Texts

yudhiṣṭhira uvāca / (1.1) Par.?

ime vai mānavā loke strīṣu sajantyabhīkṣṇaśaḥ / (1.2) Par.?

mohena param āviṣṭā daivādiṣṭena pārthiva / (1.3) Par.?

striyaśca puruṣeṣveva pratyakṣaṃ lokasākṣikam // (1.4) Par.?

atra me saṃśayastīvro hṛdi samparivartate / (2.1) Par.?

katham āsāṃ narāḥ saṅgaṃ kurvate kurunandana / (2.2) Par.?

striyo vā teṣu rajyante virajyante 'thavā punaḥ // (2.3) Par.?

iti tāḥ puruṣavyāghra kathaṃ śakyāḥ sma rakṣitum / (3.1) Par.?

pramadāḥ puruṣeṇeha tanme vyākhyātum arhasi // (3.2) Par.?

etā hi mayamāyābhir vañcayantīha mānavān / (4.1) Par.?

na cāsāṃ mucyate kaścit puruṣo hastam āgataḥ / (4.2) Par.?

gāvo navatṛṇānīva gṛhṇantyeva navānnavān // (4.3) Par.?

śambarasya ca yā māyā yā māyā namucer api / (5.1) Par.?

baleḥ kumbhīnaseścaiva sarvāstā yoṣito viduḥ // (5.2) Par.?

hasantaṃ prahasantyetā rudantaṃ prarudanti ca / (6.1) Par.?

apriyaṃ priyavākyaiśca gṛhṇate kālayogataḥ // (6.2) Par.?

uśanā veda yacchāstraṃ yacca veda bṛhaspatiḥ / (7.1) Par.?

strībuddhyā na viśiṣyete tāḥ sma rakṣyāḥ kathaṃ naraiḥ // (7.2) Par.?

anṛtaṃ satyam ityāhuḥ satyaṃ cāpi tathānṛtam / (8.1) Par.?

iti yāstāḥ kathaṃ vīra saṃrakṣyāḥ puruṣair iha // (8.2) Par.?

strīṇāṃ buddhyupaniṣkarṣād arthaśāstrāṇi śatruhan / (9.1) Par.?

bṛhaspatiprabhṛtibhir manye sadbhiḥ kṛtāni vai // (9.2) Par.?

sampūjyamānāḥ puruṣair vikurvanti mano nṛṣu / (10.1) Par.?

apāstāśca tathā rājan vikurvanti manaḥ striyaḥ // (10.2) Par.?

kastāḥ śakto rakṣituṃ syād iti me saṃśayo mahān / (11.1) Par.?

tanme brūhi mahābāho kurūṇāṃ vaṃśavardhana // (11.2) Par.?

yadi śakyā kuruśreṣṭha rakṣā tāsāṃ kathaṃcana / (12.1) Par.?

kartuṃ vā kṛtapūrvā vā tanme vyākhyātum arhasi // (12.2) Par.?