Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 9271
  • Click on a sentence to show its analysis
  • Keep the mouse pointer over a lemma to show its meanings.
cyavana uvāca / (1.1) Par.?
varaśca gṛhyatāṃ matto yaśca te saṃśayo hṛdi / (1.2) Par.?
taṃ ca brūhi naraśreṣṭha sarvaṃ sampādayāmi te // (1.3) Par.?
kuśika uvāca / (2.1) Par.?
yadi prīto 'si bhagavaṃstato me vada bhārgava / (2.2) Par.?
kāraṇaṃ śrotum icchāmi madgṛhe vāsakāritam // (2.3) Par.?
śayanaṃ caikapārśvena divasān ekaviṃśatim / (3.1) Par.?
akiṃcid uktvā gamanaṃ bahiśca munipuṃgava // (3.2) Par.?
antardhānam akasmācca punar eva ca darśanam / (4.1) Par.?
punaśca śayanaṃ vipra divasān ekaviṃśatim // (4.2) Par.?
tailābhyaktasya gamanaṃ bhojanaṃ ca gṛhe mama / (5.1) Par.?
samupānīya vividhaṃ yad dagdhaṃ jātavedasā / (5.2) Par.?
niryāṇaṃ ca rathenāśu sahasā yat kṛtaṃ tvayā // (5.3) Par.?
dhanānāṃ ca visargasya vanasyāpi ca darśanam / (6.1) Par.?
prāsādānāṃ bahūnāṃ ca kāñcanānāṃ mahāmune // (6.2) Par.?
maṇividrumapādānāṃ paryaṅkānāṃ ca darśanam / (7.1) Par.?
punaścādarśanaṃ tasya śrotum icchāmi kāraṇam // (7.2) Par.?
atīva hyatra muhyāmi cintayāno divāniśam / (8.1) Par.?
na caivātrādhigacchāmi sarvasyāsya viniścayam / (8.2) Par.?
etad icchāmi kārtsnyena satyaṃ śrotuṃ tapodhana // (8.3) Par.?
cyavana uvāca / (9.1) Par.?
śṛṇu sarvam aśeṣeṇa yad idaṃ yena hetunā / (9.2) Par.?
na hi śakyam anākhyātum evaṃ pṛṣṭena pārthiva // (9.3) Par.?
pitāmahasya vadataḥ purā devasamāgame / (10.1) Par.?
śrutavān asmi yad rājaṃstanme nigadataḥ śṛṇu // (10.2) Par.?
brahmakṣatravirodhena bhavitā kulasaṃkaraḥ / (11.1) Par.?
pautraste bhavitā rājaṃstejovīryasamanvitaḥ // (11.2) Par.?
tataḥ svakularakṣārtham ahaṃ tvā samupāgamam / (12.1) Par.?
cikīrṣan kuśikocchedaṃ saṃdidhakṣuḥ kulaṃ tava // (12.2) Par.?
tato 'ham āgamya purā tvām avocaṃ mahīpate / (13.1) Par.?
niyamaṃ kaṃcid ārapsye śuśrūṣā kriyatām iti // (13.2) Par.?
na ca te duṣkṛtaṃ kiṃcid aham āsādayaṃ gṛhe / (14.1) Par.?
tena jīvasi rājarṣe na bhavethāstato 'nyathā // (14.2) Par.?
etāṃ buddhiṃ samāsthāya divasān ekaviṃśatim / (15.1) Par.?
supto 'smi yadi māṃ kaścid bodhayed iti pārthiva // (15.2) Par.?
yadā tvayā sabhāryeṇa saṃsupto na prabodhitaḥ / (16.1) Par.?
ahaṃ tadaiva te prīto manasā rājasattama // (16.2) Par.?
utthāya cāsmi niṣkrānto yadi māṃ tvaṃ mahīpate / (17.1) Par.?
pṛccheḥ kva yāsyasītyevaṃ śapeyaṃ tvām iti prabho // (17.2) Par.?
antarhitaścāsmi punaḥ punar eva ca te gṛhe / (18.1) Par.?
