UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 8810
- Click on a sentence to show its analysis
- Keep the mouse pointer over a lemma to show its meanings.
arjuna uvāca / (1.1)
Par.?
kim āgamanakṛtyaṃ te kauravyakulanandini / (1.2)
Par.?
maṇipūrapater mātustathaiva ca raṇājire // (1.3)
Par.?
kaccit kuśalakāmāsi rājño 'sya bhujagātmaje / (2.1)
Par.?
mama vā cañcalāpāṅge kaccit tvaṃ śubham icchasi // (2.2)
Par.?
kaccit te pṛthulaśroṇi nāpriyaṃ śubhadarśane / (3.1)
Par.?
akārṣam aham ajñānād ayaṃ vā babhruvāhanaḥ // (3.2)
Par.?
kaccicca rājaputrī te sapatnī caitravāhinī / (4.1)
Par.?
citrāṅgadā varārohā nāparādhyati kiṃcana // (4.2)
Par.?
tam uvācoragapater duhitā prahasantyatha / (5.1)
Par.?
na me tvam aparāddho 'si na nṛpo babhruvāhanaḥ / (5.2)
Par.?
na janitrī tathāsyeyaṃ mama yā preṣyavat sthitā // (5.3)
Par.?
śrūyatāṃ yad yathā cedaṃ mayā sarvaṃ viceṣṭitam / (6.1)
Par.?
na me kopastvayā kāryaḥ śirasā tvāṃ prasādaye // (6.2)
Par.?
tvatprītyarthaṃ hi kauravya kṛtam etanmayānagha / (7.1)
Par.?
yat tacchṛṇu mahābāho nikhilena dhanaṃjaya // (7.2)
Par.?
mahābhāratayuddhe yat tvayā śāṃtanavo nṛpaḥ / (8.1)
Par.?
adharmeṇa hataḥ pārtha tasyaiṣā niṣkṛtiḥ kṛtā // (8.2)
Par.?
na hi bhīṣmastvayā vīra yudhyamāno nipātitaḥ / (9.1)
Par.?
śikhaṇḍinā tu saṃsaktastam āśritya hatastvayā // (9.2)
Par.?
tasya śāntim akṛtvā tu tyajestvaṃ yadi jīvitam / (10.1)
Par.?
karmaṇā tena pāpena patethā niraye dhruvam // (10.2)
Par.?
eṣā tu vihitā śāntiḥ putrād yāṃ prāptavān asi / (11.1)
Par.?
vasubhir vasudhāpāla gaṅgayā ca mahāmate // (11.2)
Par.?
purā hi śrutam etad vai vasubhiḥ kathitaṃ mayā / (12.1)
Par.?
gaṅgāyāstīram āgamya hate śāṃtanave nṛpe // (12.2)
Par.?
āplutya devā vasavaḥ sametya ca mahānadīm / (13.1)
Par.?
idam ūcur vaco ghoraṃ bhāgīrathyā mate tadā // (13.2)
Par.?
eṣa śāṃtanavo bhīṣmo nihataḥ savyasācinā / (14.1)
Par.?
ayudhyamānaḥ saṃgrāme saṃsakto 'nyena bhāmini // (14.2)
Par.?
tad anenābhiṣaṅgeṇa vayam apyarjunaṃ śubhe / (15.1)
Par.?
śāpena yojayāmeti tathāstviti ca sābravīt // (15.2)
Par.?
tad ahaṃ pitur āvedya bhṛśaṃ pravyathitendriyā / (16.1)
Par.?
abhavaṃ sa ca tacchrutvā viṣādam agamat param // (16.2)
Par.?
pitā tu me vasūn gatvā tvadarthaṃ samayācata / (17.1)
Par.?
punaḥ punaḥ prasādyaināṃsta enam idam abruvan // (17.2)
Par.?
punastasya mahābhāga maṇipūreśvaro yuvā / (18.1)
Par.?
sa enaṃ raṇamadhyasthaṃ śaraiḥ pātayitā bhuvi // (18.2)
Par.?
evaṃ kṛte sa nāgendra muktaśāpo bhaviṣyati / (19.1)
Par.?
gaccheti vasubhiścokto mama cedaṃ śaśaṃsa saḥ // (19.2)
Par.?
tacchrutvā tvaṃ mayā tasmācchāpād asi vimokṣitaḥ / (20.1)
Par.?
na hi tvāṃ devarājo 'pi samareṣu parājayet // (20.2)
Par.?
ātmā putraḥ smṛtastasmāt tenehāsi parājitaḥ / (21.1)
Par.?
nātra doṣo mama mataḥ kathaṃ vā manyase vibho // (21.2)
Par.?
ityevam ukto vijayaḥ prasannātmābravīd idam / (22.1)
Par.?
sarvaṃ me supriyaṃ devi yad etat kṛtavatyasi // (22.2)
Par.?
ityuktvāthābravīt putraṃ maṇipūreśvaraṃ jayaḥ / (23.1)
Par.?
citrāṅgadāyāḥ śṛṇvantyāḥ kauravyaduhitustathā // (23.2)
Par.?
yudhiṣṭhirasyāśvamedhaḥ parāṃ caitrīṃ bhaviṣyati / (24.1)
Par.?
tatrāgaccheḥ sahāmātyo mātṛbhyāṃ sahito nṛpa // (24.2)
Par.?
ityevam uktaḥ pārthena sa rājā babhruvāhanaḥ / (25.1)
Par.?
uvāca pitaraṃ dhīmān idam asrāvilekṣaṇaḥ // (25.2)
Par.?
upayāsyāmi dharmajña bhavataḥ śāsanād aham / (26.1)
Par.?
aśvamedhe mahāyajñe dvijātipariveṣakaḥ // (26.2)
Par.?
mama tvanugrahārthāya praviśasva puraṃ svakam / (27.1)
Par.?
bhāryābhyāṃ saha śatrughna mā bhūt te 'tra vicāraṇā // (27.2)
Par.?
uṣitveha viśalyastvaṃ sukhaṃ sve veśmani prabho / (28.1)
Par.?
punar aśvānugamanaṃ kartāsi jayatāṃ vara // (28.2) Par.?
ityuktaḥ sa tu putreṇa tadā vānaraketanaḥ / (29.1)
Par.?
smayan provāca kaunteyastadā citrāṅgadāsutam // (29.2)
Par.?
viditaṃ te mahābāho yathā dīkṣāṃ carāmyaham / (30.1)
Par.?
na sa tāvat pravekṣyāmi puraṃ te pṛthulocana // (30.2)
Par.?
yathākāmaṃ prayātyeṣa yajñiyaśca turaṃgamaḥ / (31.1)
Par.?
svasti te 'stu gamiṣyāmi na sthānaṃ vidyate mama // (31.2)
Par.?
sa tatra vidhivat tena pūjitaḥ pākaśāsaniḥ / (32.1)
Par.?
bhāryābhyām abhyanujñātaḥ prāyād bharatasattamaḥ // (32.2)
Par.?
Duration=0.11687779426575 secs.