Texts

Help

Select a text:
Bibliography

Select a chapter:
(no revisions)

Associated topic(s): Giving, dāna, cow

Show parallels Show headlines
Use dependency labeler

Chapter id: 9340

Click on a sentence to show its analysis
Keep the mouse pointer over a lemma to show its meanings.

yudhiṣṭhira uvāca / (1.1) Par.?

dattānāṃ phalasaṃprāptiṃ gavāṃ prabrūhi me 'nagha / (1.2) Par.?

vistareṇa mahābāho na hi tṛpyāmi kathyatām // (1.3) Par.?

bhīṣma uvāca / (2.1) Par.?

atrāpyudāharantīmam itihāsaṃ purātanam / (2.2) Par.?

ṛṣer uddālaker vākyaṃ nāciketasya cobhayoḥ // (2.3) Par.?

ṛṣir uddālakir dīkṣām upagamya tataḥ sutam / (3.1) Par.?

tvaṃ mām upacarasveti nāciketam abhāṣata / (3.2) Par.?

samāpte niyame tasminmaharṣiḥ putram abravīt // (3.3) Par.?

upasparśanasaktasya svādhyāyaniratasya ca / (4.1) Par.?

idhmā darbhāḥ sumanasaḥ kalaśaścābhito jalam / (4.2) Par.?

vismṛtaṃ me tad ādāya nadītīrād ihāvraja // (4.3) Par.?

gatvānavāpya tat sarvaṃ nadīvegasamāplutam / (5.1) Par.?

na paśyāmi tad ityevaṃ pitaraṃ so 'bravīnmuniḥ // (5.2) Par.?

kṣutpipāsāśramāviṣṭo munir uddālakistadā / (6.1) Par.?

yamaṃ paśyeti taṃ putram aśapat sa mahātapāḥ // (6.2) Par.?

tathā sa pitrābhihato vāgvajreṇa kṛtāñjaliḥ / (7.1) Par.?

prasīdeti bruvann eva gatasattvo 'patad bhuvi // (7.2) Par.?

nāciketaṃ pitā dṛṣṭvā patitaṃ duḥkhamūrchitaḥ / (8.1) Par.?

kiṃ mayā kṛtam ityuktvā nipapāta mahītale // (8.2) Par.?

tasya duḥkhaparītasya svaṃ putram upagūhataḥ / (9.1) Par.?

vyatītaṃ tad ahaḥśeṣaṃ sā cogrā tatra śarvarī // (9.2) Par.?

pitryeṇāśruprapātena nāciketaḥ kurūdvaha / (10.1) Par.?

prāspandacchayane kauśye vṛṣṭyā sasyam ivāplutam // (10.2) Par.?

sa paryapṛcchat taṃ putraṃ ślāghyaṃ pratyāgataṃ punaḥ / (11.1) Par.?

divyair gandhaiḥ samādigdhaṃ kṣīṇasvapnam ivotthitam // (11.2) Par.?

api putra jitā lokāḥ śubhāste svena karmaṇā / (12.1) Par.?

diṣṭyā cāsi punaḥ prāpto na hi te mānuṣaṃ vapuḥ // (12.2) Par.?

pratyakṣadarśī sarvasya pitrā pṛṣṭo mahātmanā / (13.1) Par.?

anvarthaṃ taṃ pitur madhye maharṣīṇāṃ nyavedayat // (13.2) Par.?

kurvan bhavacchāsanam āśu yāto hyahaṃ viśālāṃ ruciraprabhāvām / (14.1) Par.?

vaivasvatīṃ prāpya sabhām apaśyaṃ sahasraśo yojanahaimabhaumām // (14.2) Par.?

dṛṣṭvaiva mām abhimukham āpatantaṃ gṛhaṃ nivedyāsanam ādideśa / (15.1) Par.?

vaivasvato 'rghyādibhir arhaṇaiśca bhavatkṛte pūjayāmāsa māṃ saḥ // (15.2) Par.?

tatastvahaṃ taṃ śanakair avocaṃ vṛtaṃ sadasyair abhipūjyamānam / (16.1) Par.?

prāpto 'smi te viṣayaṃ dharmarāja lokān arhe yān sma tānme vidhatsva // (16.2) Par.?

yamo 'bravīnmāṃ na mṛto 'si saumya yamaṃ paśyetyāha tu tvāṃ tapasvī / (17.1) Par.?

pitā pradīptāgnisamānatejā na tacchakyam anṛtaṃ vipra kartum // (17.2) Par.?

dṛṣṭaste 'haṃ pratigacchasva tāta śocatyasau tava dehasya kartā / (18.1) Par.?

dadāmi kiṃ cāpi manaḥpraṇītaṃ priyātithe tava kāmān vṛṇīṣva // (18.2) Par.?

tenaivam uktastam ahaṃ pratyavocaṃ prāpto 'smi te viṣayaṃ durnivartyam / (19.1) Par.?

icchāmyahaṃ puṇyakṛtāṃ samṛddhāṃllokān draṣṭuṃ yadi te 'haṃ varārhaḥ // (19.2) Par.?

