Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 9238
  • Click on a sentence to show its analysis
  • Keep the mouse pointer over a lemma to show its meanings.
yudhiṣṭhira uvāca / (1.1) Par.?
na bibheti kathaṃ sā strī śāpasya paramadyuteḥ / (1.2) Par.?
kathaṃ nivṛtto bhagavāṃstad bhavān prabravītu me // (1.3) Par.?
bhīṣma uvāca / (2.1) Par.?
aṣṭāvakro 'nvapṛcchat tāṃ rūpaṃ vikuruṣe katham / (2.2) Par.?
na cānṛtaṃ te vaktavyaṃ brūhi brāhmaṇakāmyayā // (2.3) Par.?
stryuvāca / (3.1) Par.?
dyāvāpṛthivīmātraiṣā kāmyā brāhmaṇasattama / (3.2) Par.?
śṛṇuṣvāvahitaḥ sarvaṃ yad idaṃ satyavikrama // (3.3) Par.?
uttarāṃ māṃ diśaṃ viddhi dṛṣṭaṃ strīcāpalaṃ ca te / (4.1) Par.?
avyutthānena te lokā jitāḥ satyaparākrama // (4.2) Par.?
jijñāseyaṃ prayuktā me sthirīkartuṃ tavānagha / (5.1) Par.?
sthavirāṇām api strīṇāṃ bādhate maithunajvaraḥ // (5.2) Par.?
tuṣṭaḥ pitāmahaste 'dya tathā devāḥ savāsavāḥ / (6.1) Par.?
sa tvaṃ yena ca kāryeṇa samprāpto bhagavān iha // (6.2) Par.?
preṣitastena vipreṇa kanyāpitrā dvijarṣabha / (7.1) Par.?
tavopadeśaṃ kartuṃ vai tacca sarvaṃ kṛtaṃ mayā // (7.2) Par.?
kṣemī gamiṣyasi gṛhāñ śramaśca na bhaviṣyati / (8.1) Par.?
kanyāṃ prāpsyasi tāṃ vipra putriṇī ca bhaviṣyati // (8.2) Par.?
kāmyayā pṛṣṭavāṃstvaṃ māṃ tato vyāhṛtam uttaram / (9.1) Par.?
anatikramaṇīyaiṣā kṛtsnair lokaistribhiḥ sadā // (9.2) Par.?
gacchasva sukṛtaṃ kṛtvā kiṃ vānyacchrotum icchasi / (10.1) Par.?
yāvad bravīmi viprarṣe aṣṭāvakra yathātatham // (10.2) Par.?
ṛṣiṇā prasāditā cāsmi tava hetor dvijarṣabha / (11.1) Par.?
tasya saṃmānanārthaṃ me tvayi vākyaṃ prabhāṣitam // (11.2) Par.?
śrutvā tu vacanaṃ tasyāḥ sa vipraḥ prāñjaliḥ sthitaḥ / (12.1) Par.?
anujñātastayā cāpi svagṛhaṃ punar āvrajat // (12.2) Par.?
gṛham āgamya viśrāntaḥ svajanaṃ pratipūjya ca / (13.1) Par.?
abhyagacchata taṃ vipraṃ nyāyataḥ kurunandana // (13.2) Par.?
pṛṣṭaśca tena vipreṇa dṛṣṭaṃ tvetannidarśanam / (14.1) Par.?
prāha vipraṃ tadā vipraḥ suprītenāntarātmanā // (14.2) Par.?
bhavatāham anujñātaḥ prasthito gandhamādanam / (15.1) Par.?
tasya cottarato deśe dṛṣṭaṃ tad daivataṃ mahat // (15.2) Par.?
tayā cāham anujñāto bhavāṃścāpi prakīrtitaḥ / (16.1) Par.?
śrāvitaścāpi tad vākyaṃ gṛham abhyāgataḥ prabho // (16.2) Par.?
tam uvāca tato vipraḥ pratigṛhṇīṣva me sutām / (17.1) Par.?
nakṣatratithisaṃyoge pātraṃ hi paramaṃ bhavān // (17.2) Par.?
bhīṣma uvāca / (18.1) Par.?
aṣṭāvakrastathetyuktvā pratigṛhya ca tāṃ prabho / (18.2) Par.?
kanyāṃ paramadharmātmā prītimāṃścābhavat tadā // (18.3) Par.?
kanyāṃ tāṃ pratigṛhyaiva bhāryāṃ paramaśobhanām / (19.1) Par.?
uvāsa muditastatra āśrame sve gatajvaraḥ // (19.2) Par.?
Duration=0.15123009681702 secs.