yogam āsthāya saṃviṣṭo divasān ekaviṃśatim // (18.2) Par.?
kṣudhito mām asūyethāḥ śramād veti narādhipa / (19.1) Par.?
etāṃ buddhiṃ samāsthāya karśitau vāṃ mayā kṣudhā // (19.2) Par.?
na ca te 'bhūt susūkṣmo 'pi manyur manasi pārthiva / (20.1) Par.?
sabhāryasya naraśreṣṭha tena te prītimān aham // (20.2) Par.?
bhojanaṃ ca samānāyya yat tad ādīpitaṃ mayā / (21.1) Par.?
krudhyethā yadi mātsaryād iti tanmarṣitaṃ ca te // (21.2) Par.?
tato 'haṃ ratham āruhya tvām avocaṃ narādhipa / (22.1) Par.?
sabhāryo māṃ vahasveti tacca tvaṃ kṛtavāṃstathā // (22.2) Par.?
aviśaṅko narapate prīto 'haṃ cāpi tena te / (23.1) Par.?
dhanotsarge 'pi ca kṛte na tvāṃ krodhaḥ pradharṣayat // (23.2) Par.?
tataḥ prītena te rājan punar etat kṛtaṃ tava / (24.1) Par.?
sabhāryasya vanaṃ bhūyastad viddhi manujādhipa // (24.2) Par.?
prītyarthaṃ tava caitanme svargasaṃdarśanaṃ kṛtam / (25.1) Par.?
yat te vane 'sminnṛpate dṛṣṭaṃ divyaṃ nidarśanam // (25.2) Par.?
svargoddeśastvayā rājan saśarīreṇa pārthiva / (26.1) Par.?
muhūrtam anubhūto 'sau sabhāryeṇa nṛpottama // (26.2) Par.?
nidarśanārthaṃ tapaso dharmasya ca narādhipa / (27.1) Par.?
tatra yāsīt spṛhā rājaṃstaccāpi viditaṃ mama // (27.2) Par.?
brāhmaṇyaṃ kāṅkṣase hi tvaṃ tapaśca pṛthivīpate / (28.1) Par.?
avamanya narendratvaṃ devendratvaṃ ca pārthiva // (28.2) Par.?
evam etad yathāttha tvaṃ brāhmaṇyaṃ tāta durlabham / (29.1) Par.?
brāhmaṇye sati carṣitvam ṛṣitve ca tapasvitā // (29.2) Par.?
bhaviṣyatyeṣa te kāmaḥ kuśikāt kauśiko dvijaḥ / (30.1) Par.?
tṛtīyaṃ puruṣaṃ prāpya brāhmaṇatvaṃ gamiṣyati // (30.2) Par.?
vaṃśaste pārthivaśreṣṭha bhṛgūṇām eva tejasā / (31.1) Par.?
pautraste bhavitā vipra tapasvī pāvakadyutiḥ // (31.2) Par.?
yaḥ sa devamanuṣyāṇāṃ bhayam utpādayiṣyati / (32.1) Par.?
trayāṇāṃ caiva lokānāṃ satyam etad bravīmi te // (32.2) Par.?
varaṃ gṛhāṇa rājarṣe yaste manasi vartate / (33.1) Par.?
tīrthayātrāṃ gamiṣyāmi purā kālo 'tivartate // (33.2) Par.?
kuśika uvāca / (34.1) Par.?
eṣa eva varo me 'dya yat tvaṃ prīto mahāmune / (34.2) Par.?
bhavatvetad yathāttha tvaṃ tapaḥ pautre mamānagha / (34.3) Par.?
brāhmaṇyaṃ me kulasyāstu bhagavann eṣa me varaḥ // (34.4) Par.?
punaścākhyātum icchāmi bhagavan vistareṇa vai / (35.1) Par.?
katham eṣyati vipratvaṃ kulaṃ me bhṛgunandana / (35.2) Par.?
kaścāsau bhavitā bandhur mama kaścāpi saṃmataḥ // (35.3) Par.?
Duration=0.2087550163269 secs.