Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 8827

Click on a sentence to show its analysis
Keep the mouse pointer over a lemma to show its meanings.

janamejaya uvāca / (1.1) Par.?

pitāmahasya me yajñe dharmaputrasya dhīmataḥ / (1.2) Par.?

yad āścaryam abhūt kiṃcit tad bhavān vaktum arhati // (1.3) Par.?

vaiśaṃpāyana uvāca / (2.1) Par.?

śrūyatāṃ rājaśārdūla mahad āścaryam uttamam / (2.2) Par.?

aśvamedhe mahāyajñe nivṛtte yad abhūd vibho // (2.3) Par.?

tarpiteṣu dvijāgryeṣu jñātisaṃbandhibandhuṣu / (3.1) Par.?

dīnāndhakṛpaṇe cāpi tadā bharatasattama // (3.2) Par.?

ghuṣyamāṇe mahādāne dikṣu sarvāsu bhārata / (4.1) Par.?

patatsu puṣpavarṣeṣu dharmarājasya mūrdhani // (4.2) Par.?

bilānniṣkramya nakulo rukmapārśvastadānagha / (5.1) Par.?

vajrāśanisamaṃ nādam amuñcata viśāṃ pate // (5.2) Par.?

sakṛd utsṛjya taṃ nādaṃ trāsayāno mṛgadvijān / (6.1) Par.?

mānuṣaṃ vacanaṃ prāha dhṛṣṭo bilaśayo mahān // (6.2) Par.?

saktuprasthena vo nāyaṃ yajñastulyo narādhipāḥ / (7.1) Par.?

uñchavṛtter vadānyasya kurukṣetranivāsinaḥ // (7.2) Par.?

tasya tad vacanaṃ śrutvā nakulasya viśāṃ pate / (8.1) Par.?

vismayaṃ paramaṃ jagmuḥ sarve te brāhmaṇarṣabhāḥ // (8.2) Par.?

tataḥ sametya nakulaṃ paryapṛcchanta te dvijāḥ / (9.1) Par.?

kutastvaṃ samanuprāpto yajñaṃ sādhusamāgamam // (9.2) Par.?

kiṃ balaṃ paramaṃ tubhyaṃ kiṃ śrutaṃ kiṃ parāyaṇam / (10.1) Par.?

kathaṃ bhavantaṃ vidyāma yo no yajñaṃ vigarhase // (10.2) Par.?

avilupyāgamaṃ kṛtsnaṃ vidhijñair yājakaiḥ kṛtam / (11.1) Par.?

yathāgamaṃ yathānyāyaṃ kartavyaṃ ca yathākṛtam // (11.2) Par.?

pūjārhāḥ pūjitāścātra vidhivacchāstracakṣuṣā / (12.1) Par.?

mantrapūtaṃ hutaścāgnir dattaṃ deyam amatsaram // (12.2) Par.?

tuṣṭā dvijarṣabhāścātra dānair bahuvidhair api / (13.1) Par.?

kṣatriyāśca suyuddhena śrāddhair api pitāmahāḥ // (13.2) Par.?

pālanena viśastuṣṭāḥ kāmaistuṣṭā varastriyaḥ / (14.1) Par.?

anukrośaistathā śūdrā dānaśeṣaiḥ pṛthagjanāḥ // (14.2) Par.?

jñātisaṃbandhinastuṣṭāḥ śaucena ca nṛpasya naḥ / (15.1) Par.?

devā havirbhiḥ puṇyaiśca rakṣaṇaiḥ śaraṇāgatāḥ // (15.2) Par.?

yad atra tathyaṃ tad brūhi satyasaṃdha dvijātiṣu / (16.1) Par.?

yathāśrutaṃ yathādṛṣṭaṃ pṛṣṭo brāhmaṇakāmyayā // (16.2) Par.?

śraddheyavākyaḥ prājñastvaṃ divyaṃ rūpaṃ bibharṣi ca / (17.1) Par.?

samāgataśca vipraistvaṃ tattvato vaktum arhasi // (17.2) Par.?

iti pṛṣṭo dvijaistaiḥ sa prahasya nakulo 'bravīt / (18.1) Par.?

naiṣānṛtā mayā vāṇī proktā darpeṇa vā dvijāḥ // (18.2) Par.?

yanmayoktam idaṃ kiṃcid yuṣmābhiścāpyupaśrutam / (19.1) Par.?

saktuprasthena vo nāyaṃ yajñastulyo narādhipāḥ / (19.2) Par.?

uñchavṛtter vadānyasya kurukṣetranivāsinaḥ // (19.3) Par.?

ityavaśyaṃ mayaitad vo vaktavyaṃ dvijapuṃgavāḥ / (20.1) Par.?

śṛṇutāvyagramanasaḥ śaṃsato me dvijarṣabhāḥ // (20.2) Par.?

anubhūtaṃ ca dṛṣṭaṃ ca yanmayādbhutam uttamam / (21.1) Par.?

uñchavṛtter yathāvṛttaṃ kurukṣetranivāsinaḥ // (21.2) Par.?

svargaṃ yena dvijaḥ prāptaḥ sabhāryaḥ sasutasnuṣaḥ / (22.1) Par.?

yathā cārdhaṃ śarīrasya mamedaṃ kāñcanīkṛtam // (22.2) Par.?

Duration=0.073041915893555 secs.