Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 9408

Click on a sentence to show its analysis
Keep the mouse pointer over a lemma to show its meanings.

dhṛtarāṣṭra uvāca / (1.1) Par.?

viditaṃ bhavatām etad yathā vṛttaḥ kurukṣayaḥ / (1.2) Par.?

mamāparādhāt tat sarvam iti jñeyaṃ tu kauravāḥ // (1.3) Par.?

yo 'haṃ duṣṭamatiṃ mūḍhaṃ jñātīnāṃ bhayavardhanam / (2.1) Par.?

duryodhanaṃ kauravāṇām ādhipatye 'bhyaṣecayam // (2.2) Par.?

yaccāhaṃ vāsudevasya vākyaṃ nāśrauṣam arthavat / (3.1) Par.?

vadhyatāṃ sādhvayaṃ pāpaḥ sāmātya iti durmatiḥ // (3.2) Par.?

putrasnehābhibhūtaśca hitam ukto manīṣibhiḥ / (4.1) Par.?

vidureṇātha bhīṣmeṇa droṇena ca kṛpeṇa ca // (4.2) Par.?

pade pade bhagavatā vyāsena ca mahātmanā / (5.1) Par.?

saṃjayenātha gāndhāryā tad idaṃ tapyate 'dya mām // (5.2) Par.?

yaccāhaṃ pāṇḍuputreṇa guṇavatsu mahātmasu / (6.1) Par.?

na dattavāñśriyaṃ dīptāṃ pitṛpaitāmahīm imām // (6.2) Par.?

vināśaṃ paśyamāno hi sarvarājñāṃ gadāgrajaḥ / (7.1) Par.?

etacchreyaḥ sa paramam amanyata janārdanaḥ // (7.2) Par.?

so 'ham etānyalīkāni nivṛttānyātmanaḥ sadā / (8.1) Par.?

hṛdaye śalyabhūtāni dhārayāmi sahasraśaḥ // (8.2) Par.?

viśeṣatastu dahyāmi varṣaṃ pañcadaśaṃ hi vai / (9.1) Par.?

asya pāpasya śuddhyarthaṃ niyato 'smi sudurmatiḥ // (9.2) Par.?

caturthe niyate kāle kadācid api cāṣṭame / (10.1) Par.?

tṛṣṇāvinayanaṃ bhuñje gāndhārī veda tanmama // (10.2) Par.?

karotyāhāram iti māṃ sarvaḥ parijanaḥ sadā / (11.1) Par.?

yudhiṣṭhirabhayād vetti bhṛśaṃ tapyati pāṇḍavaḥ // (11.2) Par.?

bhūmau śaye japyaparo darbheṣvajinasaṃvṛtaḥ / (12.1) Par.?

niyamavyapadeśena gāndhārī ca yaśasvinī // (12.2) Par.?

hataṃ putraśataṃ śūraṃ saṃgrāmeṣvapalāyinam / (13.1) Par.?

nānutapyāmi taccāhaṃ kṣatradharmaṃ hi taṃ viduḥ / (13.2) Par.?

ityuktvā dharmarājānam abhyabhāṣata kauravaḥ // (13.3) Par.?

bhadraṃ te yādavīmātar vākyaṃ cedaṃ nibodha me / (14.1) Par.?

sukham asmyuṣitaḥ putra tvayā suparipālitaḥ // (14.2) Par.?

mahādānāni dattāni śrāddhāni ca punaḥ punaḥ / (15.1) Par.?

prakṛṣṭaṃ me vayaḥ putra puṇyaṃ cīrṇaṃ yathābalam / (15.2) Par.?

gāndhārī hataputreyaṃ dhairyeṇodīkṣate ca mām // (15.3) Par.?

draupadyā hyapakartārastava caiśvaryahāriṇaḥ / (16.1) Par.?

samatītā nṛśaṃsāste dharmeṇa nihatā yudhi // (16.2) Par.?

na teṣu pratikartavyaṃ paśyāmi kurunandana / (17.1) Par.?

sarve śastrajitāṃllokān gatāste 'bhimukhaṃ hatāḥ // (17.2) Par.?

ātmanastu hitaṃ mukhyaṃ pratikartavyam adya me / (18.1) Par.?

gāndhāryāścaiva rājendra tad anujñātum arhasi // (18.2) Par.?

tvaṃ hi dharmabhṛtāṃ śreṣṭhaḥ satataṃ dharmavatsalaḥ / (19.1) Par.?

rājā guruḥ prāṇabhṛtāṃ tasmād etad bravīmyaham // (19.2) Par.?

anujñātastvayā vīra saṃśrayeyaṃ vanānyaham / (20.1) Par.?

cīravalkalabhṛd rājan gāndhāryā sahito 'nayā / (20.2) Par.?

tavāśiṣaḥ prayuñjāno bhaviṣyāmi vanecaraḥ // (20.3) Par.?

ucitaṃ naḥ kule tāta sarveṣāṃ bharatarṣabha / (21.1) Par.?

putreṣvaiśvaryam ādhāya vayaso 'nte vanaṃ nṛpa // (21.2) Par.?

tatrāhaṃ vāyubhakṣo vā nirāhāro 'pi vā vasan / (22.1) Par.?

patnyā sahānayā vīra cariṣyāmi tapaḥ param // (22.2) Par.?

tvaṃ cāpi phalabhāk tāta tapasaḥ pārthivo hyasi / (23.1) Par.?

phalabhājo hi rājānaḥ kalyāṇasyetarasya vā // (23.2) Par.?

Duration=0.10238099098206 secs.