yānaṃ samāropya tu māṃ sa devo vāhair yuktaṃ suprabhaṃ bhānumantam / (20.1) Par.?

saṃdarśayāmāsa tadā sma lokān sarvāṃstadā puṇyakṛtāṃ dvijendra // (20.2) Par.?

apaśyaṃ tatra veśmāni taijasāni kṛtātmanām / (21.1) Par.?

nānāsaṃsthānarūpāṇi sarvaratnamayāni ca // (21.2) Par.?

candramaṇḍalaśubhrāṇi kiṅkiṇījālavanti ca / (22.1) Par.?

anekaśatabhaumāni sāntarjalavanāni ca // (22.2) Par.?

vaiḍūryārkaprakāśāni rūpyarukmamayāni ca / (23.1) Par.?

taruṇādityavarṇāni sthāvarāṇi carāṇi ca // (23.2) Par.?

bhakṣyabhojyamayāñ śailān vāsāṃsi śayanāni ca / (24.1) Par.?

sarvakāmaphalāṃścaiva vṛkṣān bhavanasaṃsthitān // (24.2) Par.?

nadyo vīthyaḥ sabhā vāpī dīrghikāścaiva sarvaśaḥ / (25.1) Par.?

ghoṣavanti ca yānāni yuktānyeva sahasraśaḥ // (25.2) Par.?

kṣīrasravā vai sarito girīṃśca sarpistathā vimalaṃ cāpi toyam / (26.1) Par.?

vaivasvatasyānumatāṃśca deśān adṛṣṭapūrvān subahūn apaśyam // (26.2) Par.?

sarvaṃ dṛṣṭvā tad ahaṃ dharmarājam avocaṃ vai prabhaviṣṇuṃ purāṇam / (27.1) Par.?

kṣīrasyaitāḥ sarpiṣaścaiva nadyaḥ śaśvatsrotāḥ kasya bhojyāḥ pradiṣṭāḥ // (27.2) Par.?

yamo 'bravīd viddhi bhojyāstvam etā ye dātāraḥ sādhavo gorasānām / (28.1) Par.?

anye lokāḥ śāśvatā vītaśokāḥ samākīrṇā gopradāne ratānām // (28.2) Par.?

na tvevāsāṃ dānamātraṃ praśastaṃ pātraṃ kālo goviśeṣo vidhiśca / (29.1) Par.?

jñātvā deyā vipra gavāntaraṃ hi duḥkhaṃ jñātuṃ pāvakādityabhūtam // (29.2) Par.?

svādhyāyāḍhyo yo 'timātraṃ tapasvī vaitānastho brāhmaṇaḥ pātram āsām / (30.1) Par.?

kṛcchrotsṛṣṭāḥ poṣaṇābhyāgatāśca dvārair etair goviśeṣāḥ praśastāḥ // (30.2) Par.?

tisro rātrīr adbhir upoṣya bhūmau tṛptā gāvastarpitebhyaḥ pradeyāḥ / (31.1) Par.?

vatsaiḥ prītāḥ suprajāḥ sopacārās tryahaṃ dattvā gorasair vartitavyam // (31.2) Par.?

dattvā dhenuṃ suvratāṃ kāṃsyadohāṃ kalyāṇavatsām apalāyinīṃ ca / (32.1) Par.?

yāvanti lomāni bhavanti tasyās tāvad varṣāṇyaśnute svargalokam // (32.2) Par.?

tathānaḍvāhaṃ brāhmaṇāya pradāya dāntaṃ dhuryaṃ balavantaṃ yuvānam / (33.1) Par.?

kulānujīvaṃ vīryavantaṃ bṛhantaṃ bhuṅkte lokān saṃmitān dhenudasya // (33.2) Par.?

goṣu kṣāntaṃ gośaraṇyaṃ kṛtajñaṃ vṛttiglānaṃ tādṛśaṃ pātram āhuḥ / (34.1) Par.?

vṛttiglāne saṃbhrame vā mahārthe kṛṣyarthe vā homahetoḥ prasūtyām // (34.2) Par.?

gurvarthe vā bālapuṣṭyābhiṣaṅgād gāvo dātuṃ deśakālo 'viśiṣṭaḥ / (35.1) Par.?

antarjātāḥ sukrayajñānalabdhāḥ prāṇakrītā nirjitāścaudakāśca // (35.2) Par.?

nāciketa uvāca / (36.1) Par.?

