Texts

Select a text:
Bibliography

Select a chapter:
(no revisions)

Associated topic(s): mahant

Show parallels Show headlines
Use dependency labeler

Chapter id: 8684

brahmovāca / (1.1) Par.?

avyaktāt pūrvam utpanno mahān ātmā mahāmatiḥ / (1.2) Par.?

ādir guṇānāṃ sarveṣāṃ prathamaḥ sarga ucyate // (1.3) Par.?

mahān ātmā matir viṣṇur viśvaḥ śaṃbhuśca vīryavān / (2.1) Par.?

buddhiḥ prajñopalabdhiśca tathā khyātir dhṛtiḥ smṛtiḥ // (2.2) Par.?

paryāyavācakaiḥ śabdair mahān ātmā vibhāvyate / (3.1) Par.?

taṃ jānan brāhmaṇo vidvānna pramohaṃ nigacchati // (3.2) Par.?

sarvataḥpāṇipādaśca sarvato'kṣiśiromukhaḥ / (4.1) Par.?

sarvataḥśrutimāṃl loke sarvaṃ vyāpya sa tiṣṭhati // (4.2) Par.?

mahāprabhārciḥ puruṣaḥ sarvasya hṛdi niśritaḥ / (5.1) Par.?

aṇimā laghimā prāptir īśāno jyotir avyayaḥ // (5.2) Par.?

tatra buddhimatāṃ lokāḥ saṃnyāsaniratāśca ye / (6.1) Par.?

dhyānino nityayogāśca satyasaṃdhā jitendriyāḥ // (6.2) Par.?

jñānavantaśca ye kecid alubdhā jitamanyavaḥ / (7.1) Par.?

prasannamanaso dhīrā nirmamā nirahaṃkṛtāḥ / (7.2) Par.?

vimuktāḥ sarva evaite mahattvam upayānti vai // (7.3) Par.?

ātmano mahato veda yaḥ puṇyāṃ gatim uttamām / (8.1) Par.?

sa dhīraḥ sarvalokeṣu na moham adhigacchati / (8.2) Par.?

viṣṇur evādisargeṣu svayaṃbhūr bhavati prabhuḥ // (8.3) Par.?

evaṃ hi yo veda guhāśayaṃ prabhuṃ naraḥ purāṇaṃ puruṣaṃ viśvarūpam / (9.1) Par.?

hiraṇmayaṃ buddhimatāṃ parāṃ gatiṃ sa buddhimān buddhim atītya tiṣṭhati // (9.2) Par.?

Duration=0.033246994018555 secs.