Texts

Help

Select a text:
Bibliography

Select a chapter:
(no revisions)

Associated topic(s): dharma, fable

Show parallels Show headlines
Use dependency labeler

Chapter id: 9221

Click on a sentence to show its analysis
Keep the mouse pointer over a lemma to show its meanings.

yudhiṣṭhira uvāca / (1.1) Par.?

ānṛśaṃsasya dharmasya guṇān bhaktajanasya ca / (1.2) Par.?

śrotum icchāmi kārtsnyena tanme brūhi pitāmaha // (1.3) Par.?

bhīṣma uvāca / (2.1) Par.?

viṣaye kāśirājasya grāmānniṣkramya lubdhakaḥ / (2.2) Par.?

saviṣaṃ kāṇḍam ādāya mṛgayāmāsa vai mṛgam // (2.3) Par.?

tatra cāmiṣalubdhena lubdhakena mahāvane / (3.1) Par.?

avidūre mṛgaṃ dṛṣṭvā bāṇaḥ pratisamāhitaḥ // (3.2) Par.?

tena durvāritāstreṇa nimittacapaleṣuṇā / (4.1) Par.?

mahān vanatarur viddho mṛgaṃ tatra jighāṃsatā // (4.2) Par.?

sa tīkṣṇaviṣadigdhena śareṇātibalātkṛtaḥ / (5.1) Par.?

utsṛjya phalapatrāṇi pādapaḥ śoṣam āgataḥ // (5.2) Par.?

tasmin vṛkṣe tathābhūte koṭareṣu ciroṣitaḥ / (6.1) Par.?

na jahāti śuko vāsaṃ tasya bhaktyā vanaspateḥ // (6.2) Par.?

niṣpracāro nirāhāro glānaḥ śithilavāg api / (7.1) Par.?

kṛtajñaḥ saha vṛkṣeṇa dharmātmā sa vyaśuṣyata // (7.2) Par.?

tam udāraṃ mahāsattvam atimānuṣaceṣṭitam / (8.1) Par.?

samaduḥkhasukhaṃ jñātvā vismitaḥ pākaśāsanaḥ // (8.2) Par.?

tataścintām upagataḥ śakraḥ katham ayaṃ dvijaḥ / (9.1) Par.?

tiryagyonāvasaṃbhāvyam ānṛśaṃsyaṃ samāsthitaḥ // (9.2) Par.?

athavā nātra citraṃ hītyabhavad vāsavasya tu / (10.1) Par.?

prāṇinām iha sarveṣāṃ sarvaṃ sarvatra dṛśyate // (10.2) Par.?

tato brāhmaṇaveṣeṇa mānuṣaṃ rūpam āsthitaḥ / (11.1) Par.?

avatīrya mahīṃ śakrastaṃ pakṣiṇam uvāca ha // (11.2) Par.?

śuka bhoḥ pakṣiṇāṃ śreṣṭha dākṣeyī suprajāstvayā / (12.1) Par.?

pṛcche tvā śuṣkam etaṃ vai kasmānna tyajasi drumam // (12.2) Par.?

atha pṛṣṭaḥ śukaḥ prāha mūrdhnā samabhivādya tam / (13.1) Par.?

svāgataṃ devarājāya vijñātastapasā mayā // (13.2) Par.?

tato daśaśatākṣeṇa sādhu sādhviti bhāṣitam / (14.1) Par.?

aho vijñānam ityevaṃ tapasā pūjitastataḥ // (14.2) Par.?

tam evaṃ śubhakarmāṇaṃ śukaṃ paramadhārmikam / (15.1) Par.?

vijānann api tāṃ prāptiṃ papraccha balasūdanaḥ // (15.2) Par.?

niṣpatram aphalaṃ śuṣkam aśaraṇyaṃ patatriṇām / (16.1) Par.?

kimarthaṃ sevase vṛkṣaṃ yadā mahad idaṃ vanam // (16.2) Par.?

anye 'pi bahavo vṛkṣāḥ patrasaṃchannakoṭarāḥ / (17.1) Par.?

śubhāḥ paryāptasaṃcārā vidyante 'sminmahāvane // (17.2) Par.?

gatāyuṣam asāmarthyaṃ kṣīṇasāraṃ hataśriyam / (18.1) Par.?

vimṛśya prajñayā dhīra jahīmaṃ hyasthiraṃ drumam // (18.2) Par.?

tad upaśrutya dharmātmā śukaḥ śakreṇa bhāṣitam / (19.1) Par.?

sudīrgham abhiniḥśvasya dīno vākyam uvāca ha // (19.2) Par.?

anatikramaṇīyāni daivatāni śacīpate / (20.1) Par.?

yatrābhavastatra bhavastannibodha surādhipa // (20.2) Par.?

asminn ahaṃ drume jātaḥ sādhubhiśca guṇair yutaḥ / (21.1) Par.?

bālabhāve ca saṃguptaḥ śatrubhiśca na dharṣitaḥ // (21.2) Par.?

kim anukrośavaiphalyam utpādayasi me 'nagha / (22.1) Par.?

ānṛśaṃsye 'nuraktasya bhaktasyānugatasya ca // (22.2) Par.?

anukrośo hi sādhūnāṃ sumahad dharmalakṣaṇam / (23.1) Par.?

anukrośaśca sādhūnāṃ sadā prītiṃ prayacchati // (23.2) Par.?

tvam eva daivataiḥ sarvaiḥ pṛcchyase dharmasaṃśayān / (24.1) Par.?

atastvaṃ deva devānām ādhipatye pratiṣṭhitaḥ // (24.2) Par.?

nārhasi tvaṃ sahasrākṣa tyājayitveha bhaktitaḥ / (25.1) Par.?

samartham upajīvyemaṃ tyajeyaṃ katham adya vai // (25.2) Par.?

tasya vākyena saumyena harṣitaḥ pākaśāsanaḥ / (26.1) Par.?

śukaṃ provāca dharmajñam ānṛśaṃsyena toṣitaḥ // (26.2) Par.?

varaṃ vṛṇīṣveti tadā sa ca vavre varaṃ śukaḥ / (27.1) Par.?

ānṛśaṃsyaparo nityaṃ tasya vṛkṣasya saṃbhavam // (27.2) Par.?

viditvā ca dṛḍhāṃ śakrastāṃ śuke śīlasaṃpadam / (28.1) Par.?

prītaḥ kṣipram atho vṛkṣam amṛtenāvasiktavān // (28.2) Par.?

tataḥ phalāni patrāṇi śākhāścāpi manoramāḥ / (29.1) Par.?

śukasya dṛḍhabhaktitvācchrīmattvaṃ cāpa sa drumaḥ // (29.2) Par.?

śukaśca karmaṇā tena ānṛśaṃsyakṛtena ha / (30.1) Par.?

āyuṣo 'nte mahārāja prāpa śakrasalokatām // (30.2) Par.?

evam eva manuṣyendra bhaktimantaṃ samāśritaḥ / (31.1) Par.?

sarvārthasiddhiṃ labhate śukaṃ prāpya yathā drumaḥ // (31.2) Par.?

Duration=0.147616147995 secs.