śrutvā vaivasvatavacastam ahaṃ punar abruvam / (36.2) Par.?

agomī gopradātṝṇāṃ kathaṃ lokānnigacchati // (36.3) Par.?

tato yamo 'bravīd dhīmān gopradāne parāṃ gatim / (37.1) Par.?

gopradānānukalpaṃ tu gām ṛte santi gopradāḥ // (37.2) Par.?

alābhe yo gavāṃ dadyād ghṛtadhenuṃ yatavrataḥ / (38.1) Par.?

tasyaitā ghṛtavāhinyaḥ kṣarante vatsalā iva // (38.2) Par.?

ghṛtālābhe ca yo dadyāt tiladhenuṃ yatavrataḥ / (39.1) Par.?

sa durgāt tārito dhenvā kṣīranadyāṃ pramodate // (39.2) Par.?

tilālābhe ca yo dadyājjaladhenuṃ yatavrataḥ / (40.1) Par.?

sa kāmapravahāṃ śītāṃ nadīm etām upāśnute // (40.2) Par.?

evamādīni me tatra dharmarājo nyadarśayat / (41.1) Par.?

dṛṣṭvā ca paramaṃ harṣam avāpam aham acyuta // (41.2) Par.?

nivedaye cāpi priyaṃ bhavatsu kratur mahān alpadhanapracāraḥ / (42.1) Par.?

prāpto mayā tāta sa matprasūtaḥ prapatsyate vedavidhipravṛttaḥ // (42.2) Par.?

śāpo hyayaṃ bhavato 'nugrahāya prāpto mayā yatra dṛṣṭo yamo me / (43.1) Par.?

dānavyuṣṭiṃ tatra dṛṣṭvā mahārthāṃ niḥsaṃdigdhaṃ dānadharmāṃścariṣye // (43.2) Par.?

idaṃ ca mām abravīd dharmarājaḥ punaḥ punaḥ samprahṛṣṭo dvijarṣe / (44.1) Par.?

dānena tāta prayato 'bhūḥ sadaiva viśeṣato gopradānaṃ ca kuryāḥ // (44.2) Par.?

śuddho hyartho nāvamanyaḥ svadharmāt pātre deyaṃ deśakālopapanne / (45.1) Par.?

tasmād gāvaste nityam eva pradeyā mā bhūcca te saṃśayaḥ kaścid atra // (45.2) Par.?

etāḥ purā adadannityam eva śāntātmāno dānapathe niviṣṭāḥ / (46.1) Par.?

tapāṃsyugrāṇyapratiśaṅkamānās te vai dānaṃ pradaduścāpi śaktyā // (46.2) Par.?

kāle śaktyā matsaraṃ varjayitvā śuddhātmānaḥ śraddhinaḥ puṇyaśīlāḥ / (47.1) Par.?

dattvā taptvā lokam amuṃ prapannā dedīpyante puṇyaśīlāśca nāke // (47.2) Par.?

etad dānaṃ nyāyalabdhaṃ dvijebhyaḥ pātre dattaṃ prāpaṇīyaṃ parīkṣya / (48.1) Par.?

kāmyāṣṭamyāṃ vartitavyaṃ daśāhaṃ rasair gavāṃ śakṛtā prasnavair vā // (48.2) Par.?

vedavratī syād vṛṣabhapradātā vedāvāptir goyugasya pradāne / (49.1) Par.?

tīrthāvāptir goprayuktapradāne pāpotsargaḥ kapilāyāḥ pradāne // (49.2) Par.?

gām apyekāṃ kapilāṃ sampradāya nyāyopetāṃ kalmaṣād vipramucyet / (50.1) Par.?

gavāṃ rasāt paramaṃ nāsti kiṃcid gavāṃ dānaṃ sumahat tad vadanti // (50.2) Par.?

gāvo lokān dhārayanti kṣarantyo gāvaścānnaṃ saṃjanayanti loke / (51.1) Par.?

yastajjānanna gavāṃ hārdam eti sa vai gantā nirayaṃ pāpacetāḥ // (51.2) Par.?

yat te dātuṃ gosahasraṃ śataṃ vā śatārdhaṃ vā daśa vā sādhuvatsāḥ / (52.1) Par.?

apyekāṃ vā sādhave brāhmaṇāya sāsyāmuṣmin puṇyatīrthā nadī vai // (52.2) Par.?

prāptyā puṣṭyā lokasaṃrakṣaṇena gāvastulyāḥ sūryapādaiḥ pṛthivyām / (53.1) Par.?

śabdaścaikaḥ saṃtatiścopabhogas tasmād godaḥ sūrya ivābhibhāti // (53.2) Par.?

guruṃ śiṣyo varayed gopradāne sa vai vaktā niyataṃ svargadātā / (54.1) Par.?

vidhijñānāṃ sumahān eṣa dharmo vidhiṃ hyādyaṃ vidhayaḥ saṃśrayanti // (54.2) Par.?

etad dānaṃ nyāyalabdhaṃ dvijebhyaḥ pātre dattvā prāpayethāḥ parīkṣya / (55.1) Par.?

tvayyāśaṃsantyamarā mānavāśca vayaṃ cāpi prasṛte puṇyaśīlāḥ // (55.2) Par.?

ityukto 'haṃ dharmarājñā maharṣe dharmātmānaṃ śirasābhipraṇamya / (56.1) Par.?

anujñātastena vaivasvatena pratyāgamaṃ bhagavatpādamūlam // (56.2) Par.?

Duration=0.21306705474854 secs.