramye tepatustapa uttamam // (3.2) Par.?
tvam apyamitavikrāntaḥ pāṇḍavānāṃ kulodvahaḥ / (4.1) Par.?
pāvitātmādya saṃvṛttaḥ śrutvemām āditaḥ kathām // (4.2) Par.?
naiva tasya paro loko nāyaṃ pārthivasattama / (5.1) Par.?
karmaṇā manasā vācā yo dviṣyād viṣṇum avyayam // (5.2) Par.?
majjanti pitarastasya narake śāśvatīḥ samāḥ / (6.1) Par.?
yo dviṣyād vibudhaśreṣṭhaṃ devaṃ nārāyaṇaṃ harim // (6.2) Par.?
kathaṃ nāma bhaved dveṣya ātmā lokasya kasyacit / (7.1) Par.?
ātmā hi puruṣavyāghra jñeyo viṣṇur iti sthitiḥ // (7.2) Par.?
ya eṣa gurur asmākam ṛṣir gandhavatīsutaḥ / (8.1) Par.?
tenaitat kathitaṃ tāta māhātmyaṃ paramātmanaḥ / (8.2) Par.?
tasmācchrutaṃ mayā cedaṃ kathitaṃ ca tavānagha // (8.3) Par.?
kṛṣṇadvaipāyanaṃ vyāsaṃ viddhi nārāyaṇaṃ prabhum / (9.1) Par.?
ko hyanyaḥ puruṣavyāghra mahābhāratakṛd bhavet / (9.2) Par.?
dharmānnānāvidhāṃścaiva ko brūyāt tam ṛte prabhum // (9.3) Par.?
vartatāṃ te mahāyajño yathā saṃkalpitastvayā / (10.1) Par.?
saṃkalpitāśvamedhastvaṃ śrutadharmaśca tattvataḥ // (10.2) Par.?
etat tu mahad ākhyānaṃ śrutvā pārikṣito nṛpaḥ / (11.1) Par.?
tato yajñasamāptyarthaṃ kriyāḥ sarvāḥ samārabhat // (11.2) Par.?
nārāyaṇīyam ākhyānam etat te kathitaṃ mayā / (12.1) Par.?
nāradena purā rājan gurave me niveditam / (12.2) Par.?
ṛṣīṇāṃ pāṇḍavānāṃ ca śṛṇvatoḥ kṛṣṇabhīṣmayoḥ // (12.3) Par.?
sa hi paramagurur bhuvanapatir dharaṇidharaḥ śamaniyamanidhiḥ / (13.1) Par.?
śrutivinayanidhir dvijaparamahitas tava bhavatu gatir harir amarahitaḥ // (13.2) Par.?
tapasāṃ nidhiḥ sumahatāṃ mahato yaśasaśca bhājanam ariṣṭakahā / (14.1) Par.?
ekāntināṃ śaraṇado 'bhayado gatido 'stu vaḥ sa makhabhāgaharaḥ // (14.2) Par.?
triguṇātigaścatuṣpañcadharaḥ pūrteṣṭayośca phalabhāgaharaḥ / (15.1) Par.?
vidadhāti nityam ajito 'tibalo gatim ātmagāṃ sukṛtinām ṛṣīṇām // (15.2) Par.?
taṃ lokasākṣiṇam ajaṃ puruṣaṃ ravivarṇam īśvaragatiṃ bahuśaḥ / (16.1) Par.?
praṇamadhvam ekamatayo yatayaḥ salilodbhavo 'pi tam ṛṣiṃ praṇataḥ // (16.2) Par.?
sa hi lokayonir amṛtasya padaṃ sūkṣmaṃ purāṇam acalaṃ paramam / (17.1) Par.?
tat sāṃkhyayogibhir udāradhṛtaṃ buddhyā yatātmabhir viditaṃ satatam // (17.2) Par.?
Duration=0.12979602813721 secs.