UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9445
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
evam uktāstu te tena paurajānapadā janāḥ / (1.2)
Par.?
vṛddhena rājñā kauravya naṣṭasaṃjñā ivābhavan // (1.3)
Par.?
tūṣṇīṃbhūtāṃstatastāṃstu bāṣpakaṇṭhānmahīpatiḥ / (2.1)
Par.?
dhṛtarāṣṭro mahīpālaḥ punar evābhyabhāṣata // (2.2)
Par.?
vṛddhaṃ māṃ hataputraṃ ca dharmapatnyā sahānayā / (3.1)
Par.?
vilapantaṃ bahuvidhaṃ kṛpaṇaṃ caiva sattamāḥ // (3.2)
Par.?
pitrā svayam anujñātaṃ kṛṣṇadvaipāyanena vai / (4.1)
Par.?
vanavāsāya dharmajñā dharmajñena nṛpeṇa ca // (4.2)
Par.?
so 'haṃ punaḥ punar yāce śirasāvanato 'naghāḥ / (5.1)
Par.?
gāndhāryā sahitaṃ tanmāṃ samanujñātum arhatha // (5.2)
Par.?
śrutvā tu kururājasya vākyāni karuṇāni te / (6.1)
Par.?
ruruduḥ sarvato rājan sametāḥ kurujāṅgalāḥ // (6.2)
Par.?
uttarīyaiḥ karaiścāpi saṃchādya vadanāni te / (7.1)
Par.?
ruruduḥ śokasaṃtaptā muhūrtaṃ pitṛmātṛvat // (7.2)
Par.?
hṛdayaiḥ śūnyabhūtaiste dhṛtarāṣṭrapravāsajam / (8.1)
Par.?
duḥkhaṃ saṃdhārayantaḥ sma naṣṭasaṃjñā ivābhavan // (8.2)
Par.?
te vinīya tam āyāsaṃ kururājaviyogajam / (9.1)
Par.?
śanaiḥ śanaistadānyonyam abruvan svamatānyuta // (9.2)
Par.?
tataḥ saṃdhāya te sarve vākyānyatha samāsataḥ / (10.1)
Par.?
ekasmin brāhmaṇe rājann āveśyocur narādhipam // (10.2)
Par.?
tataḥ svacaraṇe vṛddhaḥ saṃmato 'rthaviśāradaḥ / (11.1)
Par.?
sāmbākhyo bahvṛco rājan vaktuṃ samupacakrame // (11.2)
Par.?
anumānya mahārājaṃ tat sadaḥ samprabhāṣya ca / (12.1)
Par.?
vipraḥ pragalbho medhāvī sa rājānam uvāca ha // (12.2)
Par.?
rājan vākyaṃ janasyāsya mayi sarvaṃ samarpitam / (13.1)
Par.?
vakṣyāmi tad ahaṃ vīra tajjuṣasva narādhipa // (13.2)
Par.?
yathā vadasi rājendra sarvam etat tathā vibho / (14.1)
Par.?
nātra mithyā vacaḥ kiṃcit suhṛt tvaṃ naḥ parasparam // (14.2)
Par.?
na jātvasya tu vaṃśasya rājñāṃ kaścit kadācana / (15.1)
Par.?
rājāsīd yaḥ prajāpālaḥ prajānām apriyo bhavet // (15.2)
Par.?
pitṛvad bhrātṛvaccaiva bhavantaḥ pālayanti naḥ / (16.1)
Par.?
na ca duryodhanaḥ kiṃcid ayuktaṃ kṛtavānnṛpa // (16.2)
Par.?
yathā bravīti dharmajño muniḥ satyavatīsutaḥ / (17.1)
Par.?
tathā kuru mahārāja sa hi naḥ paramo guruḥ // (17.2)
Par.?
tyaktā vayaṃ tu bhavatā duḥkhaśokaparāyaṇāḥ / (18.1)
Par.?
bhaviṣyāmaściraṃ rājan bhavadguṇaśatair hṛtāḥ // (18.2) Par.?
yathā śaṃtanunā guptā rājñā citrāṅgadena ca / (19.1)
Par.?
bhīṣmavīryopagūḍhena pitrā ca tava pārthiva // (19.2)
Par.?
bhavadbuddhiyujā caiva pāṇḍunā pṛthivīkṣitā / (20.1)
Par.?
tathā duryodhanenāpi rājñā suparipālitāḥ // (20.2)
Par.?
na svalpam api putraste vyalīkaṃ kṛtavānnṛpa / (21.1)
Par.?
pitarīva suviśvastāstasminn api narādhipe / (21.2)
Par.?
vayam āsma yathā samyag bhavato viditaṃ tathā // (21.3)
Par.?
tathā varṣasahasrāya kuntīputreṇa dhīmatā / (22.1)
Par.?
pālyamānā dhṛtimatā sukhaṃ vindāmahe nṛpa // (22.2)
Par.?
rājarṣīṇāṃ purāṇānāṃ bhavatāṃ vaṃśadhāriṇām / (23.1)
Par.?
kurusaṃvaraṇādīnāṃ bharatasya ca dhīmataḥ // (23.2)
Par.?
vṛttaṃ samanuyātyeṣa dharmātmā bhūridakṣiṇaḥ / (24.1)
Par.?
nātra vācyaṃ mahārāja susūkṣmam api vidyate // (24.2)
Par.?
uṣitāḥ sma sukhaṃ nityaṃ bhavatā paripālitāḥ / (25.1)
Par.?
susūkṣmaṃ ca vyalīkaṃ te saputrasya na vidyate // (25.2)
Par.?
yat tu jñātivimarde 'sminn āttha duryodhanaṃ prati / (26.1)
Par.?
bhavantam anuneṣyāmi tatrāpi kurunandana // (26.2)
Par.?
Duration=0.093615055084229 secs.