UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 8732
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
tathā prayāntaṃ vārṣṇeyaṃ dvārakāṃ bharatarṣabhāḥ / (1.2)
Par.?
pariṣvajya nyavartanta sānuyātrāḥ paraṃtapāḥ // (1.3)
Par.?
punaḥ punaśca vārṣṇeyaṃ paryaṣvajata phalgunaḥ / (2.1)
Par.?
ā cakṣurviṣayāccainaṃ dadarśa ca punaḥ punaḥ // (2.2)
Par.?
kṛcchreṇaiva ca tāṃ pārtho govinde viniveśitām / (3.1)
Par.?
saṃjahāra tadā dṛṣṭiṃ kṛṣṇaścāpyaparājitaḥ // (3.2)
Par.?
tasya prayāṇe yānyāsannimittāni mahātmanaḥ / (4.1)
Par.?
bahūnyadbhutarūpāṇi tāni me gadataḥ śṛṇu // (4.2)
Par.?
vāyur vegena mahatā rathasya purato vavau / (5.1)
Par.?
kurvanniḥśarkaraṃ mārgaṃ virajaskam akaṇṭakam // (5.2)
Par.?
vavarṣa vāsavaścāpi toyaṃ śuci sugandhi ca / (6.1)
Par.?
divyāni caiva puṣpāṇi purataḥ śārṅgadhanvanaḥ // (6.2)
Par.?
sa prayāto mahābāhuḥ sameṣu marudhanvasu / (7.1)
Par.?
dadarśātha muniśreṣṭham uttaṅkam amitaujasam // (7.2)
Par.?
sa taṃ sampūjya tejasvī muniṃ pṛthulalocanaḥ / (8.1)
Par.?
pūjitastena ca tadā paryapṛcchad anāmayam // (8.2)
Par.?
sa pṛṣṭaḥ kuśalaṃ tena sampūjya madhusūdanam / (9.1)
Par.?
uttaṅko brāhmaṇaśreṣṭhastataḥ papraccha mādhavam // (9.2)
Par.?
kaccicchaure tvayā gatvā kurupāṇḍavasadma tat / (10.1)
Par.?
kṛtaṃ saubhrātram acalaṃ tanme vyākhyātum arhasi // (10.2)
Par.?
abhisaṃdhāya tān vīrān upāvṛtto 'si keśava / (11.1)
Par.?
saṃbandhinaḥ sudayitān satataṃ vṛṣṇipuṃgava // (11.2)
Par.?
kaccit pāṇḍusutāḥ pañca dhṛtarāṣṭrasya cātmajāḥ / (12.1)
Par.?
lokeṣu vihariṣyanti tvayā saha paraṃtapa // (12.2)
Par.?
svarāṣṭreṣu ca rājānaḥ kaccit prāpsyanti vai sukham / (13.1)
Par.?
kauraveṣu praśānteṣu tvayā nāthena mādhava // (13.2)
Par.?
yā me saṃbhāvanā tāta tvayi nityam avartata / (14.1)
Par.?
api sā saphalā kṛṣṇa kṛtā te bharatān prati // (14.2)
Par.?
vāsudeva uvāca / (15.1)
Par.?
kṛto yatno mayā brahman saubhrātre kauravān prati / (15.2)
Par.?
na cāśakyanta saṃdhātuṃ te 'dharmarucayo mayā // (15.3)
Par.?
tataste nidhanaṃ prāptāḥ sarve sasutabāndhavāḥ / (16.1)
Par.?
na diṣṭam abhyatikrāntuṃ śakyaṃ buddhyā balena vā / (16.2) Par.?
maharṣe viditaṃ nūnaṃ sarvam etat tavānagha // (16.3)
Par.?
te 'tyakrāmanmatiṃ mahyaṃ bhīṣmasya vidurasya ca / (17.1)
Par.?
tato yamakṣayaṃ jagmuḥ samāsādyetaretaram // (17.2)
Par.?
pañca vai pāṇḍavāḥ śiṣṭā hatamitrā hatātmajāḥ / (18.1)
Par.?
dhārtarāṣṭrāśca nihatāḥ sarve sasutabāndhavāḥ // (18.2)
Par.?
ityuktavacane kṛṣṇe bhṛśaṃ krodhasamanvitaḥ / (19.1)
Par.?
uttaṅkaḥ pratyuvācainaṃ roṣād utphālya locane // (19.2)
Par.?
yasmācchaktena te kṛṣṇa na trātāḥ kurupāṇḍavāḥ / (20.1)
Par.?
saṃbandhinaḥ priyāstasmācchapsye 'haṃ tvām asaṃśayam // (20.2)
Par.?
na ca te prasabhaṃ yasmāt te nigṛhya nivartitāḥ / (21.1)
Par.?
tasmānmanyuparītastvāṃ śapsyāmi madhusūdana // (21.2)
Par.?
tvayā hi śaktena satā mithyācāreṇa mādhava / (22.1)
Par.?
upacīrṇāḥ kuruśreṣṭhā yastvetān samupekṣathāḥ // (22.2)
Par.?
vāsudeva uvāca / (23.1)
Par.?
śṛṇu me vistareṇedaṃ yad vakṣye bhṛgunandana / (23.2)
Par.?
gṛhāṇānunayaṃ cāpi tapasvī hyasi bhārgava // (23.3)
Par.?
śrutvā tvam etad adhyātmaṃ muñcethāḥ śāpam adya vai / (24.1)
Par.?
na ca māṃ tapasālpena śakto 'bhibhavituṃ pumān // (24.2)
Par.?
na ca te tapaso nāśam icchāmi japatāṃ vara / (25.1)
Par.?
tapaste sumahad dīptaṃ guravaścāpi toṣitāḥ // (25.2)
Par.?
kaumāraṃ brahmacaryaṃ te jānāmi dvijasattama / (26.1)
Par.?
duḥkhārjitasya tapasastasmānnecchāmi te vyayam // (26.2)
Par.?
Duration=0.11017394065857 secs.