Texts

Help

Select a text:
Bibliography
Select a chapter:
 (no revisions)
Associated topic(s): Sacrifice, yajña, hiṃsā, ahiṃsā

Show parallels  Show headlines
Use dependency labeler
Chapter id: 8669
  • Click on a sentence to show its analysis
  • Keep the mouse pointer over a lemma to show its meanings.
brāhmaṇa uvāca / (1.1) Par.?
gandhānna jighrāmi rasānna vedmi rūpaṃ na paśyāmi na ca spṛśāmi / (1.2) Par.?
na cāpi śabdān vividhāñ śṛṇomi na cāpi saṃkalpam upaimi kiṃcit // (1.3) Par.?
arthān iṣṭān kāmayate svabhāvaḥ sarvān dveṣyān pradviṣate svabhāvaḥ / (2.1) Par.?
kāmadveṣāvudbhavataḥ svabhāvāt prāṇāpānau jantudehānniveśya // (2.2) Par.?
tebhyaścānyāṃsteṣvanityāṃśca bhāvān bhūtātmānaṃ lakṣayeyaṃ śarīre / (3.1) Par.?
tasmiṃstiṣṭhannāsmi śakyaḥ kathaṃcit kāmakrodhābhyāṃ jarayā mṛtyunā ca // (3.2) Par.?
akāmayānasya ca sarvakāmān avidviṣāṇasya ca sarvadoṣān / (4.1) Par.?
na me svabhāveṣu bhavanti lepās toyasya bindor iva puṣkareṣu // (4.2) Par.?
nityasya caitasya bhavanti nityā nirīkṣamāṇasya bahūn svabhāvān / (5.1) Par.?
na sajjate karmasu bhogajālaṃ divīva sūryasya mayūkhajālam // (5.2) Par.?
atrāpyudāharantīmam itihāsaṃ purātanam / (6.1) Par.?
adhvaryuyatisaṃvādaṃ taṃ nibodha yaśasvini // (6.2) Par.?
prokṣyamāṇaṃ paśuṃ dṛṣṭvā yajñakarmaṇyathābravīt / (7.1) Par.?
yatir adhvaryum āsīno hiṃseyam iti kutsayan // (7.2) Par.?
tam adhvaryuḥ pratyuvāca nāyaṃ chāgo vinaśyati / (8.1) Par.?
śreyasā yokṣyate jantur yadi śrutir iyaṃ tathā // (8.2) Par.?
yo hyasya pārthivo bhāgaḥ pṛthivīṃ sa gamiṣyati / (9.1) Par.?
yad asya vārijaṃ kiṃcid apastat pratipadyate // (9.2) Par.?
sūryaṃ cakṣur diśaḥ śrotre prāṇo 'sya divam eva ca / (10.1) Par.?
āgame vartamānasya na me doṣo 'sti kaścana // (10.2) Par.?
yatir uvāca / (11.1) Par.?
prāṇair viyoge chāgasya yadi śreyaḥ prapaśyasi / (11.2) Par.?
chāgārthe vartate yajño bhavataḥ kiṃ prayojanam // (11.3) Par.?
anu tvā manyatāṃ mātā pitā bhrātā sakhāpi ca / (12.1) Par.?
mantrayasvainam unnīya paravantaṃ viśeṣataḥ // (12.2) Par.?
ya evam anumanyeraṃstān bhavān praṣṭum arhati / (13.1) Par.?
teṣām anumataṃ śrutvā śakyā kartuṃ vicāraṇā // (13.2) Par.?
prāṇā apyasya chāgasya prāpitāste svayoniṣu / (14.1) Par.?
śarīraṃ kevalaṃ śiṣṭaṃ niśceṣṭam iti me matiḥ // (14.2) Par.?
indhanasya tu tulyena śarīreṇa vicetasā / (15.1) Par.?
hiṃsā nirveṣṭukāmānām indhanaṃ paśusaṃjñitam // (15.2) Par.?
ahiṃsā sarvadharmāṇām iti vṛddhānuśāsanam / (16.1) Par.?
yad ahiṃsraṃ bhavet karma tat kāryam iti vidmahe // (16.2) Par.?
ahiṃseti pratijñeyaṃ yadi vakṣyāmyataḥ param / (17.1) Par.?
śakyaṃ bahuvidhaṃ vaktuṃ bhavataḥ kāryadūṣaṇam // (17.2) Par.?
ahiṃsā sarvabhūtānāṃ nityam asmāsu rocate / (18.1) Par.?
pratyakṣataḥ sādhayāmo na parokṣam upāsmahe // (18.2) Par.?
adhvaryur uvāca / (19.1) Par.?
bhūmer gandhaguṇān bhuṅkṣe pibasyāpomayān rasān / (19.2) Par.?
jyotiṣāṃ paśyase rūpaṃ spṛśasyanilajān guṇān // (19.3) Par.?
śṛṇoṣyākāśajaṃ śabdaṃ manasā manyase matim / (20.1) Par.?
sarvāṇyetāni bhūtāni prāṇā iti ca manyase // (20.2) Par.?
prāṇādāne ca nityo 'si hiṃsāyāṃ vartate bhavān / (21.1) Par.?
nāsti ceṣṭā vinā hiṃsāṃ kiṃ vā tvaṃ manyase dvija // (21.2) Par.?
yatir uvāca / (22.1) Par.?
akṣaraṃ ca kṣaraṃ caiva dvaidhībhāvo 'yam ātmanaḥ / (22.2) Par.?
akṣaraṃ tatra sadbhāvaḥ svabhāvaḥ kṣara ucyate // (22.3) Par.?
prāṇo jihvā manaḥ sattvaṃ svabhāvo rajasā saha / (23.1) Par.?
bhāvair etair vimuktasya nirdvaṃdvasya nirāśiṣaḥ // (23.2) Par.?
samasya sarvabhūteṣu nirmamasya jitātmanaḥ / (24.1) Par.?
samantāt parimuktasya na bhayaṃ vidyate kvacit // (24.2) Par.?
adhvaryur uvāca / (25.1) Par.?
sadbhir eveha saṃvāsaḥ kāryo matimatāṃ vara / (25.2) Par.?
bhavato hi mataṃ śrutvā pratibhāti matir mama // (25.3) Par.?
bhagavan bhagavadbuddhyā pratibuddho bravīmyaham / (26.1) Par.?
mataṃ mantuṃ kratuṃ kartuṃ nāparādho 'sti me dvija // (26.2) Par.?
brāhmaṇa uvāca / (27.1) Par.?
upapattyā yatistūṣṇīṃ vartamānastataḥ param / (27.2) Par.?
adhvaryur api nirmohaḥ pracacāra mahāmakhe // (27.3) Par.?
evam etādṛśaṃ mokṣaṃ susūkṣmaṃ brāhmaṇā viduḥ / (28.1) Par.?
viditvā cānutiṣṭhanti kṣetrajñenānudarśinā // (28.2) Par.?
Duration=0.20390701293945 secs.