Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 9414

Click on a sentence to show its analysis
Keep the mouse pointer over a lemma to show its meanings.

vyāsa uvāca / (1.1) Par.?

yudhiṣṭhira mahābāho yad āha kurunandanaḥ / (1.2) Par.?

dhṛtarāṣṭro mahātmā tvāṃ tat kuruṣvāvicārayan // (1.3) Par.?

ayaṃ hi vṛddho nṛpatir hataputro viśeṣataḥ / (2.1) Par.?

nedaṃ kṛcchraṃ cirataraṃ sahed iti matir mama // (2.2) Par.?

gāndhārī ca mahābhāgā prājñā karuṇavedinī / (3.1) Par.?

putraśokaṃ mahārāja dhairyeṇodvahate bhṛśam // (3.2) Par.?

aham apyetad eva tvāṃ bravīmi kuru me vacaḥ / (4.1) Par.?

anujñāṃ labhatāṃ rājā mā vṛtheha mariṣyati // (4.2) Par.?

rājarṣīṇāṃ purāṇānām anuyātu gatiṃ nṛpaḥ / (5.1) Par.?

rājarṣīṇāṃ hi sarveṣām ante vanam upāśrayaḥ // (5.2) Par.?

vaiśaṃpāyana uvāca / (6.1) Par.?

ityuktaḥ sa tadā rājā vyāsenādbhutakarmaṇā / (6.2) Par.?

pratyuvāca mahātejā dharmarājo yudhiṣṭhiraḥ // (6.3) Par.?

bhagavān eva no mānyo bhagavān eva no guruḥ / (7.1) Par.?

bhagavān asya rājyasya kulasya ca parāyaṇam // (7.2) Par.?

ahaṃ tu putro bhagavān pitā rājā guruśca me / (8.1) Par.?

nideśavartī ca pituḥ putro bhavati dharmataḥ // (8.2) Par.?

ityuktaḥ sa tu taṃ prāha vyāso dharmabhṛtāṃ varaḥ / (9.1) Par.?

yudhiṣṭhiraṃ mahātejāḥ punar eva viśāṃ pate // (9.2) Par.?

evam etanmahābāho yathā vadasi bhārata / (10.1) Par.?

rājāyaṃ vṛddhatāṃ prāptaḥ pramāṇe parame sthitaḥ // (10.2) Par.?

so 'yaṃ mayābhyanujñātastvayā ca pṛthivīpate / (11.1) Par.?

karotu svam abhiprāyaṃ māsya vighnakaro bhava // (11.2) Par.?

eṣa eva paro dharmo rājarṣīṇāṃ yudhiṣṭhira / (12.1) Par.?

samare vā bhavenmṛtyur vane vā vidhipūrvakam // (12.2) Par.?

pitrā tu tava rājendra pāṇḍunā pṛthivīkṣitā / (13.1) Par.?

śiṣyabhūtena rājāyaṃ guruvat paryupāsitaḥ // (13.2) Par.?

kratubhir dakṣiṇāvadbhir annaparvataśobhitaiḥ / (14.1) Par.?

mahadbhir iṣṭaṃ bhogāśca bhuktāḥ putrāśca pālitāḥ // (14.2) Par.?

putrasaṃsthaṃ ca vipulaṃ rājyaṃ viproṣite tvayi / (15.1) Par.?

trayodaśasamā bhuktaṃ dattaṃ ca vividhaṃ vasu // (15.2) Par.?

tvayā cāyaṃ naravyāghra guruśuśrūṣayā nṛpaḥ / (16.1) Par.?

ārādhitaḥ sabhṛtyena gāndhārī ca yaśasvinī // (16.2) Par.?

anujānīhi pitaraṃ samayo 'sya tapovidhau / (17.1) Par.?

na manyur vidyate cāsya susūkṣmo 'pi yudhiṣṭhira // (17.2) Par.?

etāvad uktvā vacanam anujñāpya ca pārthivam / (18.1) Par.?

tathāstviti ca tenoktaḥ kaunteyena yayau vanam // (18.2) Par.?

gate bhagavati vyāse rājā pāṇḍusutastataḥ / (19.1) Par.?

provāca pitaraṃ vṛddhaṃ mandaṃ mandam ivānataḥ // (19.2) Par.?

yad āha bhagavān vyāso yaccāpi bhavato matam / (20.1) Par.?

yad āha ca maheṣvāsaḥ kṛpo vidura eva ca // (20.2) Par.?

yuyutsuḥ saṃjayaścaiva tat kartāsmyaham añjasā / (21.1) Par.?

sarve hyete 'numānyā me kulasyāsya hitaiṣiṇaḥ // (21.2) Par.?

idaṃ tu yāce nṛpate tvām ahaṃ śirasā nataḥ / (22.1) Par.?

kriyatāṃ tāvad āhārastato gacchāśramaṃ prati // (22.2) Par.?

Duration=0.066898107528687 secs.