Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 9441
  • Click on a sentence to show its analysis
  • Keep the mouse pointer over a lemma to show its meanings.
vaiśaṃpāyana uvāca / (1.1) Par.?
tūṣṇīṃbhūte tadā bhīṣme paṭe citram ivārpitam / (1.2) Par.?
muhūrtam iva ca dhyātvā vyāsaḥ satyavatīsutaḥ / (1.3) Par.?
nṛpaṃ śayānaṃ gāṅgeyam idam āha vacastadā // (1.4) Par.?
rājan prakṛtim āpannaḥ kururājo yudhiṣṭhiraḥ / (2.1) Par.?
sahito bhrātṛbhiḥ sarvaiḥ pārthivaiścānuyāyibhiḥ // (2.2) Par.?
upāste tvāṃ naravyāghra saha kṛṣṇena dhīmatā / (3.1) Par.?
tam imaṃ purayānāya tvam anujñātum arhasi // (3.2) Par.?
evam ukto bhagavatā vyāsena pṛthivīpatiḥ / (4.1) Par.?
yudhiṣṭhiraṃ sahāmātyam anujajñe nadīsutaḥ // (4.2) Par.?
uvāca cainaṃ madhuraṃ tataḥ śāṃtanavo nṛpaḥ / (5.1) Par.?
praviśasva puraṃ rājan vyetu te mānaso jvaraḥ // (5.2) Par.?
yajasva vividhair yajñair bahvannaiḥ svāptadakṣiṇaiḥ / (6.1) Par.?
yayātir iva rājendra śraddhādamapuraḥsaraḥ // (6.2) Par.?
kṣatradharmarataḥ pārtha pitṝn devāṃśca tarpaya / (7.1) Par.?
śreyasā yokṣyase caiva vyetu te mānaso jvaraḥ // (7.2) Par.?
rañjayasva prajāḥ sarvāḥ prakṛtīḥ parisāntvaya / (8.1) Par.?
suhṛdaḥ phalasatkārair abhyarcaya yathārhataḥ // (8.2) Par.?
anu tvāṃ tāta jīvantu mitrāṇi suhṛdastathā / (9.1) Par.?
caityasthāne sthitaṃ vṛkṣaṃ phalavantam iva dvijāḥ // (9.2) Par.?
āgantavyaṃ ca bhavatā samaye mama pārthiva / (10.1) Par.?
vinivṛtte dinakare pravṛtte cottarāyaṇe // (10.2) Par.?
tathetyuktvā tu kaunteyaḥ so 'bhivādya pitāmaham / (11.1) Par.?
prayayau saparīvāro nagaraṃ nāgasāhvayam // (11.2) Par.?
dhṛtarāṣṭraṃ puraskṛtya gāndhārīṃ ca pativratām / (12.1) Par.?
saha tair ṛṣibhiḥ sarvair bhrātṛbhiḥ keśavena ca // (12.2) Par.?
paurajānapadaiścaiva mantrivṛddhaiśca pārthivaḥ / (13.1) Par.?
praviveśa kuruśreṣṭha puraṃ vāraṇasāhvayam // (13.2) Par.?
Duration=0.063943862915039 secs.