Texts

Select a text:
Bibliography

Select a chapter:
(no revisions)

Associated topic(s): Giving, dāna, cow

Show parallels Show headlines
Use dependency labeler

Chapter id: 9341

yudhiṣṭhira uvāca / (1.1) Par.?

uktaṃ vai gopradānaṃ te nāciketam ṛṣiṃ prati / (1.2) Par.?

māhātmyam api caivoktam uddeśena gavāṃ prabho // (1.3) Par.?

nṛgeṇa ca yathā duḥkham anubhūtaṃ mahātmanā / (2.1) Par.?

ekāparādhād ajñānāt pitāmaha mahāmate // (2.2) Par.?

dvāravatyāṃ yathā cāsau niviśantyāṃ samuddhṛtaḥ / (3.1) Par.?

mokṣahetur abhūt kṛṣṇastad apyavadhṛtaṃ mayā // (3.2) Par.?

kiṃ tvasti mama saṃdeho gavāṃ lokaṃ prati prabho / (4.1) Par.?

tattvataḥ śrotum icchāmi godā yatra viśantyuta // (4.2) Par.?

bhīṣma uvāca / (5.1) Par.?

atrāpyudāharantīmam itihāsaṃ purātanam / (5.2) Par.?

yathāpṛcchat padmayonim etad eva śatakratuḥ // (5.3) Par.?

śakra uvāca / (6.1) Par.?

svarlokavāsināṃ lakṣmīm abhibhūya svayā tviṣā / (6.2) Par.?

golokavāsinaḥ paśye vrajataḥ saṃśayo 'tra me // (6.3) Par.?

kīdṛśā bhagavaṃllokā gavāṃ tad brūhi me 'nagha / (7.1) Par.?

yān āvasanti dātāra etad icchāmi veditum // (7.2) Par.?

kīdṛśāḥ kiṃphalāḥ kaḥ svit paramastatra vai guṇaḥ / (8.1) Par.?

kathaṃ ca puruṣāstatra gacchanti vigatajvarāḥ // (8.2) Par.?

kiyat kālaṃ pradānasya dātā ca phalam aśnute / (9.1) Par.?

kathaṃ bahuvidhaṃ dānaṃ syād alpam api vā katham // (9.2) Par.?

bahvīnāṃ kīdṛśaṃ dānam alpānāṃ vāpi kīdṛśam / (10.1) Par.?

adattvā gopradāḥ santi kena vā tacca śaṃsa me // (10.2) Par.?

kathaṃ ca bahudātā syād alpadātrā samaḥ prabho / (11.1) Par.?

alpapradātā bahudaḥ kathaṃ ca syād iheśvara // (11.2) Par.?

kīdṛśī dakṣiṇā caiva gopradāne viśiṣyate / (12.1) Par.?

etat tathyena bhagavanmama śaṃsitum arhasi // (12.2) Par.?

Duration=0.03836989402771 secs.