UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9403
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
evaṃ te puruṣavyāghrāḥ pāṇḍavā mātṛnandanāḥ / (1.2)
Par.?
smaranto mātaraṃ vīrā babhūvur bhṛśaduḥkhitāḥ // (1.3)
Par.?
ye rājakāryeṣu purā vyāsaktā nityaśo 'bhavan / (2.1)
Par.?
te rājakāryāṇi tadā nākārṣuḥ sarvataḥ pure // (2.2)
Par.?
āviṣṭā iva śokena nābhyanandanta kiṃcana / (3.1)
Par.?
saṃbhāṣyamāṇā api te na kiṃcit pratyapūjayan // (3.2)
Par.?
te sma vīrā durādharṣā gāmbhīrye sāgaropamāḥ / (4.1)
Par.?
śokopahatavijñānā naṣṭasaṃjñā ivābhavan // (4.2)
Par.?
anusmaranto jananīṃ tataste kurunandanāḥ / (5.1)
Par.?
kathaṃ nu vṛddhamithunaṃ vahatyadya pṛthā kṛśā // (5.2)
Par.?
kathaṃ ca sa mahīpālo hataputro nirāśrayaḥ / (6.1)
Par.?
patnyā saha vasatyeko vane śvāpadasevite // (6.2)
Par.?
sā ca devī mahābhāgā gāndhārī hatabāndhavā / (7.1)
Par.?
patim andhaṃ kathaṃ vṛddham anveti vijane vane // (7.2)
Par.?
evaṃ teṣāṃ kathayatām autsukyam abhavat tadā / (8.1)
Par.?
gamane cābhavad buddhir dhṛtarāṣṭradidṛkṣayā // (8.2)
Par.?
sahadevastu rājānaṃ praṇipatyedam abravīt / (9.1)
Par.?
aho me bhavato dṛṣṭaṃ hṛdayaṃ gamanaṃ prati // (9.2)
Par.?
na hi tvā gauraveṇāham aśakaṃ vaktum ātmanā / (10.1)
Par.?
gamanaṃ prati rājendra tad idaṃ samupasthitam // (10.2)
Par.?
diṣṭyā drakṣyāmi tāṃ kuntīṃ vartayantīṃ tapasvinīm / (11.1)
Par.?
jaṭilāṃ tāpasīṃ vṛddhāṃ kuśakāśaparikṣatām // (11.2)
Par.?
prāsādaharmyasaṃvṛddhām atyantasukhabhāginīm / (12.1)
Par.?
kadā nu jananīṃ śrāntāṃ drakṣyāmi bhṛśaduḥkhitām // (12.2)
Par.?
anityāḥ khalu martyānāṃ gatayo bharatarṣabha / (13.1)
Par.?
kuntī rājasutā yatra vasatyasukhinī vane // (13.2)
Par.?
sahadevavacaḥ śrutvā draupadī yoṣitāṃ varā / (14.1)
Par.?
uvāca devī rājānam abhipūjyābhinandya ca // (14.2)
Par.?
kadā drakṣyāmi tāṃ devīṃ yadi jīvati sā pṛthā / (15.1)
Par.?
jīvantyā hyadya naḥ prītir bhaviṣyati narādhipa // (15.2)
Par.?
eṣā te 'stu matir nityaṃ dharme te ramatāṃ manaḥ / (16.1)
Par.?
yo 'dya tvam asmān rājendra śreyasā yojayiṣyasi // (16.2)
Par.?
agrapādasthitaṃ cemaṃ viddhi rājan vadhūjanam / (17.1)
Par.?
kāṅkṣantaṃ darśanaṃ kuntyā gāndhāryāḥ śvaśurasya ca // (17.2)
Par.?
ityuktaḥ sa nṛpo devyā pāñcālyā bharatarṣabha / (18.1)
Par.?
senādhyakṣān samānāyya sarvān idam athābravīt // (18.2)
Par.?
niryātayata me senāṃ prabhūtarathakuñjarām / (19.1)
Par.?
drakṣyāmi vanasaṃsthaṃ ca dhṛtarāṣṭraṃ mahīpatim // (19.2)
Par.?
stryadhyakṣāṃścābravīd rājā yānāni vividhāni me / (20.1)
Par.?
sajjīkriyantāṃ sarvāṇi śibikāśca sahasraśaḥ // (20.2)
Par.?
śakaṭāpaṇaveśāśca kośaśilpina eva ca / (21.1)
Par.?
niryāntu kośapālāśca kurukṣetrāśramaṃ prati // (21.2)
Par.?
yaśca paurajanaḥ kaścid draṣṭum icchati pārthivam / (22.1)
Par.?
anāvṛtaḥ suvihitaḥ sa ca yātu surakṣitaḥ // (22.2)
Par.?
sūdāḥ paurogavāścaiva sarvaṃ caiva mahānasam / (23.1)
Par.?
vividhaṃ bhakṣyabhojyaṃ ca śakaṭair uhyatāṃ mama // (23.2)
Par.?
prayāṇaṃ ghuṣyatāṃ caiva śvobhūta iti māciram / (24.1) Par.?
kriyantāṃ pathi cāpyadya veśmāni vividhāni ca // (24.2)
Par.?
evam ājñāpya rājā sa bhrātṛbhiḥ saha pāṇḍavaḥ / (25.1)
Par.?
śvobhūte niryayau rājā sastrībālapuraskṛtaḥ // (25.2)
Par.?
sa bahir divasān evaṃ janaughaṃ paripālayan / (26.1)
Par.?
nyavasannṛpatiḥ pañca tato 'gacchad vanaṃ prati // (26.2)
Par.?
Duration=0.11815595626831 secs.